1Timothy 5:10 - Matu Chin New Testament 2006

¹⁰ Thaihu theen saina, ca-anau thli atheenla cawm-acahna, kamyin kam lai lungna, khrihca paya laikoei thli ham bii aka yawm, khawdeng lungma thlaang aka bawm, thaihu theen saina dawngah miing theenna aka dang huhainu te thuum seh.

Matu Bible

¹⁰ Ca khut atah, yinlai a sawtlet atah, hlangcim rhoek kah kho a silh atah, aka patang rhoek te a sawtlet atah, khoboe then cungkuem neh a rhoih atah khoboe then la phong pai saeh.

1Timothy 5:10 Iomraidhean Croise

Mathai 25:17

Tih van angla tangka thong hih aka dang lawngkhaw apueh thong hih a dang.

Mathai 5:16

Tetihvan la nangmi kah aangna te thlaang haiah aang sak ham awm, te tila thaihu theen na sai u te ahimi lawng a huh u vetih vaan ah aka awm nangmi na Pa te a thangpawm u thai ai.

Luka 7:38

Jesuh kah a hu ben a khowkung ah te pai, rap tih a mikphitui te Jesuh khow dawngah a cip sak. Tecoengah a khow te a sam oen a thuut pe, a mok tih riimtuui oen a khow te a suep pe.

Luka 7:44

Tecoengah te kah hutaa benla te maang tih Simon nala te, “He hutaa he na huh aw? Na im la ka law de khow silhna tui nan pe nawh, tede he hutaa lawngtah mikphitui oen ka khow he avan silh tih a sam oen avan thuut.

Caeltueih 10:22

Ahimi lawng, “Raalbawi Kornilias lawng n'tuih u. Ahih tah Pathen aka bok thlaang theen pakhat la awm tih Judah thlaang boeih lawngah a hinyah tangkiik u. Nang lawng na thui thli te ahih lawng a yaakna hamla Pathen kah vanthlaang pakhat lawng nang te amah im ah ceh puei ham a thui pe.” a tina u.

Caeltueih 22:12

Te khawpui khuiah Ananias aka miingna thlaang pakhat awm, ahih tah bokna ben ah tlungmu tih mami kah Phungawl te a vai, te ah aka awm Judah thlaang boeih lawng a hinyah tangkiik u.

Caeltueih 6:3

Tedawngah maya manau thli, Cuihna oen Ciim Muithla oen ah aka betoet namami timkah thlaang pasarih ah tuek uh, ahimi te he kah thaihu kawng khawkhankung la ka khueh u ai.

Caeltueih 9:36

Joppa khaaw ah Tabita aka miingna oengca pakhat awm. (Ahih te Krik awl la Dorkas a miingna tih thuingaihna tah, “Sayuk” ti ngaihna ni.) Ahih lawng thaihu theen saina oen khawdeng bawmna ah atue atang boeih te a hawna.

Caeltueih 9:39

Tedawngah Piter te kamthlah pahoei tih ahih rawi oen cet u. A pha veng atah asaw dawtt im han la te a luui puei u. Huhai thli lawng Piter te a veel khoep u tih rap u, Dorkas lawng a hing vengah a sai pe angki oen hinaak himbai thli te a huh sak u.

Rom 12:13

Khrihca na puei na paw thli kah a voetna ah te dodan u lang na im ah kamyin te pah sak uh.

Ephesa 2:10

Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

1Timothy 2:10

Tede bokna ben ah thinkaw pengnel hutaa hue lawng a sai ham tueng angla te thaihu theen saina oen thoekcau u seh.

1Timothy 3:2

Khrihcabu mawtkung tah thawlhpalhna aka awm nawh tih a yu khat bueng aka khueh thlaang, mah oen mah aka uk u thai thlaang, mah oen mah kuemsuem thai thlaang, adoengla khaw aka sa thlaang, hinyah koei thlaang; kamyin kamlai aka lungna thlaang, thlaangtloe te riingtuuk thaihoen thai thlaang seh.

1Timothy 3:7

Ahih tah khrihcabu khuiah aka awm nawh thlaang lawngkhaw a hinyah thlaang seh, te atah a thang the nawh vetih seitan kah dong dawngah te man manawh.

1Timothy 5:16

Tede khrihca hutaa pakhat lawng imkhuikaw ah huhai tumtee pakhat a khueh atah amah lawng cawm a cah selang tah khrihcabu kah thalrih la khueh boel seh; tetih dengah ni amah bueng aka awm huhai tumtee thli te khrihcabu lawng a tu-acaa thai ai.

1Timothy 5:25

Tetihvan angla thaihu theen sai he khaw tueng pheng tih huh thai koeila aka awm thlan te khaw thuh thai la awm manawh.

1Timothy 6:18

Ahimi lawngah atheen thaihu sai ham, bii theen te bina oen kuirang la awmna u ham, moeihoeihla thlaangtloe a do adan thaina u ham van thui peh.

2Timothy 1:5

Na nuhaam Loisi oen na nu Yunis lawng a khueh oengna tangtang te ang van te nang lawngkhaw na khueh van tila ka poek, tahe ah khaw na khueh tite ka tangna.

2Timothy 2:21

A-u khaw athe thaihu boeih te a ceh taak tih aciim acaihla aka awm tah bii phutlo dawngah a hawna ai, metihtiah ahih tah thloeng u tih thaihu theen sai ham oepsoehla aka toen u tih a bawipa kah hawna koeila a awm dawngah ni.

2Timothy 3:15

Na camaw veng kalawng ah Aciim Baibal awl na ming poen tite hilh boel. Te Caciim lawngah Khrih Jesuh oengna rang oen thlawnna benla mawtkung cuihna te m'peek thai.

2Timothy 3:17

te ah ni Pathen bii aka bi thlaang lawngah thoemthaina soep vetih thaihu theen phun soeprep sai hamla phawlip te asoepcala a khueh ai.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Titus 2:7

Soeprep boeih ah namah roeroe he khawboe ramlang theen ben ah oett koeila awm. Hinyah koei la awm lang na cangpueina dawngah ataktangla awm.

Titus 3:1

Na thlaang thli lawng ukkung thli oen aana khuehkung thli kah awl a ngai u tih ahimi te a hinyahna u ham oen thaihu theen sai ben ah oepsoehla a awm poepa ham thui peh.

Titus 3:14

Mami kah thlaang thli te bii theen a bi tih angoe taktak dangna ham cang puei uh. Ahimi lawng poei-oepla awm mailai u boel seh.

Titus 3:8

He awl tah awltak ni. He kah awl he awlpuila na khueh ham ka ngaih, Pathen aka oeng thlaang thli lawngtah thlaang boeih boeih ham thaihu theen saina ben ah amami kah atue atang te a hawna ham awm, te tah aka theen tih aphu aka awm ni.

Hebrew 10:24

Mami lawngah theenna te sai ham oen ah lungna te tueng sak ham pakhat oen khat bawmcem u silang pakhat oen khat thintlo u sih. Te lak atah, nangmi lawng Bawipa Khawhin tah yoeii poen tila na ming u dawngah pakhat oen khat thaphawh u tare sih.

Hebrew 13:2

Na im ah kamyin kamlai pah sak u lang dodan ham hilh u boel. Te tila kamyin te a im ah aka pah sak lawngah ming mai ohla vanthlaang te a pah sak u.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 4:9

Kawhuet cakbat ohla pakhat oen khat im yin luui sak uh.

3Johan 1:12

Demetrias kah theenna he thlaang tawm lawng a thui; awltak roe lawng ahih kah theenna he a thui. Mami lawngkhaw atheenna te n'thui u tih kai lawng ka thui he soeng tila na ming u.