2Korin 10:14 - Matu Chin New Testament 2006

¹⁴ Nangmi tah te kah ari-amawng khuiah na awm u dawngah Khrih kawng Awlthang Theen te nangmi tengla kavan khuen tih ka law u veng ah te te kah ari-amawng voel ah te kaimi ka cet u nawh.

Matu Bible

¹⁴ Nangmih taengah ka laikai uh pawt vanbangla kamamih ka hnawn uh thae moenih. Nangmih taeng duela Khrih kah olthangthen nen ni ka pai uh.

2Korin 10:14 Iomraidhean Croise

Marku 1:1

He tah Pathen Capa Jesuh Khrih kawng Awlthang theen ni.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Rom 2:16

Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

1Korin 2:10

Tede a awlhuep te amah Muithla rang oen ah mami he Pathen lawng m'ming sak poen. Muithla lawngtah soeprep boeih Pathen kah kamthlahna adungkoek thuh elh la aka awm te pateng khaw pheng a tlap.

1Korin 3:10

Pathen kah peek kutdo te ka hawna tih im sak aka thoem tangkiik angla bii ka bi tih lungdang ka suem, te sawah te thlaangtloe lawng im a sak. Tede metila ka sak u tite a-u khaw ngaithuen rip u seh.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

2Korin 2:12

Khrih kawng Awlthang Theen te thui hamla Troas khaaw ka pha vengah, bawipa lawng te ah te bii bi ham lawngpui avan roek te ka huh.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Kolosa 1:5

Awlthang Theen asoeng taktak te nangmi teng avan pha cuek vengah ngaiuepna m'peek kawng te nangmi lawng na yaak u. Tedawngah nangmi kah oengna oen lungna tah vaan ram ah nangmi ham a khueh ngaiuepna dawngah akung asut.

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.