1Timothy 2:1 - Matu Chin New Testament 2006

¹ Tedawngah lamhacuek la reenna oen awl kan uen tah, thlaang boeih ham thangthuina, reenbihna, awmngaih awl thuina te Pathen tengah sai uh.

Matu Bible

¹ Te dongah rhenbihnah, thangthuinah, rhikhangnah, uemonah te hlang boeih yueng, manghai rhoek neh dudapnah dongah aka om rhoek boeih yueng la boeih saii lamhma ham kam bih.

1Timothy 2:1 Iomraidhean Croise

Caeltueih 17:30

Pathen amah te thlaanghing lawng a ming nawh vengkah atue atang te n'tu la khaw poek asam nawh, tede tahe atah khaaw tawm ram tawm kah thlaang boeih kah the-arana boeih te mangthawng taak hamla awl a peek poen.

Rom 1:8

Dilai pum ah nangmi kah oengna kawng te a yaak boeih u poen dawngah Jesuh Khrih rang oen Pathen tengah lamhacuekla awmngaih ciil ka thui.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

1Korin 15:3

Kai lawng ka dang tih nangmi kan peek patoeng he tah awlpui tangkiik ni, te tah Caciim dawngah a thut angla Khrih tah mami kah thawlhna dawngah ni a duek;

2Korin 8:6

Tedawngah he bii he tongnankung Titas te he bii he bi poe hamla, lungna awlpui bii he a coeng toe ah nangmi te bawm ham ahih te ka ceel u.

Ephesa 3:13

Tedawngah nangmi ham patang ka khang dawngah na kaw boet sak u mai boel tila reenna kavan bih; he ang thli he nangmi kah theenna ham boeih ni.

Ephesa 5:20

Mami kah Bawipa Jesuh Khrih miing oen ah soeprep boeih dawngah Pa Pathen tengah awmngaih ciil thui yoeyah uh.

Ephesa 6:18

He ang boeih he thangthuina oen sai u lang Pathen kah bawmcemna te bih uh. Muithla kah mawtna angla me ang atue atang vengah khaw thangthui uh. Tedawngah ahuertuela awm uh, thathepakla awm u boel; Pathen thlaang boeih ham thangthui yoeyah uh.

Philipi 1:3

Nangmi kan poek vengah nangmi ham awmngaih awl ka thui poepa;

Philipi 4:6

Me ang thaihu kawngah khaw lakueng u boel, na thangthui veng roekk ah na ngoe boeih te Pathen tengah bih uh; amah tengah uemna thinkaw tang oen bih yoeyah uh.

1Thessalonika 3:12

Nangmi khat oen khat khawseh, thlaang boeih na lungna u te khawseh kaimi lawng nangmi kan lungna abo van angla Pathen lawng van roeng sak tare seh.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

1Timothy 2:4

Thlaang boeih he thlawn la awm sak ham oen ah awltak te ming sak hamla a ngaih.

1Timothy 5:5

Amah bueng aka awm tih ahih te cawmcah hamla aka khueh nawh huhai tumtee lawngtah a ngaiuepna te Pathen ah kang a khueh tih yiin daai thangthui tih bawmna a bih.

2Timothy 2:24

Bawipa kah tuihyoeihthlaang tah tawhsi u ham awm nawh. Ahih tah thlaang boeih aka reen, kawdaw thlaang, cangpueikung saya theen la awm ham ni,

Titus 2:11

Metihtiah, Pathen lawng thlaang boeih kah thlawnna hamla a lungvatna te avan tueng sak poen.

Titus 3:2

Ahimi lawng a-u kah athe-arana khaw thui nawh ham, tede adingsuekla roeproeicala awm tih thlaang boeih tengah kawdawna te tueng sak poepa ham thui peh.

Hebrew 6:11

Nangmi lawng na ngaiuep u te ataktang la acoenggna ham nangmi lawng bawmcem ngaihna thinkaw thluembuekna te aboettoe khueh poe uh tila ka ngaih.

James 5:16

Tedawngah nangmi lawng na thawlhna te pakhat oen khat tengah phawng u lang khat oen khat hamla te thangthui uh, te atah nangmi na hoeih u ai. Thlaangdoeng kah thangthuina tah huham tharana awm.