2Korin 1:23 - Matu Chin New Testament 2006

²³ Pathen tah kai ham sausi la awm, amah lawng ka thinkaw a ming! Kawrin khaaw la law nawh ham kaw ka poek he tah nangmi na sa a suengna ham ni.

Matu Bible

²³ Kai tah ka hinglu dongah Pathen ni laipai la ka khue. Nangmih hlun dongah ni Korin la ka pawk pawh.

2Korin 1:23 Iomraidhean Croise

Caeltueih 18:1

He coeng atah Aaten khaaw te Pawl lawng a thawh taak tih Kawrin khaaw la cet.

Caeltueih 18:8

Sinakok bok-im uktemkung Krispas oen a imkhuikaw boeih lawng-tah Bawipa te a tangna u; Kawrin khaaw kah thlaangtloe thli lawngkhaw awlthang te a yaak u, a tangna u tih baptisma te a dang u.

Rom 1:9

A Capa kawng Awlthang Theen te ka thinkaw lungbui boeih oen ka thui tih a bii ka bi he soeng tila Pathen tah kai kah sausi la awm. Ka thangthui roekk ah nangmi kan poek yoeyah te Pathen lawng a ming.

Rom 9:1

Awltak tang ka thui; Khrih kah thlaang la ka awm tih hoem awl ka thui nawh. Ciim Muithla lawng a uk athe atheen ka mingna lawngkhaw hoem awl ka thui nawh te a ming.

1Korin 4:21

Nangmi tengah cungpoelh oen aw ka law ai? tih nawh atah lungna, kawdawna oen aw ka law ai? Ame ang na ngaih u?

1Korin 5:5

Bawipa khawhin ah a muithla lawng thlawnna a dangna ham a pum te phe hamla te thlaang te Seitan kut ah pe uh.

2Korin 1:1

Pathen kawngaihna rang oen Khrih Jesuh kah celtuih la aka awm kai Pawl oen mami kah manau Timote lawng Kawrin khaw kah Pathen khrihcabu oen Akhaia peng pum ah aka awm Pathen thlaang thli tengah ca kavan pat u.

2Korin 1:18

Pathen tah uep-awm la awm tih awltak a thui angla nangmi tengkah ka awlkam he khaw, “Oeih,” ti oen ah, “Nawh ni” tila kawpoek thlumthle awl nawh ni.

2Korin 10:2

Nangmi teng kavan pha vengah te tluung-athaang ham koei la n'sai u boel; kaimi kah bii he dilai pumsa hue-ngaihna thinkaw oen a sai tila aka thui thli te tah awl tlawh oen ka tlung mai ai.

2Korin 11:10

He tila ka oekthloenna he Akhaia ram tawm ah a-u lawngkhaw khang khak thai manawh tite ka kaw khuikah Khrih kah awltak oen ah awl ka kam.

2Korin 11:11

Nangmi te kan lungna nawh dawngah aw he tila ka thui? Nangmi kan lungna te Pathen lawng a ming!

2Korin 11:31

Bawipa Jesuh kah Pa oen Pathen tah yoeyahla a miing thangtheenna awm hawn seh; hoem awl ka thui nawh he amah lawng a ming.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

2Korin 13:10

Nangmi tengah he capat he athlahlang kalawng kavan thut he, nangmi teng kavan pha vengah te Bawipa kah peek saithaina aana te nangmi sawah atlawh hlang la hawna ka ngaih nawh dawngah ni, te kah saithaina aana tah nangmi te phena ham nawh tih nangmi lawng na roengna ham ni.

2Korin 13:2

Nangmi n'hu vengah thawlhna aka sai thli oen thlaangtloe boeih tengah thui ham ka ngaih: a voeihihna nangmi kan hip vengah te ka thui poen, tede tahe ah athlahlangla ka awm de, ka thui koep ai; ka law koep vengah ngoen tah a-u khaw dantatna na loeih manawh.

2Korin 6:6

Kaimi lawng thinkaw ciimna, cuihhoena, kawdawna, reenna oen ah khaw, Ciim Muithla rang oen ah, lungna tang tang oen ah khaw,

Galati 1:20

Ka thut boeih he aka soeng ni. Hoem ka thui nawh he Pathen lawng a ming!

Philipi 1:8

Khrih Jesuh lungbui dawngkah aka law boeih oen nangmi he kan thintlawhna ka ti vengah he awltak ka thui tih Pathen tah mingpueikung la awm.

1Thessalonika 2:5

Nangmi lawng na ming u angla kaimi lawngah nangmi te koehna awl ka thui u nawh, apueh ngaihmoekna te dahkhoepna awl khaw ka thui u nawh, Pathen tah kaimi kah sausi la awm!

1Timothy 1:20

Te thlaang thli tim ah te Himanias oen Alekzandar khaw thuum hih van tih te rawi te Seitan kut ah ka tloeng tih dan ka peek poen; te tila te ahih rawi lawng Pathen thangthe la a thui te toeng hamla a cang hih ai.