2Korin 11:3 - Matu Chin New Testament 2006

³ Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

Matu Bible

³ Ka rhih mai pawt cakhaw, rhul loh amah kah rhaithinah neh Eve a hoilae bangla, nangmih kah poeknah loh moeihoeihnah neh Khrih dongkah cimcaihnah te ham poeih ve ne.

2Korin 11:3 Iomraidhean Croise

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Rom 12:8

Thlaang te thapeek koei atah tha peek ham awm; khuehtoen thaihu te thlaangtloe rekra koei atah moeihoeihna oen rekra ham awm. Saithaina aana te n'dang atah bii yawm ham awm; thlaangtloe tengah thintlawhna tueng sak ham koei atah reenna oen tueng sak ham awm.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 11:20

Nangmi lawng ngoen tah, asoeng nawh la nangmi aka uk thli khaw, nangmi te thailatna tih apueh aka ca thli khaw, namami kah awlthuina dawngah khup lat la aka sai thli khaw, nangmi te huhsit thlaang thli khaw, na mik-hai te aka bel thli khaw, khawdawp na ngaai u thai ngoen ta.

2Korin 11:29

Thlaang pakhat khat a tha a yoek sut vengah kai khaw ka tha poei yoek van; thlaang khatsut a thawlh vengah kawtheboepla ka awm.

2Korin 2:17

Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

Galati 1:6

Ka kawpoek rai tangkiik mah aw! Khrih kah lungvatna oen nangmi khuekung te bawtbet khawlai kawl-kalhca maiah na hoett u tih awlthang theen atloe te na do u.

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Galati 3:1

Nangmi Galati thlaangngau hue! Nangmi te a-u lawng a sii oen n'phueng u? Thinglam dawngah Jesuh Khrih kah a duekna te na mikthlaam ah aciimphanla tueng poen!

Galati 4:11

Nangmi ham ka lakueng tangkiik mah aw? Kai lawng nangmi ham ka bi boeih te apoeila awm poen ai aw?

Ephesa 4:14

Te atah thlaangtloe te thawlhpalhna benla aka mawt, thlaang thailatna ham suen coplap hoem awl oen ah thlaangthaipalat thli kah cangpueina tuiphu lawng a khuen tih thlihueng lawng a yawng camoe angla te ng'awm u tlaih manawh.

Ephesa 4:22

Tedawngah pumsa ngaihna lawng thailatna oen phe la aka awm na hing ruem te tah hoett u loeih.

Ephesa 6:24

Mami kah Bawipa Jesuh Khrih te aka duek nawh lungna oen ah aka lungna boeih sawah Pathen lungvatna awm hawn seh.

Kolosa 2:18

Huhthlaam sangthloei ka huh ti u tih thlaangtloe lak ah asangla aka ngaai u thlaang thli, asoeng nawh komyomna, m'mah kah pum he phep hamla awm aka ti thlaang thli a-u lawngkhaw nangmi te n'sal'phaam boel seh. Te ang thlaang thli tah thuingaihna tangtang aka awm nawh thlaanghing poekna angla a poek te oen ah oekthloen u.

Kolosa 2:4

Tecoengah he he kavan thui u, metila asoeng tangkiik angla awm mai cakhaw, aka soeng nawh cal thai oelhtaihna oen nangmi te a-u lawngkhaw n'thaina u boel seh.

Kolosa 2:8

Tecoengah Khrih tengkah ohla thlaang kah cangpueina patoeng oen khawhipuempa ukkung Muithla teng kalawng ah aka law, aphu aka awm nawh thlaanghing kah cuihna oen a-u lawngkhaw nangmi te sal la n'sai u nawh ham ngaithuen uh.

1Thessalonika 3:5

Tedawngah ni Timote kavan tuih. Ka kaw tamte tlaih nawh tih nangmi kah oengna kawng te ming ham ka ngaih dawngah ahih te kavan tuih. Nangmi te Seitan lawng n'suek u vetih kaimi kah bii boeih te apoeila coengg hau ai tite ka lakueng.

1Timothy 1:3

Macidonia ram la ka ceh vengkah awl kan uen angla te Efesa khaaw ah na awm hamla ka ngaih. Thlaang khatsut lawng Efesa khaaw ah asoeng nawh oengna a cang puei u tih ahimi te na toeng sak ham awm.

1Timothy 2:14

Tedawngah thailatna la aka awm te Adam nawh ni; hutaa ni thailatna la awm tih Pathen Phungawl te a phe.

2Timothy 3:13

tede thlaang the thli oen thlaangthaipalat thli kah the-arana tah khuet la khuet ai; thlaangtloe te athai alatna vetih amah te khaw a thai alatna u van ai.

Titus 1:10

Metihtiah, awlpuila Judah bokna kalawng Khrihca la aka kuun thli tim ah awlhong awlhii oen thlaangtloe te a oelh ataih tih thlaang aka thailatna yahawh ngaai awm.

Hebrew 13:9

Cangpueina alakloe phun soeprep lawng nangmi te lawngpui doeng kalawng atloe abang la m'phelh sak boel seh. Thinkaw tharana he caak awkk kawng phung-alam vaina oen dang ohla Pathen kah lungvatna dawng kalawng dang ham theen; he ang phung-alam aka vai thli te amami kah a vai phung-alam lawng bawmcem nawh.

2Peter 3:17

Tede ka paya thli, nangmi lawngtah he kawng he na ming u poen. Tedawngah phung awl tula aka sak nawh thli kah thawlhpalhna lawng nangmi te m'mawt thawlh nawh ham oen ah namami kah aka cak paihuen dawng kalawng na thoeih na nawng u nawh ham ngaithuen uh.

2Peter 3:3

Lamhacuek ah nangmi lawng na ming u ham tah atue khawhin aboet ben ah ngoen tah a hingna te amami kah pumsa ngaihna lawng a uk thlaang khatsut law ai. Ahimi lawng nangmi te n'nuihna u vetih,

1Johan 2:18

Ka ca ka nau thli atue boetna yoeii poen! Khrih kah raal law ai tila na yaak u; tahe ah Khrih kah raal thli yahawh hlang thoeng poen, tedawngah atue boetna yoeii poen tila mami lawng m'ming u.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 12:15

Tecoengah ruultluung lawngah hutaa te tui yawh sak ham a kaa khui kalawng tuiliw te nawl a tha.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 20:2

Ahih lawng-ah suenyan kah ruultluung Raaibawi tihnawhtah Seitan te a tuuk tih kum thong khat khui khawh hamla thiirui oen a piin.