1Timothy 3:16 - Matu Chin New Testament 2006

¹⁶ Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

Matu Bible

¹⁶ Hingcimnah olhuep kah a len he oelh om pawt la om. Amah tah pumsa ah tueng tih mueihla loh a tang sak te puencawn rhoek loh a hmuh. Namtom rhoek taengla a hoe dongah diklai ah a tangnah uh tih thangpomnah neh a loh.

1Timothy 3:16 Iomraidhean Croise

Mathai 1:23

Hulaa cuem pakhat tah vawn vetih capa a cuun ai, a miing tah Immanu-el a sak u ai” (Immanu-el thuingaihna tah “Pathen mami tengah tengah awm” tina ni.)

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Mathai 28:2

Tevengah te bawtbet khawlai ah likluei tho tih angaihhlangla hinghuen. Bawipa kah vanthlaang pakhat te vaan kalawng va rum tih thlann khaihna lungto te a thoeih tih a sawah ngawl.

Mathai 3:16

Jesuh tah Baptisma a huh coeng khoeng ah tui dawng kalawng tho hang. Tevengah ahih ham vaan te awng u tih, Pathen kah Muithla tah akhuu angla rum thuk tih ahih sawah a cuuk te a huh.

Mathai 4:11

Tecoengah Seitan lawng Jesuh te a ceh taak, vanthlaang thli law-u tih Jesuh te a bawm a ceem u.

Marku 1:13

Te ah te khawhin sawmlii awm tih Seitan lawng a suek a halh. Ramsatlung thli khaw te ah te awm, tede vanthlaang thli law u tih Jesuh te a bawm acem u.

Marku 16:19

Bawipa Jesuh lawng ahimi te awl a thui pe coengah vaan la luui tih Pathen bantang ben ah te ngawl.

Marku 16:5

Ahimi lawng thlann khuila a kuun u vengah cadawng tawngpang pakhat himbai bawk a bai tih bantang ben ah aka ngawl te a huh tih let u.

Luka 2:32

Gental thlaangphun tengah na kawngaihna aka tueng sak aangna la awm tih na thlaangphun Israel thlaang thli tengah ruep-awmna avan khuenkung la awm.” tila a thui.

Luka 20:44

Devid lawng ahih te, ‘Bawipa’ a ti atah metila Messiah te Devid cadil la a awm thai ai?” tila a doet.

Luka 22:43

Vaan kah vanthlaang pakhat a tengah phumpho tih ahih te tha a peek.

Luka 24:4

He kawngah ngaihangla a pai sut u vengah te himbai bawk aka bai thlaang pahih te ahimi tengah parak a pai pe.

Luka 24:51

Ahimi te aphueh asawm tih yotheenna a peek veng te ah ahimi teng kalawng hooep u tih vaan benla te pawm u hang.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 13:3

Jesuh lawngah tharana cungkuem ana Pa lawng a peek te a ming; ahih lawngah Pathen tengkah ka law tih Pathen tengla ka cet ai ti khaw a ming.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Johan 16:28

Kai tah a Pa teng kalawng dilai dawngla ka law, dilai he ka ceh taak vetih a Pa tengla ka cet ai.” a tina.

Johan 17:5

A Pa! Dilai sai thlan ah namah oen awm haih vengkah ruep-awmna te ang van te tahe namah haiah ruep-awmna te m'pe lah.

Johan 20:12

tevengah himbai bawk aka bai vanthlaang pahih Jesuh kah rawkk a helhna ah te a khow ben ah pakhat, a luu ben ah pakhat aka ngawl hih te a huh.

Johan 6:62

Thlaanghing Capa he acuek vengkah a awmna huen la a luui koep hang te na hu u mai kawinih me tih ni na ti u oh ai?

Caeltueih 1:19

Jerusalem ah aka awm thlaang boeih lawng te kawng te a yaak u, tedawngah te kah lo huen te amami awl la ‘Akeldama’ tila a thui u, thuingaihna tah “Thisen lo huen.” ti ngaihna ni.).

Caeltueih 10:34

Tevengah Piter lawng awl a thui tih, “Pathen lawngah thlaang boeih he avan at la a khueh ti he tah soeng tangtang tila tahe atah ka ming poen.

Caeltueih 14:27

Antiok khaaw te a pha hih veng atah khrihcabu kah thlaang thli te thik at la a tun sak hih tih ahih rawi rang oen Pathen lawng a sai thli oen Gental thlaang thli lawng a tangna thai ham lawngpui a awng pe kawng te ahimi tengah a thui pe hih.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Rom 10:12

Metihtiah Judah oen Gental thlaangphun pekthlena a awm tlaih nawh dawngah thlaang boeih thuum poen; Pathen tah thlaang boeih kah Bawipa la awm tih amah te aka khue boeih tah yotheen kawthawina yahawh hlang a lun thil.

Rom 10:18

Tede awldoet ka ngaih tah: ahimi lawng awlthang he ya u nawh tangtang aw? A yaak u ta; Metihtiah Caciim lawng, “Ahimi kah paang awl lawng dilai pum ah thaang khok tih ahimi awl tah dilai boetna toe kheng a pha,” tila a thui.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Rom 16:26

Tede, tahe ah te kah awl tah tawngha thli kah cathut rang oen avan pha sak poen; thlaang boeih lawng awltak te a oeng tih a vai thaina ham dungyan Pathen kah awlpeek rang oen thlaangphun boeih tengah a phawng poen.

Rom 3:4

Tih nawh ni, Thlaang boeih lawng hoem awl thui mai cakhaw Pathen tah soeng tih uep-awm la awm toeng toeng. Caciim lawng, “Awl na thui vengah na awlthui te soeng tila na tueng sak vetih awlcek la na awm vengah taya cawina te na taa ai,” tila a thui.

Rom 8:3

Thlaanghing pumsa a tha ayoek dawngah Phungawl lawng a sai thai nawh te Pathen lawng a sai. Thlaanghing pumsa ah aka awm thawlhna te a Capa avan tuihna rang oen a phe poen. Thawlhna taa hamla thlaanghing kah thawlhna pumsa angla va law.

Rom 9:5

Ahimi tah Hebru thlaangphun cuunkung patuer miingthang thli kah cadil la awm u, thlaanghing ben atah Khrih pateng ahimi kah a phun ni. Soeprep boeih ukkung Pathen tah yoeyahla a thaang theen hawn seh! Amen.

1Korin 15:47

Adam lamhacuek te dilai a sai tih dilai dawng kalawng va law; Adam apabena tah vaan kalawng ni a law.

1Korin 2:7

Kai lawng ka phawng cuihna te tah Pathen kah cuihna awlhuep thlaanghing tengah pho sak ohla thuh khak la aka awm tih dilai a suen thlan veng kalawng mami kah ruep-awmna ham avan khueh tangte cuihna te ni.

2Korin 1:19

Metihtiah, Silas, Timote oen kamah lawngkhaw nangmi tengah kavan phawng u Pathen Capa Jesuh Khrih te tah “Oeih” ti oen ah, “Nawh ni” tila thlumthle awl aka thui nawh ni. Tetih ohla ahih tah Pathen kah, “Oeih” tina ni.

Galati 2:8

Piter te Judah thlaangphun ham celtuih la a sai van angla kai khaw Pathen lawngah amah kah tharana oen Gental thlaangphun ham celtuih la n'sai van.

Galati 4:4

Tede aboetna ah atue atang anuen te apha khuek vengah tah Pathen lawng a Capa te avan tuih. Thlaanghing hutaa kah capa angla te law tih Judah Phungawl huiah te khaw a sak,

Ephesa 1:9

Pathen lawng a cuihna boeih oen a ming athaina oen ah a kamthlahna te a sai tih Khrih rang oen soep sak ham a ngaih ahuep khawkhanna te mami m'ming sak poen.

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 1:6

Nangmi lawng Pathen kah lungvatna kawng na yaak cuekca kalawng te lungvatna te ataktangla na ming u veng atah nangmi tim ah apuung ataai van angla te awlthang theen tah dilai pum ah puung khonghak tih yotheen kam-awmna te m'peek.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

2Thessalonika 1:10

a lawna khawhin ah ahimi tah Bawipa teng kalawng ah thek u boeih ai. Nangmi tah kaimi lawng ka phawng awlthang te na tangna u dawngah Bawipa te ruep-awmna oen hinyahna aka pe thlaang thli tim ah na thuum u ai.

2Thessalonika 2:7

Ahuepla Thena lawngah bii a bi poen, tede kanghalhkung te khoe la a awm thlan atah Thlaangthe Pui te va thoeng thlan ai.

1Timothy 3:9

Ahimi tah athetheen pekbo thaina kawpoek ciim oen oengna awltak aka dung te acakla aka phoeih thlaang la a awm ham awm.

Hebrew 1:3

Ahih tah Pathen kah ruep-awmna aangna aka tueng sak tih Pathen amah coenggna oen aka lo u taktak ni. Huham tharana aka awm awl oen khawhipuempa he a khawl acuui tih a cak sak. Thlaanghing ham thawlh khawdawp ngaaina oen thawlh ciimna a sai coengah, vaan ah Huham Thara sangkoek Pathen kah bantang ben ah te ngawl.

Hebrew 12:2

Mami kah oengna atongna kalawng aboetna toe apangtungna thinglam dawng duekna te rih nawh! Te thinglam dawng duekna voel ah awmngaihna lawng a ring poen dawngah thinglam dawng duekna te yahpawhna tila poek nawh tih tahe ah Pathen kah bawi ngawlhcoen bantang ben ah te ngawl poen.

Hebrew 7:7

Yotheen kam-awmna pekung tah yotheen kam-awm peek la aka awm thlaang lak ah aka lenduet ni tite ngaithliwhna awm nawh.

Hebrew 8:1

Kaimi lawng awlpui la ka thui u tah vaan ah Huham tharakoek Pathen kah ngawlhcoen bantang ben ah aka ngawl Khawsoeih Bawi pakhat mami lawng n'khueh u ti he ni ka thui u.

1Peter 1:12

Tawngha thli lawng bii a bi u he tah amami kah hoeikhangna ham nawh tih nangmi kah hoeikhangna ham ni tite Pathen lawng a thui pe. Nangmi tengah awlthang aka thui laipai thli oen tawngha thli lawngah a thui oepsoeh a kawng alam te vaan kah avan tuih Ciim Muithla tharana huham oen ah avan phawng poen tih tahe ah nangmi lawng na yaak u poen. He kah thaihu kawng he vanthlaang thli lawng pateng khaw yaakming ham a ngaih u.

1Peter 1:20

Ahih te tah dilai suen thlan vengah Pathen lawng a tuek poen tih he kah atue khawhin aboetna tue vengah nangmi ham avan tueng sak.

1Peter 1:21

Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Peter 3:22

Ahih tah vaan la luui tih Pathen bantang ben ah te awm tih vanthlaang boeih oen vaan ah saithaina aana khuehkung boeih oen ah huham tharana boeih te a uk.

1Johan 1:2

He hingna he huh thai la ava coengg vengah kaimi lawng ka huh u, tedawngah Pa oen aka awm haih tih mami tengah avan tueng sak dungyan hingna kawng te nangmi tengah kavan thui u.

1Johan 3:5

Khrih tah thawlhna ciim sak hamla law tite na ming u, ahih dawngah thawlhna roe awm nawh.

1Johan 3:8

A-u khaw thawlhna aka sai poepa tah Seitan thlaang ni, metihtiah Seitan tah acuek veng kalawng thawlhna a sai roe poen. He kawng ah he Seitan kah sai boeih te phe ham ni Pathen Capa tah a law.

Olphong 17:5

A tal ah, “Dilai dawngkah thawlh tuiileh-kap oen thlaanghalhnu boeih kah a manu, Babilon Khawpui,” tila thuingaihna awlhuep miing te a thut.

Olphong 17:7

Vanthlaang lawngah, “N'tu ah na kawpoek a rai? Te hutaa oen hutaa lawng a cit luu pasarih oen ki paha aka awm satluung thuingaihna awlhuep te kavan thui ai.

Olphong 7:9

Tecoeng atah ka bueh vengah a-u lawngkhaw a toek lek nawh thlaangping te ka huh. Ahimi tah awlcawm awlcee aka thui nam tawm oen phun soeprep peng tawm ram tawm kah aka law boeih tih Ahimi lawng himbai bawk bai oen samtoe a pawm u tih bawingawlhcoen oen Tuuca haiah pai u.