2Korin 11:2 - Matu Chin New Testament 2006

² Pathen a thatlai van angla kai khaw ka thatlai van; Nangmi he Khrih amah bueng oen ah te yuvaa la awm ham kan kang sut hulaa cuem oen na lo u.

Matu Bible

² Pathen kah thatlainah vanbangla nangmih ham ka thatlai. Nangmih te tongpa pakhat taengkah oila cuem bangla Khrih taengah nawn ham kan oei.

2Korin 11:2 Iomraidhean Croise

Johan 3:29

Vaa aka sa tuemnu hulaa te tah yulokung cadawng kah thlaang ni; tede yulokung kah paya tah a tengah pai tih awl a hutung, yulokung kah awl te a yaak vengah awmngaih. Kai kah awmngaih soepna khaw te tila ni a awm.

Rom 7:4

Maya manau thli, nangmi khaw te tila na awm u van. Nangmi tah Khrih kah pum vaang la na awm u poen dawngah Phungawl kah ukna khuiah hingna te na hoett u poen. Mami he Pathen kah biibina ah aphu aka awm la coeng ham tahe atah duekna kalawng aka tho koep Khrih kah thlaang la na awm u poen.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

2Korin 4:14

Bawipa Jesuh te duekna kalawng hingna ah aka thawh sak Pathen lawngah kaimi khaw Jesuh oen haih n'thawh sak vetih nangmi oen thik at la amah haiah te n'kuun puei ai tila mami lawng m'ming u.

Galati 4:11

Nangmi ham ka lakueng tangkiik mah aw? Kai lawng nangmi ham ka bi boeih te apoeila awm poen ai aw?

Philipi 1:8

Khrih Jesuh lungbui dawngkah aka law boeih oen nangmi he kan thintlawhna ka ti vengah he awltak ka thui tih Pathen tah mingpueikung la awm.

Kolosa 1:28

Tedawngah kaimi lawng thlaang boeih tengah Khrih kawng he ka thui u. Thlaang boeih lawng Khrih oen pumkhatla awmna ah pakhat rip te thlaangsoep la Pathen haiah pha puei ham cuihna boeih oen ngaithuenna ka peek u tih ka cang puei u.

1Thessalonika 2:11

Ana pa lawng a ca thli te a dawm a thlai angla nangmi pakhat rip te kaimi lawng kan dawm kan thlai u te na ming u.

Olphong 14:4

Te thli tah amah oen amah kuemsuem u tih hutaa tawngpa thawlhna aka sai nawh cadawng cuem la awm u tih tuuca a cehna roekk ah a vai u. Ahimi te tah thlaang boeih tim kah tlang tangte la awm u tih Pathen oen Tuuca tengah a nawn lamhacuek ni.