2Korin 12:14 - Matu Chin New Testament 2006

¹⁴ Tahe avoeithumna ah nangmi hip hamla te oepsoehla ka awm poen, nangmi tengah n'tu khaw kavan bih manawh. Nangmi kah tangka te ka ngaih nawh tih namami te ni kan ngaih u. Ataktang atah ca-anau thli lawngah a manu oen ana pa te cawmcah nawh, tede nu a pa lawng ni ca-anau thli te a cawm a cah.

Matu Bible

¹⁴ Nangmih taengah a pathum ka pawk ham sikim la ka om coeng he. Tedae nangmih kah koe pawt tih namamih te kan toem dongah ka thinrhih mahpawh. Ca rhoek loh manu napa ham a tung pah a kuek moenih. Tedae manu napa long ni ca rhoek ham a tung pah.

2Korin 12:14 Iomraidhean Croise

Caeltueih 20:33

Kai lawngah a-u kah sui khaw, ngun khaw, hinaak himbai khaw ka naai nawh.

1Korin 10:24

A-u khaw amah kah theenna ham bueng te tlap boel selang thlaangtloe kah theenna te khaw tlap seh.

1Korin 10:33

Ka sai angla sai u van; ka sai boeih he thlaang boeih kah kawhoena ham ni ka yawm, kamah ham theenna te ka poek nawh tih thlawnna te a dangna u thai ham thlaang boeih kah theenna te ni ka poek.

1Korin 11:34

Tecoengah te tila na pum u vengah te Pathen kah awlcekna ah na phana u nawh ham bungpawng thlaang a awm atah amah im ah buh ca seh. Atloe abang thli ngoen tah kamah ka law vengah kavan thui u badai.

1Korin 16:5

Macidonia ram he hiil-adawng ham a awm dawngah Macidonia ram hiil-adawng coengah ni nangmi tengla ka law hun ai.

1Korin 4:19

Tecakhaw Bawipa lawng a ngaih atah nangmi tengla yue ka law vetih te kah aka oekthloen u thlaang thli lawng a thui awl bueng muehla huham tharana a khueh u te khaw kamah lawng ka huh ai.

1Korin 9:12

Thlaangtloe lawng nangmi tengkah te ang thaihu te dang hamla a ngaiuep u atah kaihih lawngah yahawh ngaai te ka ngaiuep nawh ai aw? Tede kaihih lawng te tila saithaina te ka hawna hih nawh. Khrih kawng Awlthang Theen lawngpui ah kanghalh-na khat khaw a awmna nawh ham soeprep boeih ah ka ueh hih.

1Korin 9:18

Te atah thapang n'tu ka dang? Ka bii phu te tah thapang lawh ohla Awlthang Theen ka phawng thaina oen awlthang theen bii ka bi dawngah kamah ham dang koei te ka bih nawh he ni.

1Korin 9:19

Kai tah a-u kah saltamnaa la khaw ka awm nawh, kai tah thlaangcuem ni; tede thlaang yahawh te ka doek thaina ham kamah oen kamah thlaang boeih kah sal la ka awm.

2Korin 1:15

He ang thli he ka tangna khaklal dawngah nangmi lawng yotheenna arepla na dangna u ham lamhacuekla nangmi tengah yin hamla ka kamthlah.

2Korin 11:9

Tecoengah nangmi tengah ka awm vengah te tangka ka ngoe ah khaw bawmna kavan bih nawh; Macidonia kah aka law maya manau thli lawngah ka ngoe thaihu boeih te kai ham avan khuen u. N'hu vengkah ka awm angla ni hailam ben ah khaw ka awm ai: Nangmi ham thalrih la ka awm aih manawh.

2Korin 12:13

Khrihcabu atloe boeih lak ah metila nangmi te athe-eep la kan sai? Tangka oen nan bawm u ham kavan bih nawh bueng te de lah koen? Te tila thuum van nawh hamla kan sai u dawngah reenna oen khawdawp van ngaai u mai hawn.

Galati 4:19

Ka lungna ka ca ka nau thli! Nangmi kah thinkaw ah Khrih moeiboe a awm thlantoe tah hutaa lawng camoe a awm vengah tlawhna a ming angla te ka ming koep hun ai.

Philipi 4:1

Tedawngah ka lungna maya manau thli, kan lungduetna u tih kan ngaai u tangkiik! Nangmi kawngah ka kaw hoe tih ka awmngaih tangkiik! Ka lungna maya manau thli, Bawipa dawng na hingna ah te acakla pai uh.

Philipi 4:17

Kai lawng kutdo dang ngaih bueng maiah nawh tih; nangmi kah cayin cabu dawngah khaw athawnna, apuung ataaina te huh hamla ka ngaih.

1Thessalonika 2:11

Ana pa lawng a ca thli te a dawm a thlai angla nangmi pakhat rip te kaimi lawng kan dawm kan thlai u te na ming u.

1Thessalonika 2:8

Kaimi lawngah nangmi te kan lungduetna dawngah Pathen tengkah Awlthang Theen bueng ohla kamami kah hingna pateng khaw peek hamla te oepsoehla ka awm u. Nangmi te kan lungduetna tangkiik u mai!