1Timothy 6:4 - Matu Chin New Testament 2006

⁴ Oekk-thloen u tih n'tu khaw aka ming nawh thlaang ni. Ahih lawngah awllung kawngah oelhtaih u ham oen tawhsi ngaihna kawpoek theen nawh te a khueh tih, he lawngah uett-eena, awlpuungna, thekhana, atheen nawh uepvoetna, aboet tlaih nawh awlpuungna te a thoeng sak,

Matu Bible

⁴ Tedae olpungnah neh naenamnah ham ni a yahuem. Te lamkah loh uethnetnah, tohhaemnah, soehsalnah neh a thae la ngaihoihnah ha thoeng.

1Timothy 6:4 Iomraidhean Croise

Caeltueih 15:2

Pawl oen Barnabas tah he kawngah ahimi oen oelh ataih u tih awl puung u. Tedawngah Pawl oen Barnabas he Antiok kah thlaang khatsut oen Jerusalem la cet u selang tah he kawng he celtuih thli oen ahaamca thli te doet u seh tila awl a thui u.

Caeltueih 18:15

Tede he tah awllung thli, miing thli oen namami kah phungawl kawngah awlpuungna la a awm dawngah namami lawng thui uh. Kai lawng he ang thaihu thli dawngah awl ka cek manawh!” a tina.

Caeltueih 8:9

Te khawpui khuiah Simon aka miingna thlaang pakhat awm tih amah kah caam thoemthaina oen Samaria thlaang thli te kawpoek a rai sak poepa. Ahih lawng amah te thlaang mailai nawh ni tila a thui tih,

Rom 12:16

Pakhat oen pakhat roeproei patoeng uh. Oekthloen u boel; tede huhsit koei bii te khaw bi uh. Namah oen namah te thlaangcuih la poek u boel.

Rom 13:13

Hingthun khawse ah aka awm thlaang thli angla mami lawng akoeih avaihla hing u sih, khawpaw rang au la awm u boel, yuuruui buh hah oen awm tlaih u boel, hutaa tawngpa thawlhna, boethe halangna awm boel seh, tawhsina oen uett-eena awm boel seh.

Rom 14:1

Oengna ben ah tha aka yoek thlaang thli te van do u lah, tede ahimi kah pumpakla a poek akawng alam dawngah ahimi oen oelhtaih u boel.

Rom 2:8

Thlaang khatsut lawngtah amami ham bueng a poek u tih asoeng thaihu te a hoett, thaihu the saina te a vai u; Pathen lawng thinsana oen thinlingna te ahimi sawah a hok pe ai.

1Korin 11:16

Tede a-u lawngkhaw he kawngah awl oelh ham a ngaih atah kaimi lawngkhaw, Pathen Khrihcabu thli lawngkhaw, Pathen bokna ah phung alam atloe khueh thloei nawh.

1Korin 11:18

Lamhacuek ah nangmi lawngah Pathen bok ham na pum u vengah te bu la pekbona awm tila te ka yaak tih te tah soeng mai cawini ka ti.

1Korin 3:18

A-u khaw amah oen amah te thai alat u boel seh. Nangmi tim kah a-u lawngkhaw amah oen amah te he dilai siing angla thlaangcuih la a poek u atah thlaangcuih tang tang la a awm thaina ham thlaangngau-paathuu la coengg seh.

1Korin 3:3

metihtiah nangmi tah tahe toe he dilai thlaang thli angla ni khaw na sak u hun. Nangmi tim ah uett-eena awm tih khat oen khat na tawh na thaam u vengah te nangmi tah dilai thlaang la na awm u tih dilai phung la khaw na sak u tite tueng sak nawh aw?

2Korin 11:20

Nangmi lawng ngoen tah, asoeng nawh la nangmi aka uk thli khaw, nangmi te thailatna tih apueh aka ca thli khaw, namami kah awlthuina dawngah khup lat la aka sai thli khaw, nangmi te huhsit thlaang thli khaw, na mik-hai te aka bel thli khaw, khawdawp na ngaai u thai ngoen ta.

Galati 5:15

Tede nangmi lawngah ramsa aka sann angla na awm u tih khat oen khat te na ngeet u tih na khoelh u atah, an noek mai lah, namami oen namami te na phe u kang poen ai.

Galati 5:26

Mami lawngah oekthloen ham awm nawh, khat oen khat te thinsa sak ham awm nawh, khat oen khat uett-ee u ham awm nawh.

Galati 6:3

A-u khaw, me tih khaw a ti aih tang nawh maiah amah oen amah te asangluepla aka poek u tah amah oen amah ni athailat u khoeng mai.

Philipi 1:15

Thlaang khatsut lawng atah uet-eena thinkaw oen, khatsut lawngtah tawhthaam ngaihna kawpoek oen Khrih awlthang theen te a thui u tangtang, tede khatsut lawngtah thinkaw ciim oen a thui u.

Philipi 2:14

Soeprep boeih te caitoek ohla, oelhtaih u muehla sai uh,

Philipi 2:3

Nangmi lawngah mah ham bueng poekna, oekthloen ngaihna mai oen ah thaihu khat khaw sai boel, thlaangtloe he nangmi lak ah theen ngaai tila poek poepa langtah pakhat oen khat boe-ngai uh.

Kolosa 2:18

Huhthlaam sangthloei ka huh ti u tih thlaangtloe lak ah asangla aka ngaai u thlaang thli, asoeng nawh komyomna, m'mah kah pum he phep hamla awm aka ti thlaang thli a-u lawngkhaw nangmi te n'sal'phaam boel seh. Te ang thlaang thli tah thuingaihna tangtang aka awm nawh thlaanghing poekna angla a poek te oen ah oekthloen u.

2Thessalonika 2:4

Ahih lawngah pathen a ti boeihboeih oen bokna thaihu boeih te a oel khak vetih amah oen amah te, te thli boeih sawah awm ai. Ahih lawngah Pathen kah Tempal bok-im khuila pateng kuun vetih ngawl ai, ‘kai tah Pathen ni,’ ti ai.

1Timothy 1:4

Awlpuungna bueng aka thoeng sak ciil awl thli oen aka boet nawh nukaw pakaw patuer thli thoepna te ang thli te a toengna u ham thui peh; te ang thli oen ah te oengna oen ming ham koei la aka awm Pathen khawkhanna te n'sai thai nawh.

1Timothy 1:7

Ahimi lawngah Pathen kah phungawl cangpueikung la coengg ham tah a ngaih u, tede ahimi lawngah amami kah awl-thui te khaw yaakming u nawh tih aka ming ceet angla a thui thaihu kawng te khaw ming u nawh.

1Timothy 3:6

Ahih tah oengna dawngah kawpoeksoepna aka khueh thlaang seh, tetih atah Seitan angla ahih tah oekthloen u nawh vetih awlcek la awm manawh.

2Timothy 2:14

He he na thlaang thli tengah thui pe langtah awllung awllep mailai ah oelh u khiing nawh ham Pathen haiah ngaithuenna te peh. Tede atheen thaihu nawh ni, awl a hutung thlaang thli te ni a rawk sak khoeng.

2Timothy 2:23

Tede ngau-athuuna oen mingtung plau nawh awlpuungna te reel-aram hawn; te ang lawngtah tawhsina ni a thoeng sak tite nang lawng na ming.

2Timothy 3:4

ahimi tah awl aka cak nawh thlaang, maru-marat thintoi thlaang, kawpoek sang oen aka hoell u thlaang la awm u vetih; Pathen te lungna lak ah awmtheen awmyaal boenn-atlaak te a lungna ngaai ai,

Titus 3:9

Tede tula aka coeng nawh awlpuungna patuer hue kah phunthoepna, tawhsina oen phungawl kawngah oelhtaihna te reel aram lah. Te ang thli te tula aka coeng nawh tih aphu aka awm nawh ni.

James 1:19

Ka lungna maya manau thli, he he hilh u boel! Thlaang boeih lawngah awl hutung ham a tat loe sak seh, tede awl thui ham tah a tat hiing sak selang thinsana ben atah a tat yaai u seh.

2Peter 2:12

Tede, he thlaang thli lawngtah, tuuk tih ngawn doek ham aka thang ramsa sann angla poekna mailai oen thaihu a sai u; ahimi lawng a ming u nawh thaihu khat mai dawngah khaw tapvoep awlkha a thui u. Ahimi tah ramsa sann angla ngawn la awm ai.

2Peter 2:18

Ahimi lawng oekthloenna oen awlpoei awlpit te a thui u tih, thawlhpalhna aka ceh taak pek thlaang thli te tuukna ham asoeng nawh pumsa hue-ngaihna te a hawna.

Jude 1:10

Tede he kah thlaang thli lawngtah amami kah yaakming nawh pakhat khat te the a phoei thil u; ramsa angla amami kah thang puei cuihna oen a ming u thaihu thli lawngah ahimi te a phe u poen.

Jude 1:16

He thlaang thli lawng caitoek khuep u tih thlaangtloe te a theet u; amami kah athe kawngaih te a vai u; amami oen amami te pawmsang u tih amami ngaihna dang ham tah thlaangtloe te thluethlue a koeh u.

Olphong 3:17

Nang lawngah, “Kai tah ka bawi ka len tih ka voetna awm nawh; ka ngoe boeih te ka khueh’, na ti. Tede nang tah metihtlukla na khawdeng tih reen kap la na awm te na ming nawh! Nang tah na khawdeng, atliing ayaal la na awm tih na mik pum de lah koen.