2Korin 1:12 - Matu Chin New Testament 2006

¹² Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

Matu Bible

¹² Mamih mingcimnah kah laipai tah mamih kah hoemdamnah la om coeng he. Te tah Pathen kah moeihoeihnah neh cimcaihnah he khuikah ni. Te dongah nangmih taengah taoe tah pumsa cueihnah nen pawt tih Pathen kah lungvatnah nen ni diklai ah kho ka sak uh.

2Korin 1:12 Iomraidhean Croise

Caeltueih 23:1

Pawl lawng Khonsil ah aka thuum thlaang thli te a bueh rangpatang tih, “Ka puei, Israel thlaang thli! Kai tah tahe toe ah khaw ka sakna dawngah athe atheen mingna thinkaw he Pathen haiah ciim.” a tina.

Caeltueih 24:16

Tedawngah Pathen oen thlaanghing haiah athetheen mingna kawpoek ciim khueh hamla ka sai thai khui tah ka sai poepa.

Rom 9:1

Awltak tang ka thui; Khrih kah thlaang la ka awm tih hoem awl ka thui nawh. Ciim Muithla lawng a uk athe atheen ka mingna lawngkhaw hoem awl ka thui nawh te a ming.

1Korin 1:17

Khrih lawngah kai he baptisma aka pe hamla n'tuih nawh. Thinglam dawngah Khrih kah duekna te ahongla a coenggna nawh ham thlaanghing kah cuihna te hawna ohla Awlthang Theen thui hamla ni n'tuih.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 15:10

Tede Pathen lungvatna rang oen tahe kah ka awm angla he ka awm tih lungvatna m'peek te khaw apoei-oepla ka khueh van nawh. Atloe celtuih hue lak ah kai tah apuehla bii ka bi ngaai, tede kai lawng ka bi ti ham awm nawh tih ka tengkah Pathen lungvatna lawng ni a bi.

1Korin 2:13

Tedawngah Muithla aka khueh thlaang thli tengah muithla ben awltak ka thuicaih u vengah he thlaanghing cangpueina awl oen te thui thai la awm nawh tih Muithla kah cangpueina awl oen ni ka thui.

1Korin 4:4

Ka kawpoek tah ciim acaih ngoen ta, tede te tila ka thui te ka thawlh nawh tila thuingaihna nawh ni. Bawipa khat bueng lawng ni ka sawah awl a cek thai ai.

1Korin 5:8

Tedawngah mami kah Kaantaak Poei te thawlhna tawlru ruem oen athe-arana te thuum ohla tawlru aka thuum nawh takawi, aciim acaih awltak takawi oen ah sai u sih.

2Korin 1:17

He tila kamthlah he thinkaw coep-hoeh la aw a awm kai? Ka kamthlah vengah he mah ham bueng poekna thinkaw khueh tih, “Oeih, oeih” ti oen ah, “Moenih, moenih” tila vai at maiah aka thui la ka awm aw?

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

2Korin 2:17

Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

2Korin 8:8

Kai lawngah phung-alam khat khaw kavan sai nawh. Tede thlaangtloe kah bawm ngaihna thinkaw a thawh te ka thui he tah nangmi kah lungna te ataktang aw tite ming ham ka ngaih dawngah ni.

Galati 6:4

Thlaang pakhat rip lawng amah kah saina te noem-acai ham awm. Bii a sai te atheen atah thlaangtloe kah saina oen nuehtah tlaih ohla amah kah saina dawngah oekthloen u thai ai.

Ephesa 6:14

Tedawngah ngaithuen oepsoeh uh, awltak te cihin angla na hingcen dawng-ah acakla na lah, doengna te kahkawng angla daan langtah,

Philipi 1:10

Te dengah ni Khrih Khawhin ah ciimna nawh boeih oen thawlhpeelna boeih kalawng na loeih u ai.

1Thessalonika 2:10

Nangmi oengca thli oen kaimi kah benbaw benpangna he aka ciim, aka doeng tih thawlhpalhna a awm nawh te nangmi khawseh, Pathen khawseh kaimi kah sausi la na awm u.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

Titus 2:7

Soeprep boeih ah namah roeroe he khawboe ramlang theen ben ah oett koeila awm. Hinyah koei la awm lang na cangpueina dawngah ataktangla awm.

Hebrew 13:18

Kaimi ham thangthui yoeyah uh. Asoeng thaihu te sai hamla ka ngaih yoeyah u dawngah athe atheen pekbona thinkaw ciim te ka khueh u tila ka ming.

James 4:6

Tede Pathen kah peek lungvatna tah a tha ra tare ngaai. Caciim lawngah, “Pathen lawngtah aka oekthloen u thlaang thli te a oel tih boe-ngaai thlaang thli te a reen,” tila a thui angla ni a awm.

1Peter 3:16

Tede awldoetna te kawdaw awlding oen hinyahna oen ah thung pe uh. Khrih kah hubang la na awm u dawngah nangmi kah khawboe ramlang theen te athela aka thui thli lawng amami kah awlthui han ah ayah toe la a awmna u ham thinkaw te ciim sak uh.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.