1Timothy 5:11 - Matu Chin New Testament 2006

¹¹ Tede kumno huhainu thli te cayin cabu dawngah thuum sak boel; metihtiah ahimi tah amami kah pumsa ngaihna dawngah vaa sak ham a ngaih tih Khrih te a mangthawng taak u tih,

Matu Bible

¹¹ Tedae a haw vaengah tah Khrih te vasak a ngaih dongah nuhmai tanoe rhoek te rhoe dae.

1Timothy 5:11 Iomraidhean Croise

1Timothy 4:3

Te ang thlaang thli lawngah yu lawh vaa sak nawh ham oen khatsut caak awkk te yeh ham a cang puei u. Tede aka oeng thlaang thli oen awltak aka ming tangte thlaang thli lawngtah awmngaih oen thangthui coengah caak hamla caak awkk thli te Pathen lawng a sai.

1Timothy 5:12

Khrih tengah amami kah awlkamcuek te a phe u.

1Timothy 5:14

Tedawngah mami aka raalna thlaang thli lawng mami kawng he athela thuina tue khaw a dang nawh ham kumno huhai tumtee hue lawng vaa a sak tih ca-anau khueh ham, amami kah imkhuikaw te a cawm acah u ham ka ngaih.

1Timothy 5:9

Huhai pakhat te a kum sawmruk a kuep thlan atah huhai tumtee thli kah cayin cabu dawngah thuum sak boel. Cayin cabu dawngah aka thuum ham tah vai khat bueng vaa aka sa huhainu te thuum seh.

James 5:5

Nangmi tah he dilai dawngah kawngaih soepna oen awmngaihna oen ah na hing u. Meh-ngawnna khawhin ah sak-awm paduukla ngawn ham namah oen namah te purh athaula na cawm na cah u.

2Peter 2:18

Ahimi lawng oekthloenna oen awlpoei awlpit te a thui u tih, thawlhpalhna aka ceh taak pek thlaang thli te tuukna ham asoeng nawh pumsa hue-ngaihna te a hawna.

Olphong 18:3

Metihtiah thlaangphun boeih lawng ahih kah misuryuu te a awkk u poen, ahih kah cuk-halhna misuryuusang te a awkk u poen. Dilai dawngkah sengpahrang thli lawng ahih oen ah cuk-halh samphaihna a sai u tih a kuemsuem u thai nawh apueh ngaihna lawng dilai dawngkah thaihu yoeikung thli te a len sak poen,” tila a thui.

Olphong 18:7

Amah oen amah thangpawm u tih a awmtheenna taring ah patang raina oen kopaangna te pe u van. Metihtiah a kaw dang oen ah, ‘Sengpahrang bawinu la ka ngawl, Kai tah huhainu nawh ni Kawthena mevengah khaw ka ming roe manawh,’ ti.

Olphong 18:9

Dilai dawngkah sengpahrang thli, ahih oen hutaa tawngpa thawlhna oen ah cuk-halhna dawngah aka baawlneeng haih hue lawng ahih a ungna hairawng dawngkah haikhu te a huh u vengah, te khawpui te a rah u ai.