2Korin 11:22 - Matu Chin New Testament 2006

²² Ahimi te Hebru thlaangphun aw? Kai khaw Hebru thlaangphun van ni. Ahimi te Israel thlaangphun aw? Kai khaw Israel thlaangphun van ni. Ahimi te Abraham kah cadil thli aw? Kai khaw Abraham cadil van ni.

Matu Bible

²² Hebrew hlang la a om atah kai khaw ka om van. Israel ca la om uh atah kai khaw ka om van, Abraham kah tiingan la om atah kai khaw ka om van.

2Korin 11:22 Iomraidhean Croise

Mathai 3:9

Abraham tah cuunkung patuer ni tila thui mailai oen dantatna kalawng ka loeih ai tila poek hau u boel. Pathen lawng he kah lungto thli he a lawh vetih Abraham cadil la a sai thai ti he kavan thui u.

Caeltueih 22:3

“Kai he Cilicia ram Tarsas khaaw kah Judah thlaang ni, tede, Jerusalem ah he ka roeng hang tih Gamaliel kah sengcamoe la ka awm. Kai lawng mami patuer hue kah Phungawl oen thuituen-na te ka dang tih tihin ah he kah aka awm nangmi boeih angla Pathen tengah ka tlungmu van.

Caeltueih 6:1

Teveng tue kalawng a awm raih coeng atah a hubang thli thlaangmi khaw puung tare hang tih Krik awl la aka cal Judah thlaang oen Judah awl la aka cal Judah thlaang thli te awlpuungna awm. Krik awl aka cal Judah thlaang thli lawng khawhin roekk bawmna fann tangka rekrana ah ahimi tengkah huhai tumtee thli tah navan thloeng bet u ti tih caitoek u.

Rom 11:1

Tetih atah Pathen lawng a thlaang thli te a hoett poen aw? Hoett roe roe nawh! Kai kamah khaw Israel thlaang, Abraham cadil, Benjamin phun ni.

Rom 9:4

Ahimi tah Pathen thlaangtuek ni: a ca la a khueh tih ahimi tengah a ruep-awmna te a tueng sak. Ahimi tengah awlkamna te a sai tih Phungawl thli te a peek u, ahimi lawng aka soeng bokna te a khueh u, Pathen kah awlkamna te a huh u,

Galati 3:16

Pathen lawng awl a kam te tah Abraham oen a cadil tengah ni awl a kam. Caciim lawngah thlaang yahawh thuingaihna awl “Cadil nauha thli” tila thui nawh, tede thlaang pakhat bueng thuingaihna awl, “Cadil nauha” tila ni a thui tih te tah Khrih ni.

Philipi 3:5

Kai tah hin reetna khawhin ah yahhuivuen reet la ka awm, thlaangphun ben ah Israel thlaang, Benjamin phun, Hebru thlaangciim la ka awm. Judah hue kah Phungawl vaina ben ah Farasi la ka awm,