1Timothy 4:1 - Matu Chin New Testament 2006

¹ Hailam ben atah thlaang khatsut lawngah oengna te a hoett u ai tila Muithla lawng aciimphanla a thui; ahimi lawngah hoem thui muithla awl te a ngaai u vetih raaithe kah cangpueina te a vai u poen ai.

Matu Bible

¹ Te dongah hmailong tue ah hlangvang loh tangnah te a nong tak ni tila Mueihla loh phaeng a thui coeng. Te vaengah laithae laidang mueihla neh rhaithae kah thuituennah te a ngaithuen uh ni.

1Timothy 4:1 Iomraidhean Croise

Mathai 18:7

Dilai dawngah thlaanghing kah oengna aka phelh sak thaihu yahawh hlang a awm dawngah rih ham awm tangkiik. Te ang thaihu te awm ngaikhoek ai, tede te tila thlaang kah oengna aka phelh sak thlaang ham tah caalla khawmap tangkiik!

Luka 17:1

Jesuh lawng a hubang hue tengah, “Thawlhna khuiah thlaang aka tlaak sak thaihu thli awm ngai khoek ai, tede te ang tlaakna te aka sai thlaang thli ham tah khawmap tangkiik!

Johan 16:13

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

Caeltueih 13:2

Ahimi lawngah Pathen a bok u tih buh a yeh u vengah te Ciim Muithla lawngah ahimi nala te, “Kai lawng bii ka hoel ka paai te aka bi hamla ka khue Barnabas oen Sawl te kai ham van thloeng uh” a tina.

Caeltueih 17:18

Epikuras kah cangpueina aka vai thli kah cangpueikung hue oen khaw, Stoik a ti u cuihna te aka cangpueikung hue oen khaw ahih tah oelhtaih u. Ahimi tim-kah khatsut lawngah, “He kah thlaang koeih pavaih nawh lawng he n'tu nuem a thui van ca?” ti u. Thlaangtloe hue lawngah, “Ram tloe kah pathen kawng ni a thui muema he.” a tina u. Pawl lawngah Jesuh kawng oen a thawhkoepna kawng a thui dawngah ni ahimi lawng te tila te a tina u.

Caeltueih 20:23

Ka phana boeih khaaw roekk ah Ciim Muithla lawng ah ngaithuenna m'peek tih thongtlaak oen raina lawng kai he n'ring khuep ti bueng he ni ka ming.

Caeltueih 21:11

Ahih te kaimi tengla law tih Pawl kah cihin te a lawh, a kut oen a khow te a piin tih, “Ciim Muithla lawng tila avan thui: He kah cihin khuehkung he Jerusalem ah Judah thlaang thli lawng he tila a piin vetih Gental thlaang thli kut ah a peek ai.” tila a thui.

Caeltueih 28:25

Ahimi te oelh u khiing tih Pawl lawng he awl pakhat he a thui pe coeng atah meel u; a thui pe awl tah: “Ciim Muithla lawng tawngha Isaiah rang oen ah na patuer hue tengah a thui te soeng tangtang!

1Korin 10:20

Tetih nawh ni! Kai lawng ka thui ngaihna tah he ni. Lukih thli kah bokna-thaang dawngah Luciik thawthuengna te tah raai thli tengah a nawn u ni, Pathen tengah a nawn nawh ni. Nangmi te raai thli oen tuhkai sak ham te ka ngaih nawh.

1Korin 11:19

(Asoengna ben ah aka awm thlaang thli te aciimla huhna ham ah nangmi tim ah pekbona a awm te soeng mai.)

1Korin 12:11

Tede he thaihu boeih he aka saikung tah Muithla pakhat lawng ni a sai; amah kawngaih la thlaang pakhat rip te kutdo atloetloe a peek.

1Korin 2:10

Tede a awlhuep te amah Muithla rang oen ah mami he Pathen lawng m'ming sak poen. Muithla lawngtah soeprep boeih Pathen kah kamthlahna adungkoek thuh elh la aka awm te pateng khaw pheng a tlap.

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

Kolosa 2:18

Huhthlaam sangthloei ka huh ti u tih thlaangtloe lak ah asangla aka ngaai u thlaang thli, asoeng nawh komyomna, m'mah kah pum he phep hamla awm aka ti thlaang thli a-u lawngkhaw nangmi te n'sal'phaam boel seh. Te ang thlaang thli tah thuingaihna tangtang aka awm nawh thlaanghing poekna angla a poek te oen ah oekthloen u.

2Timothy 3:13

tede thlaang the thli oen thlaangthaipalat thli kah the-arana tah khuet la khuet ai; thlaangtloe te athai alatna vetih amah te khaw a thai alatna u van ai.

2Timothy 4:4

Ahimi lawng awltak te hutung ohla a mangthawng taak vetih ciil awl mailai te hutung ham a ngaih u ai.

James 3:15

Te ang cuihna te tah vaan kah aka law nawh ni; te ang te dilai cuihna ni, te tah muithla ben kah nawh tih raaithe ben kah cuihna ni.

1Peter 1:20

Ahih te tah dilai suen thlan vengah Pathen lawng a tuek poen tih he kah atue khawhin aboetna tue vengah nangmi ham avan tueng sak.

2Peter 2:1

Yan veng Israel thlaang thli tim ah asoeng nawh tawngha thli pho. Tetih van angla nangmi tim ah asoeng nawh cangpueikung thli va thoeng ai. Ahimi lawng thlaang thek-yakna asoeng nawh oengnakungpui te avan khuen u vetih ahimi aka tlangkung Manghai Bawi te a hoett u ai, te tila amami sawah kawlkalhca ah rawkna te a pha sak ai.

2Peter 3:3

Lamhacuek ah nangmi lawng na ming u ham tah atue khawhin aboet ben ah ngoen tah a hingna te amami kah pumsa ngaihna lawng a uk thlaang khatsut law ai. Ahimi lawng nangmi te n'nuihna u vetih,

1Johan 2:18

Ka ca ka nau thli atue boetna yoeii poen! Khrih kah raal law ai tila na yaak u; tahe ah Khrih kah raal thli yahawh hlang thoeng poen, tedawngah atue boetna yoeii poen tila mami lawng m'ming u.

1Johan 4:6

Tede mami tah Pathen thlaang ni. A-u khaw Pathen aka ming lawngtah kaimi awl he a hutung u, a-u khaw Pathen thlaang la aka awm nawh lawngtah kaimi awl he hutung u nawh. He tila he awltak Muithla oen thawlhpalhna muithla laklaw kah alakloena te mami lawng n'thui thai u.

Jude 1:18

Ahimi lawng avan thui tah “Atue boetna khawhin apha veng atah nangmi nuihbu kamring la aka thui thlaang thli, Pathen te tula sak ohla amami kawngaih aka vai thlaang law ai,” tila a thui te ni.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 16:14

Te thli tah raaithe kah muithla la awm u tih kawpoekraina te a sai u. He kah muithla pathum hue tah Thara koek Pathen Khawhin pui ah thik at la raal tuk ham, dilai pum kah sengpahrang boeih tengla ceemphawh hamla cet.

Olphong 18:2

Ahih lawng angaihhlangla paang tih: “Hutaa te tlim poen! Babilon khawpui tah tlim poen! Te khawpui tah raaithe thli oen muithla ciimcaih nawh thli awmna ahuen la tahe tah coeng poen; tuiilehkap oen thina koei va phun soeprep a khuiah awm u.

Olphong 18:23

Hai-im dawngkah haivang te metuek khaw na khuiah hu u koep tlaih manawh; Cadawng yulokung oen tuemnu hulaa vaa sak awmtheen awl meveng khaw na khuiah ya tlaih roe manawh. Nang kah tangthung tangleng thli tah dilai pum ah huham thara aka awm koek ni, aka soeng nawh miklet thoemna oen dilai pum ah huham tharana aka awm koek ni, aka soeng nawh miklet thoemna oen dilai thlaang boeih na thai na latna poen.

Olphong 19:20

Satluung oen ah ahih kah haiah kawpoekraina aka sai tawngha rawlrap te a tuuk haih tih thong ah a thlaak u. (Te kah tawngha rawlrap tah satluung miknoekna aka khueh thli oen satluung kah kutsaimuei aka bok thli te kawpoekrai saina oen aka thailatnakung te ni) Satluung oen tawngha rawlrap te pahih bokla kat hai-alh khuiah a hing sailapla a dawng.

Olphong 2:11

“Yaakna haa aka khueh lawng atah Muithla lawngah Khrihcabu thli tengah a thui awl he ya hawn seh! “Taakung la aka awm thli tah voeihih duekna kalawng loeih poen ai,” ti.

Olphong 2:17

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh! “Taakung la aka awm thli tah thuh elh la aka awm manna takawi te ka peek ai. Ahimi boeih te lungto abawk pakhat ah rip ka peek ai, te dawngkah a thut miing athaai te a-u lawngkhaw thuingaihna ming nawh vetih te lungto aka dang hue bueng lawng ni a ming ai.

Olphong 2:29

“Yaakna haa aka khueh lawngtah Khrihcabu tengah Muithla lawng a thui awl te ya hawn seh.” a tina.

Olphong 2:7

“Tedawngah yaakna haa aka khueh lawngtah Muithla lawng Khrihcabu hue tengah a thui he ya hawn seh! “Taakung la aka awm thli tah Pathen dum khuikah hingna thingthaih te caak thaina nawl ka peek ai” ti.

Olphong 20:10

Tecoengah ahimi aka thailatna Raaibawi te satluung oen tawngha rawlrap thli a voeihna huen kat hai-alh khuila a dawng; te huen ah ahimi tah dungyan toela yiin oen daai patang a khang ai.

Olphong 20:8

dilai pum khawboet ram boet ah aka darh u thlaangphun boeih te thailatna ham cet ai, te tah Gog oen Magog te ni. Seitan lawngah ahimi te apum boeih la ceem thawh sak ham a cawi vetih te thli tah tuitunlii keeng kah divin lai yoeh la yahawh.

Olphong 3:13

“Yaakna haa aka khueh lawngtah Khrihcabu thli tengah Muithla lawng a thui he ya hawn seh!

Olphong 3:22

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh!”

Olphong 3:6

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh!

Olphong 9:20

He kah tlawhtahaw ah aka duek nawh tih aka deem thlaang hue lawngah amami kah sai cawplap thaihu te hoett u nawh. Ahimi lawng raaithe a bok te khaw toeng nawh tih mik aka tueng nawh, haa aka pang, aka tatvuet thai nawh sui, ngun, ruhum, lungto, thing oen a sai kutsaimuei a bok te khaw toeng u nawh.