2Korin 13:5 - Matu Chin New Testament 2006

⁵ Oengna dawngah na hing oen na hing nawh te mingna hamla namami oen namami te noem acai u langtah noekdak u lah. Khrih Jesuh te nangmi thinkaw ah a awm tangtang te na ming u ai! A awm nawh tangtang atah noekdakna dawngah na tlim dingri u poen ai.

Matu Bible

⁵ Namamih te noem uh lah, tangnah dongah na om nim. Namamih te nuemnai uh lah. Na khuikah Jesuh Khrih te na hmat uh pawt ve. Te pawt koinih a lolhmaih lam ni na om uh.

2Korin 13:5 Iomraidhean Croise

Johan 14:23

Jesuh lawng, “A-u khaw kai aka lungna tah kan cang puei he a vai ham awm. Ahih te a Pa lawng a lungna ai, kai oen a Pa te a tengla ka law vetih ahih tengah te ka awm hih ai.

Johan 15:4

Kai dawngah he tuhkai u lang awm poe u lah, kai khaw nangmi oen ka tuhkai u vetih ka awm poe van ai. Misur kah a beek-athleeng lawng amah poek ah thaih thai nawh; misurkung oen poe a tuh u dengah ni a thaih thai. Te tih van angla nangmi khaw kai dawngah poe na tuhkai u nawh atah na thaih u thai manawh.

Johan 17:23

Ahimi khuiah kai ka awm tih kai khuiah nang na awm, ahimi lawng pum khat la a awmna rang oen nang lawng kai nan tuih tih nan lungna van angla ahimi khaw na lungna tite dilai lawng a ming ai.

Johan 17:26

Kai nan lungna te ahimi khuiah awm tih kai khaw ahimi khuiah ka awmna ham nang te ahimi ka ming sak poen, ka ming sak baal hun ai.” tila thangthui.

Johan 6:56

A-u khaw ka ngan he a caak tih ka thi he aka aw tah kai dawngah hing tih kai khaw ahih dawngah ka hing.

Johan 6:6

(He tila a doet he tah Filip te noekdak ham a ngaih; amah lawngtah metila ka sai ai tite a ming poen).

Rom 1:28

Pathen kawng cuihna taktak te thlaanghing lawng a thinkaw khuiah khueh ham a ngaih u nawh dawngah aciimcaih nawh thinkaw lungbui khueh ham Pathen lawng a thlahphaam. Tedawngah sai koei nawh athe thaihu a sai u.

Rom 8:10

Tede Khrih te nangmi khuiah a awm atah thawlhna dawngah na pum te duek mai cakhaw nangmi tah Pathen oen na roep u poen dawngah nangmi kah muithla tah hing.

1Korin 11:28

Tedawngah thlaang boeih lawng lamhala amah oen amah te noem acai u seh, tecoengah takawi te ca selang tah boengloeng dawngkah te khaw aw seh.

1Korin 11:31

Mami lawng m'mah oen mah te lamhala n'noem acai u atah Pathen kah awlcekna mami sawah van pha manawh.

1Korin 3:16

Nangmi tah Pathen tempal bok-im la na awm u tih Pathen Muithla nangmi kaw khuiah a awm te ataktang la na ming u!

1Korin 6:15

Nangmi kah pum he tah Khrih kah pum vangg ni tite na ming u. Kai lawngah Khrih kah pum vangg te ka lawh vetih pum yooei thlaanghalhnu la ka sai ai aw? Ka sai roe manawh!

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

1Korin 6:2

Pathen thlaang thli lawngah dilai he awl a cek ai tite na ming u nawh aw? Te tila te dilai he awl cek hamla na awm u maiah lumca laaica mai te awl na tloek thai u nawh aw?

1Korin 9:24

Loehlang heengna poei ah thlaang yahawh lawngah loeh u de pakhat lawng ni kutdo a dang tite na ming u. Tedawngah kutdo huh hamla heeng u lah.

1Korin 9:27

Thlaangtloe te loehlangna ah thuum ham ka ceel coengah loehlangna ah kamah he n'thoek hau nawh ham ka pum he atlawhla ka phep oepsoeh.

2Korin 6:16

Metila Pathen kah tempal bok-im te aka oeng nawh kutsai mueime oen a roep hih thai ai? Metihtiah mami tah aka hing Pathen kah tempal bok-im ni! Pathen amah lawngah, “Kai lawngah ka awmna im te ka thlaang thli oen ka sak vetih ahimi tim ah ka awm ai; Kai tah ahimi kah Pathen la ka awm vetih ahimi te kai kah thlaang la awm u ai,” ti.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Galati 4:19

Ka lungna ka ca ka nau thli! Nangmi kah thinkaw ah Khrih moeiboe a awm thlantoe tah hutaa lawng camoe a awm vengah tlawhna a ming angla te ka ming koep hun ai.

Galati 6:4

Thlaang pakhat rip lawng amah kah saina te noem-acai ham awm. Bii a sai te atheen atah thlaangtloe kah saina oen nuehtah tlaih ohla amah kah saina dawngah oekthloen u thai ai.

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 2:19

Pum kah luu la aka awm Khrih phoeih mangkhak te a toeng u. (Khrih kah khoemdoenna oen pum lawngah cawmcah u tih ruh-rawng dakda oen tharui lawng a tawm malh coengah Pathen lawng roeng sak ham a ngaih angla te coengg.)

Kolosa 2:7

Amah khuiah na yung te adungla thlaak langtah amah dawngah na hingna te im angla sa u lang nangmi te n'cang puei u poen angla na oengna te cak sak u lah. Tecoengah awmngaih ciil thuina oen betoet uh.

1Timothy 2:15

Tede hutaa lawngah acuep amueih la oengna, lungna oen ciimna dawngah acakla a awm atah camoe cuunna rang oen ah thlawnna a dang ai.

2Timothy 3:8

Janni oen Jambri lawng Mosi te a oelh a taih hih angla he thlaang thli lawngkhaw awltak te a oelh a taih u, ahimi tah a kawpoek lawng bii aka bi tlaih nawh lungmong thlaang la awm u tih oengna ben ah dok u poen.

Titus 1:13

tila a thui he soeng tangtang. Tedawngah, he kawng ah he ahimi te atlawh ngaaila toelthaam lah, tetih atah ahimi lawng sa aka ding oengna te a khueh u vetih,

Titus 1:16

Amami lawngtah Pathen ka ming ti u de a saina oen a hoett u, thaihu theen khat khaw sai ham aka koeih tlaih nawh thlaang thli poen ni.

Titus 2:2

Tawngpa kum haam hue te amah oen amah kuemsuem uh, asoeng oengna dawngah awm uh, lungna oen uehthaina khueh uh, tila te thuituen.

Hebrew 12:15

Pathen kah lungvatna te a-u lawngkhaw mangthawng taak nawh ham ngaithuen uh. Thingkha thing lawng roeng hang tih asue oen thlaang te raina boehoengla a peek angla a-u khatca khaw awm u boel.

Hebrew 4:1

Tahe atah, Pathen lawng duemna huen a thui te pha thaina ham awlkamna m'peek poen. Te kah awlkam sut duemna khuiah te pha ohla awm hau nawh ham ngaithuen u sih.

Hebrew 6:8

Tede, thliing-ahang oen bel hawng aka po sak dilai te tah aphu awm nawh; Pathen lawng a tap avoep vetih hai dawngah a phum ai.

James 4:4

Nangmi uep-awm nawh thlaang hue! Dilai oen ah beroep u he Pathen kah raal la awm tite na ming u nawh aw? A-u khaw dilai kah paya beroep la awm ham aka ngaih tah amah oen amah te Pathen kah raal la sai u.

1Peter 5:9

Nangmi lawng na oengna dawngah te acakla awm u lang Seitan te balkhawng uh. Metihtiah na ming u angla dilai pum ah aka awm oengca pueipaw thli khaw he ang khawdeng patang he a khang u van.

Olphong 2:5

Metihtlukla adangla na tlaak thuk te poek lah! Na thawlhna te yut u lang acuekca kah na sai angla te sai lah. Nangmi lawng na thawlhna te na yut u nawh atah Nangmi tengla ka law vetih nangmi kah haivangna te huen tloe la kavan pawng poen ai.