2Korin 11:20 - Matu Chin New Testament 2006

²⁰ Nangmi lawng ngoen tah, asoeng nawh la nangmi aka uk thli khaw, nangmi te thailatna tih apueh aka ca thli khaw, namami kah awlthuina dawngah khup lat la aka sai thli khaw, nangmi te huhsit thlaang thli khaw, na mik-hai te aka bel thli khaw, khawdawp na ngaai u thai ngoen ta.

Matu Bible

²⁰ Nangmih te pakhat loh sal m'bi sak akhaw, pakhat loh n'yoop akhaw, pakhat loh han loh akhaw, pakhat loh m'poe akhaw, pakhat loh na maelhmai ah n'thoek akhaw na yaknaem uh coeng.

2Korin 11:20 Iomraidhean Croise

Marku 12:40

Huhai tumtee thli kah a ruemm thaihu ralring capau te a lawh pe u tih ahimi kah a im thli te a rot pe u, tecoengah thlaang kah yaak theen la asanhlangla thangthui u. Ahimi te a the-eepla dan a tat ai.

Luka 6:29

Thlaang lawngah na beeng khatben te avan bel atah khatben te khaw bel sak baal; pakhat lawngah asawkah na buen angki te avan lawh atah adangkah na buen angki te khaw pe hawn.

1Korin 4:11

Tahe vengah khaw buhpawng tuihalh oen ka rera u; hinaak himbai pawn sawi ka buen ka naak u; thlaang lawngah kaimi n'tam u; ahuen atloe tloe la ka pooeng reroe u;

2Korin 1:24

Nangmi lawng me ang na tangna ham koei tite nangmi tengah thui ham ka yawm u nawh; nangmi tah oengna dawngah acakla na pai u tite kaimi lawng ka ming. Tedawngah namami kah awmngaihna ham ni nangmi oen bii m'bi haih u.

2Korin 10:5

Pathen kah cuihna te kanghalhkung la aka awm oekthloenna boeih boeih te ka phe u; thlaanghing kah poekna boeih te tamnaa angla ka tuuk u tih Khrih awl te ka ngaai sak u.

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

2Korin 12:16

Kai he nangmi ham thalrih la ka awm nawh tite namami lawngkhaw soeng na ti u van cawini. Tede khatsut lawngtah, kai lawngah nangmi te kan thaina doelh tih hoem awl oen khup plet la a thai alatna ti u mai ai.

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Galati 4:25

Hagar tah Arabia ram kah Sinai Tlaang yuengla awm tih ahih tah tahe veng Jerusalem Khawpui khuikah thlaang boeih oen saltamnaa thli nuehtahna la awm.

Galati 4:3

Tetih van angla mami khaw muithla ben ah kawpoeksoepna n'khueh thlan vengah te khawhipuempa aka uk muithla kah saltamnaa la n'awm u.

Galati 4:9

Tede tahe atah nangmi lawng Pathen te na ming u poen, tihnawhtah he tila ka ti ai ta, Pathen lawng nangmi te m'ming u poen, tetih atah n'tu hamla tha aka awm nawh tih tula khaw aka coengg nawh muithla benla te mel koep ham na ngaih u? N'tu hamla ahimi kah saltamnaa la te awm koep ham na ngaih u?

Galati 5:1

Mami tah n'loeih poen, Khrih lawng n'loeih sak poen! Tedawngah aka loeih thlaang la na awm u van angla acakla pai u langtah namah oen namah te saltamnaa la coengg koep u boel.

Galati 5:10

Tede nangmi kawngah te tahetoe ka ngaitluep hun. Mami kah hingna Bawipa oen pumkhatla awmna lawngah he nangmi te poekna tloe n'khueh sak tang manawh tila ka ngai a tluep sak tih a-u khawseh nangmi te khup pletla aka sai te tah Pathen lawng dan a tat ai.

Galati 6:12

Nangmi te yahhuivuen reet sak ham mangkhakla aka yawm thli te tah asaw ahan kah akawng-alam dawngah oekthloenna tueng sak ham aka ngaih hue mai ni. Tede he tila a sai u he tah ahimi lawngah Khrih thinglam kawngkah heem-atek patang khangna te ahimi lawng khang van nawh ham mai ah ni.

Philipi 3:19

Ahimi tah hell ah a lawngpui boet ai, metihtiah ahimi kah pathen tah amami kah pumsa ngaihna te ni. Ahimi lawngah yahna koei thaihu dawngah te oekthloen u tih dilai thaihu koeva thli bueng he a poek u.

1Thessalonika 2:5

Nangmi lawng na ming u angla kaimi lawngah nangmi te koehna awl ka thui u nawh, apueh ngaihmoekna te dahkhoepna awl khaw ka thui u nawh, Pathen tah kaimi kah sausi la awm!