1Timothy 4:16 - Matu Chin New Testament 2006

¹⁶ Namah oen namah te ngaithuen lang na cang puei te khaw ngaithuen lah. He thaihu boeih he toeng ohla sai, metihtiah nang lawng na sai atah namah oen namah khaw, na awl-thui hutung thlaang thli te khaw pahih bok la na thlawn thai ai.

Matu Bible

¹⁶ Namah te laehdawn uh lamtah thuituennah te oei lah. He tla saii daengah ni namah khaw, nang aka hnatung rhoek khaw na khang eh.

1Timothy 4:16 Iomraidhean Croise

Marku 13:9

Nangmi lawng ngaithuen oen awm uh. Metihtiah nangmi te n'tuuk u vetih awlcekna yung la n'khuen u ai. Sinakok bok-im ah nangmi te m'bawh u ai; Nangmi lawng kai kawng dawngah ukkung thli oen sengpahrang thli haiah ahimi te Awlthang Theen thui pe hamla na pai u ai.

Luka 21:34

“Ngaithuen u lah! Nangmi lawng awmtheen awmyaal poeibuh caak awkk oen dilai han khawsak lakuengna te poek u aih boel, te tila na awm u veng bawtbet khawlai ah te kah Khawhin lawng nangmi teng avan pha ai.

Caeltueih 26:22

Tede tihin toe ah Pathen lawng n'bawm, tedawngah thlaang yitt thlaangbo nangmi boeih haiah he ka pai tih awl ka thui. Tawngha thli oen Mosi lawng a thui oepsoeh aka thoeng ham koei thaihu te ni kai lawng ka thui:

Caeltueih 6:4

Kaimi ngoen tah thangthuina oen Pathen awl thui biibina dawngah atue boeih he ka hawna u ai.” a tina u.

Rom 11:14

Ka thlaangphun thli te uett-eena thinkaw a khueh sak he tah thlaangvaang mai khaw thlawn thaina ham ni.

Rom 16:17

Maya manau thli: pekbona aka thoeng sak thli oen oengna te aka thumhang sak oen ah nangmi lawng na cang u tangte cangpueina aka oelh-taih thli te ngaithuen ham kan uen u: Ahimi teng kalawng thloeng uh.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 9:22

Oengna tha aka yoek thlaang thli tengah bii ka bi vengah ahimi te lawh thaina ham ahimi tha aka yoek sut angla ka awm. Metila khaw acoengg thai khoem atah avaang athal mai khaw thoem ka thlawn ai nuem ka ti dawngah thlaang boeih tengah ahimi angla ka awm van.

1Korin 9:27

Thlaangtloe te loehlangna ah thuum ham ka ceel coengah loehlangna ah kamah he n'thoek hau nawh ham ka pum he atlawhla ka phep oepsoeh.

Ephesa 4:14

Te atah thlaangtloe te thawlhpalhna benla aka mawt, thlaang thailatna ham suen coplap hoem awl oen ah thlaangthaipalat thli kah cangpueina tuiphu lawng a khuen tih thlihueng lawng a yawng camoe angla te ng'awm u tlaih manawh.

Kolosa 4:17

Tecoengah, Arkhipas te, “Bawipa kah bii dawngah nang m'peek bii te a coeng toe van bi seh tila van thui pe uh.”

1Thessalonika 2:16

Kaimi lawngah thlawnna awl Gental thlaang thli tengah ka thui u te toeng sak hamla ahimi lawng a yawm u. He tila te ahimi lawng thawlh poepa u tih amami kah thawlhna boeih te asoep sak u.

1Timothy 1:3

Macidonia ram la ka ceh vengkah awl kan uen angla te Efesa khaaw ah na awm hamla ka ngaih. Thlaang khatsut lawng Efesa khaaw ah asoeng nawh oengna a cang puei u tih ahimi te na toeng sak ham awm.

1Timothy 4:15

Thlaang boeih lawng nang kah na bi na lawh a roeng hang te a huhna u thai ham hawna langtah thathluela te thli te sai lah.

1Timothy 4:6

He kah thuituenna thli he maya manau thli tengah na thui pe atah nang tah Khrih Jesuh kah atheen tuihyoeihthlaang la na awm ai; namah oen namah muithla ben na cawm na cah u van angla te oengna awl oen aka soeng cangpueina namah lawng na vai te hawna lah.

2Timothy 2:10

Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.

2Timothy 3:14

Tede nang tah, na cang tangte tih acakla na oeng awltak dawngah te awm poe lah. Nang cangpueikung thli a-u tite namah lawng na ming;

2Timothy 4:2

Tedawngah awlthang te thui lah, (atue atang alawlh amaih ah khaw, alawlh amaih nawh ah khaw) awlthang te thui ngaikhoek. A yaakming thaina ham thui peh, toel-thaam ham angoe atah siim langtah, thaphawh ham angoe atah thathluena awl thui peh, kawdaw thinsan oen cang puei.

Titus 1:9

Oengnakungpui oen avai u la ueppang koei, awlthang te acakla aka phoeih thlaang seh. Teah ni ahih lawng aka soeng cangpueina oen tha a peek thai vetih asoeng cangpueina aka oelhtaih thli kah thawlhpalhna khaw a tueng sak thai ai.

Titus 2:15

He awlkaa thli he cang puei langtah na awlthui hutung thli te tha na peek tih na toelthaam vengah saithaina aana na khueh boeih te haw nah. Nang te a-u lawngkhaw dapsit la n'hu roe boel seh.

Titus 2:7

Soeprep boeih ah namah roeroe he khawboe ramlang theen ben ah oett koeila awm. Hinyah koei la awm lang na cangpueina dawngah ataktangla awm.

Philemon 1:19

He he kamah kut roe oen kavan thut, Kai Pawl lawng kan sah koep badai. (Na hingna roe nan peek ham na ba te thui koep ham ngoe mai nawh)

Hebrew 12:15

Pathen kah lungvatna te a-u lawngkhaw mangthawng taak nawh ham ngaithuen uh. Thingkha thing lawng roeng hang tih asue oen thlaang te raina boehoengla a peek angla a-u khatca khaw awm u boel.

Hebrew 13:9

Cangpueina alakloe phun soeprep lawng nangmi te lawngpui doeng kalawng atloe abang la m'phelh sak boel seh. Thinkaw tharana he caak awkk kawng phung-alam vaina oen dang ohla Pathen kah lungvatna dawng kalawng dang ham theen; he ang phung-alam aka vai thli te amami kah a vai phung-alam lawng bawmcem nawh.

James 5:20

he he hilh u boel: a-u khaw thlaang-thawlh pakhat te lawngpui a hangna kalawng aka mel puei tah, thlaangthawlh kah muithla te duekna kalawng a thlawn tih thawlhna toeklek nawh dawng kalawng khawdawp-ngaaina aka saikung la awm.