1Timothy 4:7 - Matu Chin New Testament 2006

⁷ Tede Pathen kawng alam aka awm nawh tih thui ham koeihvaih nawh ciil awl te tah reel-aram hawn. Pathen kawngaih la hing ham namah oen namah te phep uh.

Matu Bible

⁷ Tedae a rhonging neh yancil a rhuem hnawt lamtah hingcimnah ham namah hlinsai uh.

1Timothy 4:7 Iomraidhean Croise

Caeltueih 24:16

Tedawngah Pathen oen thlaanghing haiah athetheen mingna kawpoek ciim khueh hamla ka sai thai khui tah ka sai poepa.

1Timothy 1:4

Awlpuungna bueng aka thoeng sak ciil awl thli oen aka boet nawh nukaw pakaw patuer thli thoepna te ang thli te a toengna u ham thui peh; te ang thli oen ah te oengna oen ming ham koei la aka awm Pathen khawkhanna te n'sai thai nawh.

1Timothy 1:9

Ming ham tah phungawl he thlaang theen thli hamla sai nawh tih phungawl phekung thli oen lumlai aka hu thli, Pathen aka ming nawh thli oen thlaangthawlh thli ham, bokna ben oen muithla ben tu la aka sak nawh thli ham, a manu oen ana pa aka ngawn thlaang thli ham, thlaang aka ngawn thli ham,

1Timothy 2:10

Tede bokna ben ah thinkaw pengnel hutaa hue lawng a sai ham tueng angla te thaihu theen saina oen thoekcau u seh.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

1Timothy 4:8

Pumsa oen cangna he aphu tah awm thoem van, tede muithla ben cangna lawngtah soeprep ah aphu awm, metihtiah, tahe veng hingna ham khaw, hailam ben hingna ham khaw pahih bok hamla awl a kam.

1Timothy 6:11

Tede nang tah Pathen kah thlaang la na awm dawngah he thaihu thli boeih he rel-aram hawn. Doengna, Pathen hinyahna, oengna, lungna, uehthaina oen kawdawna te khueh hamla yawm lah.

1Timothy 6:20

Timote, nang lawng khoem abeel ham na kut dawngah avan tloeng boeih te atheenla kuem. Pathen hinyahna aka awm nawh awlthuina oen ngau-athuu awlpuungna, thlaang khatsut lawng asoeng nawh la, “Cuihna” a ti u te reel-aram hawn.

1Timothy 6:3

He thaihu thli he nang lawng cang puei langtah thui peh. A-u khaw mami Bawipa Jesuh Khrih kah aka soeng awl oen mami kah bokna phung cangpueina oen ah aka vai u nawh oengnakungpui alakloe te aka cang puei tah,

1Timothy 6:5

he tila aka awm thli tah kawpoek soeng tlaih nawh tih awltak te aka khueh tlaih nawh thlaang poen ni. Ahimi lawngah bokna he kuirang la coenggna lawngpui la a poek u.

2Timothy 2:16

Pathen hinyahna aka awm nawh tih ngau-athuu awl oelhna te reel-aram lah, te ang awlkaa lawngah te Pathen teng kalawng athlathloeila ni thlaang a thak khoeng mai.

2Timothy 2:23

Tede ngau-athuuna oen mingtung plau nawh awlpuungna te reel-aram hawn; te ang lawngtah tawhsina ni a thoeng sak tite nang lawng na ming.

2Timothy 3:12

A-u khaw Khrih Jesuh oen pumkhatla awmna rang oen Pathen kawngaih la hing ham aka ngaih tah heemtekna patang te a khang ai;

2Timothy 3:5

ahimi lawngah bokna phung he asaw ahan ah a phoeih u, tede akhuiben kah tharana tangtang te tah a hoett u. Te ang thlaang thli te tah reel-aram hawn.

2Timothy 4:4

Ahimi lawng awltak te hutung ohla a mangthawng taak vetih ciil awl mailai te hutung ham a ngaih u ai.

Titus 1:14

Judah thli kah ciil awl mailai oen awltak aka hoett thli tengah aka thoeng thlaanghing awlpeek thli te pawm u tlaih manawh.

Titus 2:12

Te lungvatna lawngtah Pathen tula sak ohla hingna, dilai thaihu ngaihmoekna te hoett ham, mah oen mah kuemsuemna, doengna oen he dilai dawngah Pathen kawngaih la hingna oen awm ham mami te n'thuituen.

Titus 3:9

Tede tula aka coeng nawh awlpuungna patuer hue kah phunthoepna, tawhsina oen phungawl kawngah oelhtaihna te reel aram lah. Te ang thli te tula aka coeng nawh tih aphu aka awm nawh ni.

Hebrew 5:14

Buh aka haam te tah kum haam thlaangsoep ham ni; ahimi lawngtah tuukkiik u tih athe atheen te a pek abo thai.