1Timothy 3:6 - Matu Chin New Testament 2006

⁶ Ahih tah oengna dawngah kawpoeksoepna aka khueh thlaang seh, tetih atah Seitan angla ahih tah oekthloen u nawh vetih awlcek la awm manawh.

Matu Bible

⁶ Tanoe hlangthai boel saeh. Te daengah ni koevoei uh pawt vetih rhaithae kah dumlai khuiah a cungku pawt eh.

1Timothy 3:6 Iomraidhean Croise

Luka 10:18

Jesuh lawng ahimi nala te, “Khaw thlap apha angla vaan kalawng Seitan a tlaak thuk te ka huh.

1Korin 3:1

Maya manau thli, atak tang atah Muithla aka khueh thlaang thli tengah awl ka thui angla nangmi teng atah ka thui thai nawh; he dilai thlaang thli angla Khrihca oengna dawngah camaw angla ni nangmi tengah awl kavan thui.

1Korin 8:1

Kutsaimuei tengah a nawn u caak awkk kawng cathut oen nan doet u te tahe ah kavan thui ai. Ahimi lawngah, “Mami boeih he cuihhoena n'khueh,” tila a thui u te soeng ngoen. Te cakhaw te ang cuihhoena lawngtah thlaang te a oekk athloen sak tih a halang sak, tede lungna lawngtah thlaang te asoem asai tih a roeng sak.

2Korin 12:7

Tede kawpoekrai thaihu yahawh hlang ka huh dawngah oekthloenna oen pawmsangna kanghalhna ham aka tlo tangkiik nganbawh te ka pumsa dawngah m'peek, te tlawhna lawngah Seitan kah laipai angla bii a bi tih oekthloenna dawng kalawng kai he bawhna ham oen kanghalhna hamla a hawna.

1Timothy 3:7

Ahih tah khrihcabu khuiah aka awm nawh thlaang lawngkhaw a hinyah thlaang seh, te atah a thang the nawh vetih seitan kah dong dawngah te man manawh.

1Timothy 6:4

Oekk-thloen u tih n'tu khaw aka ming nawh thlaang ni. Ahih lawngah awllung kawngah oelhtaih u ham oen tawhsi ngaihna kawpoek theen nawh te a khueh tih, he lawngah uett-eena, awlpuungna, thekhana, atheen nawh uepvoetna, aboet tlaih nawh awlpuungna te a thoeng sak,

2Timothy 3:4

ahimi tah awl aka cak nawh thlaang, maru-marat thintoi thlaang, kawpoek sang oen aka hoell u thlaang la awm u vetih; Pathen te lungna lak ah awmtheen awmyaal boenn-atlaak te a lungna ngaai ai,

1Peter 2:2

Camoe thangpek angla awm u langtah muithla ben kah suuktui ciim te hall yoeyah uh, muithla ben suuktui ciim te na awkk u atah na roeng hang vetih thlawn la na awm u ai.

1Peter 5:5

Te tih van la te nangmi roengthaai kumno hue lawng ahaamca thli kah awl te na ngaai u ham awm. Nangmi boeih lawngah boe-ngaaina himbai te bai u langtah pakhat oen khat bawmcem u lah; metihtiah caciim lawngah, “Pathen lawng aka oekthloen u te tah amah khak tih boe-ngaai thlaang teng atah mik-hai a thlampaan sak,” tila a thui.

2Peter 2:4

Pathen lawngtah thawlhna aka sai vanthlaang thli te thlung nawh tih ahimi te hell khuila a voeih, yiinna khuiah ahimi te thiirui oen a khih tih awlcekna khawhin te a ring u.

Jude 1:6

Amami kah awmna huen a hoett tih, amami kah khuehtoen saithaina ari amawng khuiah aka awm nawh vanthlaang thli te poek u lah: Pathen lawng awlcekna Khawhin pui ah ahimi te dantatna peek ham dungyan thiirui oen a piin tih yiinna khuiah a khueh.