2Korin 10:7 - Matu Chin New Testament 2006

⁷ Nangmi lawngtah thaihu boeih te asaw ahan ah ni na dan u. Te ah te pakhat khat lawng amah oen amah te Khrih kah thlaang la ka awm tila aka thui awm aw? Theen, a awm atah amah kawng te poek koep de lah seh, metihtiah ahih te Khrih thlaang la a awm van angla kaimi khaw ka awm van.

Matu Bible

⁷ A maelhmai te na hmuh uh vanbangla, Khat khat loh amah te Khrih kah hlang la om ham a ngaitang atah amah te koep nawt uh saeh. Anih bangla mamih khaw Khrih kah la n'om uh van.

2Korin 10:7 Iomraidhean Croise

Mathai 23:5

Thlaang kah huh theenna ham bueng thaihu soeprep a sai u. A luu oen a baan dawngah a yeen u Caciim bu ke bueh u lah! metihtlukla a bo tih a himbai hmoi metila a san.

Luka 16:15

Jesuh lawng ahimi nala te, “Nangmi lawng thlaangtloe kah mik huh atah thlaangdoeng la na sa u, tede nangmi kah thinkaw lungbui te Pathen lawng a ming. Metihtiah thlaang lawngah phutlo tangkiik la a poek thaihu thli he Pathen mik huh atah a phu awm nawh.

Johan 7:24

Asaw ahan kah alan atang oen awltloek mailai he toeng u loeih, asoeng akam taktak la awl tloek uh.” a tina.

1Korin 1:12

Ka thui ngaih tah he ni: Nangmi pakhat rip lawngah athloek athloekla na thui u. Pakhat lawngah “Kai tah Pawl kah hubang ni” ti tih atloe khat lawngah, “Kai tah Apollos kah hubang ni,” ti, atloe khat lawngah, “Kai tah Piter hubang ni,” ti tih atloe khat lawng, “Kai tah Khrih hubang ni.” tila a thui u ti he ni.

1Korin 14:37

Thlaang pakhat lawngah amah oen amah Pathen kah laipai la ka awm tila khaw, muithla ben kah kutdo ka khueh tila khaw a poek atah nangmi tengah ca kavan thut he Bawipa kah awlpeek ni tite ming seh.

1Korin 15:23

Tede thlaang boeih he amah kah aitleng lawng a pha vengah tho rip ai; lamhacuek ah Khrih he tho poen, tecoengah amah a law vengah amah kah thlaang thli te tho ai.

1Korin 3:23

Nangmi tah Khrih kah koe-ava la na awm u tih Khrih tah Pathen koe la awm.

1Korin 9:1

Kai he yalpaw thlaang nawh aw? Kai lawngah mami kah Bawipa Jesuh te ka hu nawh aw? Nangmi he ta, Bawipa dawngah kai kah biibi phu athaih apaai thli nawh aw?

2Korin 10:1

Mami oen ng'awm haih veng atah awl kaa khaw thui nawh, athlathloei la a awm atah tluung-athang mai na ti u kai Pawl lawngah Khrih kah boe-ngaaina, kawdawna thinkaw oen ah reenna kavan bih u.

2Korin 11:18

Tede thlaanghing kah akawng-alam mailai dawngah te thlaang yahawh lawng a oekthloen u dawngah kai khaw te tila ka oekthloen u van lah ai.

2Korin 11:23

Ahimi te Khrih kah tuihyoeihthlaang aw? tede kai tah ahimi lak ah atheen ngaai tuihyoeihthlaang la ka awm tite thlaangngau angla ka thui! Kai tah bii rai yahawh ngaai ka bi; thong ah ka tla poepa, cungpoelh oen voei yahawh hlang la m'bawh u, alak avai atah duek dalh la ka awm.

2Korin 11:4

Metihtiah, thlaang pakhat lawng nangmi tengah law tih kaimi lawng ka thui nooek nawh atloe Jesuh te avan thui u vengah nangmi lawng na uemdoeh tih awmngaihla khawdawp na ngaai u. Nangmi lawngah kaimi teng kalawng na dang u Muithla oen awlthang theen oen ah aka vai u nawh muithla oen awlthang te na do u!

2Korin 12:11

Thlaangngau angla ni ka thawh ka tat poen he - nangmi lawng kai he nan ngau sak u. Nangmi lawngah ni kai hamla ngaikhuekna na van sai u ham a awm de. Kai he metila khaw ka awm aih nawh de nangmi lawng “Celtuih” na ti u thlaang hue lak ah te soetca khaw ka heem thloei nawh.

2Korin 13:3

Khrih lawng kai hawna rang oen awl a thui tangtang aw tila ming ham na ngaih asoengna boeih te na huh ai. Khrih oen nangmi tuhkaina a awm vengah te ahih tah a tha yoek sut nawh; nangmi tim ah amah tharana ni a tueng sak dai.

2Korin 5:12

Nangmi tengah kamah kah theenna te tueng sak koep hamla ka yawm u nawh; kaimi kawngah nangmi lawng na phoek-thloerna u ham ni ka yawm u. Te dengah ni thlaanghing khawboe ramlang te bueh ohla asaw ahan kah thlaanghing khawboe te a dan tih aka oekthloen u thlaang thli kah awl te na thung thai u ai.

Galati 3:29

Nangmi lawng Khrih kah thlaang la na awm u atah nangmi tah Abraham kah cadil nauha la na awm u tih Pathen awlkam te na paang u ai.

1Johan 4:6

Tede mami tah Pathen thlaang ni. A-u khaw Pathen aka ming lawngtah kaimi awl he a hutung u, a-u khaw Pathen thlaang la aka awm nawh lawngtah kaimi awl he hutung u nawh. He tila he awltak Muithla oen thawlhpalhna muithla laklaw kah alakloena te mami lawng n'thui thai u.