1Timothy 5:3 - Matu Chin New Testament 2006

³ Amah bueng ah khaw aka sa huhai thli te van hinyah.

Matu Bible

³ Nuhmai rhoek khaw nuhmai taktak te tah hinyah lah.

1Timothy 5:3 Iomraidhean Croise

Mathai 15:6

‘A manu oen ana pa te hinyah ham ngoe tlaih nawh,” na ti u. He tila namami kah cangpueina bueng te na vai u tih Pathen kah awlpeek te n'tu la na sak u nawh.

Mathai 23:13

“Phungawl cangpueikung hue oen Farasi hue! nangmi ham khawmap tangkiik! Nangmi thlaangthaipalat hue, nangmi lawng Vaan ram thawhka te thlaang kuun thai nawh ham na khaih khoep u tih namami khaw na kuun u nawh; kuun aka ngaih thli ham khaw awng ham na ngaih u nawh.

Luka 7:12

Khawpui vawngka te a pha khoeng vengah rawkk aka thak thlaangping te law u. Aka duek thlaang te tah huhainu kah a capa pakhatca bueng la a awm dawngah khawpui khuikah thlaang yahawh hlang te huhainu oen haih law u.

Johan 1:47

Jesuh lawng Nathanael a tengla a law te a huh vengah, “Israel thlaangphun tak tak he ah awm he; ahih tah thawlhpalhna roe awm nawh!” tila ahih lawng a thui.

Caeltueih 6:1

Teveng tue kalawng a awm raih coeng atah a hubang thli thlaangmi khaw puung tare hang tih Krik awl la aka cal Judah thlaang oen Judah awl la aka cal Judah thlaang thli te awlpuungna awm. Krik awl aka cal Judah thlaang thli lawng khawhin roekk bawmna fann tangka rekrana ah ahimi tengkah huhai tumtee thli tah navan thloeng bet u ti tih caitoek u.

Caeltueih 9:39

Tedawngah Piter te kamthlah pahoei tih ahih rawi oen cet u. A pha veng atah asaw dawtt im han la te a luui puei u. Huhai thli lawng Piter te a veel khoep u tih rap u, Dorkas lawng a hing vengah a sai pe angki oen hinaak himbai thli te a huh sak u.

Caeltueih 9:41

Piter lawng a phoeih tih ahih te a thawh hang. Tecoengah Oengca boeih oen huhai thli te a khue tih ahimi tengah te a hing la a tloeng pe.

1Thessalonika 2:6

Kaimi lawng nangmi tengkah khaw, thlaangtloe tengkah khawseh koehna te dang ham ka yawm u nawh.

1Timothy 5:2

kum haam hutaa thli te na nu angla ngaai langtah, kum no hutaa thli te kawpoek ciim oen na ngannu angla ngaai lang voemtoei lah.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

1Peter 2:17

Thlaang boeih te hinyah uh, aka oeng na puei na paw te lungna uh, Pathen te rih u lang sengpahrang sangluel te khaw hinyah uh.

1Peter 3:7

Tetih van angla nangmi tawngpa hue lawng yu-aca oen thik-at la awm haih u lang ahimi te tha aka ra nawh ni tite yaakming uh. Ahimi te hinyahna oen voemtoei uh, metihtiah ahimi lawngkhaw Pathen kah hingna kutdo te nangmi oen thik-at la dang haih van ham ni. Na thangthuina te kanghalhna khat khaw a awmna nawh ham te tila te sai uh.