1Timothy 2:6 - Matu Chin New Testament 2006

⁶ Te tah atue atang apha khuek vengah Pathen lawng thlaang boeih thlawn ham a ngaih te tueng sakna ni.

Matu Bible

⁶ Amah loh hlang boeih ham tlansum la paek tih laipainah te amah tue ah a tueng sak.

1Timothy 2:6 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Marku 1:15

“Atue atang tah avan pha khuek poen! Pathen ukna tah yoeii poen! Na thawlhna yut u langtah Awlthang Theen he tangna uh!” tila a thui.

Marku 10:45

Metihtiah Thlaanghing Capa lawng Pateng khaw a bii te thlaang bi sak ham law nawh; thlaang kah bii te bi ham tih thlaang yahawh hlang hamla a hingna te peek ham ni a law” a tina.

Johan 6:51

Kai tah vaan kalawng aka rum thuk hingna takawi ni. A-u khaw he takawi he aka ca tah yoeyahla hing poen ai. Kai lawng ka peek ham koei takawi tah ka thi ka sa he ni, dilai lawng a hingna ham ka peek ni.” a tina.

Rom 16:26

Tede, tahe ah te kah awl tah tawngha thli kah cathut rang oen avan pha sak poen; thlaang boeih lawng awltak te a oeng tih a vai thaina ham dungyan Pathen kah awlpeek rang oen thlaangphun boeih tengah a phawng poen.

Rom 5:6

Mami lawng n'tu khaw n'sai thai nawh vengah Pathen lawng atue atang a nuen tih mami thlaangthawlh hamla Khrih Jesuh tah duek.

1Korin 1:6

Khrih kawng awlthang te nangmi kaw khuiah acakla awm poen tih,

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Galati 4:4

Tede aboetna ah atue atang anuen te apha khuek vengah tah Pathen lawng a Capa te avan tuih. Thlaanghing hutaa kah capa angla te law tih Judah Phungawl huiah te khaw a sak,

Ephesa 1:17

mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Ephesa 1:7

Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Ephesa 3:5

Yan veng atah he awlhuep he thlaang thli te ming sak nawh, tede tahe tah Pathen lawng amah Muithla oen amah kah aciim celtuih thli oen tawngha thli tengah a tueng sak poen.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

2Thessalonika 1:10

a lawna khawhin ah ahimi tah Bawipa teng kalawng ah thek u boeih ai. Nangmi tah kaimi lawng ka phawng awlthang te na tangna u dawngah Bawipa te ruep-awmna oen hinyahna aka pe thlaang thli tim ah na thuum u ai.

1Timothy 6:15

Amah a lawkoepna tah bawi boeih kah Bawi, sengpahrang boeih kah Sengpahrang, aka theenduet tih pakhat bueng ukkung la aka awm Pathen lawngah atue atang a khoek tluep vengah avan pha sak ai.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

Titus 1:3

atue akhoek tluep vengah te dungyan hingna te amah lawng awlthang dawngah avan tueng sak. Kai he ng'uepna dawngah bii he m'peek tih mami thlawnkung Pathen kah awlpeek angla kai lawng ka phawng.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 9:12

Jesuh lawngah riim-im Huen Ciim Koek khuila vai khat ah dungyan ham akhoekkoengla a kuun vengah me-ee thi oen vaitaw thi te luciik la nawn ham khuen nawh; amah kah thisen te ni a khuen tih mami ham dungyan hingna te avan sai.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 4:10

Lungna ti he tah he tila ni: mami lawng Pathen n'lungna te nawh ni, tede amah lawng mami he n'lungna tih mami kah thawlhna khawdawp ngaaina ham a Capa avan tuih he ni.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.