2Korin 10:5 - Matu Chin New Testament 2006

⁵ Pathen kah cuihna te kanghalhkung la aka awm oekthloenna boeih boeih te ka phe u; thlaanghing kah poekna boeih te tamnaa angla ka tuuk u tih Khrih awl te ka ngaai sak u.

Matu Bible

⁵ Pathen kah mingnah aka tlai thil hmuen sang boeih, poeknah cungkuem khaw Khrih kah olngainah khuila a sol coeng.

2Korin 10:5 Iomraidhean Croise

Mathai 15:19

Thlaang ngawnna, samphaihna, hutaa tawngpa thawlhna, atheen nawh thaihu saina, huuenna, hoemna, thlaang thaang the sakna, poekna atloe boeih he tah lungbui khui kalawng ni a law.

Luka 1:51

Ahih lawngah a thara baan te a thueng a thleng tih amami kah ahuep khawkhanna oen aka oekk u thlaang boeih te a thek a yak boeih.

Rom 1:21

Ahimi lawng Pathen te a ming u de thangpawm koeila thangpawm u nawh, awmngaih ciil khaw thui u nawh. Ahimi kah poekna boeih tah apoeila coengg, a lung mong sut u tih yiinna oen betoet.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 16:26

Tede, tahe ah te kah awl tah tawngha thli kah cathut rang oen avan pha sak poen; thlaang boeih lawng awltak te a oeng tih a vai thaina ham dungyan Pathen kah awlpeek rang oen thlaangphun boeih tengah a phawng poen.

Rom 7:23

Tede ka pum khuikah phungawl tloe lawng bii a bi he ka ming, te phungawl te tah ka thinkaw lawng a ngaih phungawl te aka oel mangkhak awm. Te phungawl lawngah ka pum khuiah bii aka bi thawlhna phungawl khuiah thongtla angla te n'sai.

1Korin 1:19

Caciim lawngah, “Thlaangcuih thli kah Cuihna te ka phe vetih thoemthaina aka khueh thlaang thli kah mingna te khaw ka hoett pe bangtlang ai.” tila a thui.

1Korin 3:19

Metihtiah he dilai lawng cuihna tila a poek te Pathen mik huh atah a poei-oep mai ni. Caciim lawngah “Pathen lawngtah thlaangcuih thli te amami kah dongtung dawngah a man sak.” tila a thui,

2Korin 11:20

Nangmi lawng ngoen tah, asoeng nawh la nangmi aka uk thli khaw, nangmi te thailatna tih apueh aka ca thli khaw, namami kah awlthuina dawngah khup lat la aka sai thli khaw, nangmi te huhsit thlaang thli khaw, na mik-hai te aka bel thli khaw, khawdawp na ngaai u thai ngoen ta.

2Korin 9:13

Nangmi lawng he bii he na bina rang oen ah Khrih kah awlthang theen te acakla na phoeih u tih na pai u thai dawngah khawseh, nangmi lawng thlaangtloe thli oen ahimi te moeihoeihna oen na peek u dawngah khawseh, thlaang yahawh lawngah Pathen te a koeh u poen ai.

Philipi 4:7

Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

2Thessalonika 2:4

Ahih lawngah pathen a ti boeihboeih oen bokna thaihu boeih te a oel khak vetih amah oen amah te, te thli boeih sawah awm ai. Ahih lawngah Pathen kah Tempal bok-im khuila pateng kuun vetih ngawl ai, ‘kai tah Pathen ni,’ ti ai.

2Thessalonika 2:8

Tecoengah Thlaangthe Pui te phumpho ai, Tede Bawipa Jesuh a law vengah a kaa khuikah a hill oen Thlaangthe Pui te a ngawn vetih amah kah ruep-awm aangna oen a phe ai.

Hebrew 4:12

Pathen kah awl tah hing tih bii a bi, voeivaang aka hatt samsen lak ah khaw hatt ngaai. Hingna oen muithla a humna toe, ruhcong oen thling athawkk a humna toela a pek abo thai. Thlaanghing lungbui kah ngaihna oen poekna boeih te khaw a ming thai.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

1Peter 1:2

Jesuh Khrih awl te na ngaai tih amah kah thisen oen ciim sak hamla Pathen kah mengtengna angla nangmi tah tuek la na awm u tih amah Muithla lawng thlaangciim la n'sai u. Lungvatna oen ngaimawngna tah nangmi tengah asoepbirla awm hawn seh.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.