2Korin 12:11 - Matu Chin New Testament 2006

¹¹ Thlaangngau angla ni ka thawh ka tat poen he - nangmi lawng kai he nan ngau sak u. Nangmi lawngah ni kai hamla ngaikhuekna na van sai u ham a awm de. Kai he metila khaw ka awm aih nawh de nangmi lawng “Celtuih” na ti u thlaang hue lak ah te soetca khaw ka heem thloei nawh.

Matu Bible

¹¹ Hlang ang la ka om khaw nangmih long ni kai nan tanolh uh. Kai tah nangmih kah a oep ham khaw ka kuek pai. A honghi la ka om mai cakhaw caeltueih rhoek kah buhueng a pom te ka phavawt moenih.

2Korin 12:11 Iomraidhean Croise

Luka 17:10

Nangmi khaw te tila na awm u van, sai hamla avan thui boeih te na sai u coengah, ‘Kaimi tah tuihyoeihthlaang mai ni; kamami kah sai ham koei te ni ka sai u’ ti u mai hawn,” tila a thui pe.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 3:22

Pawl, Apollos oen Piter khaw, he dilai khaw, duekna oen hingna khaw, tahe san he khaw, hai ben kah aka law koei san khaw seh he thli boeih he nangmi kah koe-ava ni,

2Korin 1:6

Kaimi lawng patang ka khang u atah nangmi te bawmna ham oen thlawnna ham ni; kaimi lawng bawmna ka dang atah nangmi lawngkhaw kaimi angla bawmna te na dang u van vetih kaimi kah patang khangna, te ang van te nangmi lawngkhaw kawdawna oen ah na ueh thaina ham tharana te m'peek u.

2Korin 11:1

Kai he ka ngau bet cakhaw khawdawp na ngaai u ham ka ngaih. Khawdawp van ngaai u hawn!

2Korin 11:5

Nangmi lawngah, “Celtuih” tangtang na ti u thlaang hue lak ah te soetca khaw ahemla ka ngaai u nawh!

2Korin 12:12

Celtuih pakhat la ka awmna te nangmi tengah kawdaw thinsanna oen kawpoekrai miknoekna, kawpoekrai thaihu yahawh hlang saina oen ka tueng sak poen.

2Korin 12:6

Kai lawng oekthloen ham ka ngaih atah thlaangngau la tah ka awm aih manawh, metihtiah awltak ni ka thui ai. Tede ka oek u manawh, metihtiah ka saina he a huhna oen ah ka awlthui a yaakna lak ah asangla kai he a poek u hamla ka ngaih nawh.

2Korin 3:1

He tila ka thui he kamami kawngah mah oen mah koeh koep angla awm ai aw! Thlaangtloe khatsut angla kaimi lawngah nangmi peek hamla, tihnawhtah nangmi tengkah lawh hamla mingpueina cathut ka ngoe u aw?

2Korin 5:13

Kaimi he ka ngau u tangtang kai aw? Ka ngau u oh atah Pathen ham ni. Ka ngau u nawh atah nangmi ham ni.

Galati 6:3

A-u khaw, me tih khaw a ti aih tang nawh maiah amah oen amah te asangluepla aka poek u tah amah oen amah ni athailat u khoeng mai.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,