1Timothy 1:5 - Matu Chin New Testament 2006

⁵ He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

Matu Bible

⁵ Tedae oluen dongkah a cuinah loh thinko a caih lamkah lungnah, aka then mingcimnah neh hmantang kah tangnah te ni.

1Timothy 1:5 Iomraidhean Croise

Mathai 12:35

Thlaangdoeng lawngtah thaihu theen a kuem khuikah thaihu theen te a pho sak; Thlaangthe lawngtah thaihu the a kuem khuikah thaihu the te a pho sak van.

Mathai 5:8

“Thinkaw lungbui aka ciim tah yotheen kam-awmna aka lawng thlaang la awm; Ahimi lawng Pathen te a huh u ai!

Caeltueih 15:9

Ahih lawngah mami oen ahimi laklaw ah pekbona sai nawh; ahimi lawng a tangna u dawngah ahimi kah thawlhna te khawdawp a ngaai pe.

Caeltueih 23:1

Pawl lawng Khonsil ah aka thuum thlaang thli te a bueh rangpatang tih, “Ka puei, Israel thlaang thli! Kai tah tahe toe ah khaw ka sakna dawngah athe atheen mingna thinkaw he Pathen haiah ciim.” a tina.

Caeltueih 24:16

Tedawngah Pathen oen thlaanghing haiah athetheen mingna kawpoek ciim khueh hamla ka sai thai khui tah ka sai poepa.

Rom 10:4

Jesuh Khrih lawng Phungawl te aboet sak poen dawngah a-u khaw aka tangna thlaang boeih tah Pathen oen roeproeina a dang poen.

Rom 12:9

Nangmi kah lungna te thinkaw tak oen na lung u ham awm. Athe te thina uh, atheen te phoeih mangkhak uh.

Rom 14:15

Nang lawng caak awkk pakhat khat oen na maya manau te a kaw na hoe sak nawh atah, te tah lungna dawngkah aka thoeng saina tlaih nawh ni. Ahih hamla Khrih tah a duek dawngah nang kah caak awkk oen ahih te tlim sak boel.

Rom 9:1

Awltak tang ka thui; Khrih kah thlaang la ka awm tih hoem awl ka thui nawh. Ciim Muithla lawng a uk athe atheen ka mingna lawngkhaw hoem awl ka thui nawh te a ming.

1Korin 13:1

Kai lawngah thlaanghing kah awlcawm awlcee oen vanthlaang awl pateng ka cal thai cakhaw lungna ka khueh nawh atah ka awl-thui he curumngang la awl aka riing mong oen tlaklak awl angla ni a awm mai.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

1Timothy 1:18

Ka ca Timote, n'hu vengah tawngha lawng nang kah kawng a thui angla te na tengah awl kan peek. Te awl te atheenla raal kahna ham awva la hawna lang na oengna, athetheen mingna kawpoek ciim te cak sak.

1Timothy 1:19

Thlaang khatsut lawng athetheen mingna kawpoek te n'tu la sak u nawh tih amami kah a oengna te a phe u.

1Timothy 3:9

Ahimi tah athetheen pekbo thaina kawpoek ciim oen oengna awltak aka dung te acakla aka phoeih thlaang la a awm ham awm.

2Timothy 1:3

Patuer thli lawngah bii a bi pe angla kai lawngkhaw thinkaw ciim oen ka bi pe van Pathen tengah awmngaih awl ka thui. Yiin oen daai ka thangthuina dawngah nang te kan poek yoeyah tih awmngaih ciil ka thui.

2Timothy 1:5

Na nuhaam Loisi oen na nu Yunis lawng a khueh oengna tangtang te ang van te nang lawngkhaw na khueh van tila ka poek, tahe ah khaw na khueh tite ka tangna.

2Timothy 2:22

Roengthaai thawhthuem kah pumsa ngaihna te vai boel langtah thinkaw ciim oen Bawipa a khue tih bawmna aka bih thlaang thli oen ah thik at la doengna, oengna, lungna oen ngaimawngna dang hamla yawm lah.

Titus 1:15

Thlaangciim hamla tah soeprep boeih he ciim, tede tuiilehkap thlaang thli oen oeng nawh thlaang thli hamla tah a lungbui oen athe atheen mingna thinkaw tuiilehkap lawngah te n'tu khaw ciim sak nawh.

Hebrew 10:22

Tedawngah mami lawng tuiciil oen silh la aka awm “pum” mami pum oen ah, thawlhna kalawng aka ciim athetheen mingna kawpoek lungbui oen ah, thinkaw tak oen oengcakna oen ah Pathen tengla yoeii u lah sih.

Hebrew 13:18

Kaimi ham thangthui yoeyah uh. Asoeng thaihu te sai hamla ka ngaih yoeyah u dawngah athe atheen pekbona thinkaw ciim te ka khueh u tila ka ming.

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.

James 4:8

Pathen tengah yoeii u lah, ahih tah nangmi tengla law vetih va yoeii van ai. Nangmi thlaangthawlh hue na kut te sil u lah! nangmi thlaangdoeng la aka sa u thli, na lungbui thinkaw te ciim sak u lah!

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

1Peter 3:16

Tede awldoetna te kawdaw awlding oen hinyahna oen ah thung pe uh. Khrih kah hubang la na awm u dawngah nangmi kah khawboe ramlang theen te athela aka thui thli lawng amami kah awlthui han ah ayah toe la a awmna u ham thinkaw te ciim sak uh.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.

1Peter 4:8

Atloe boeih lak ah pakhat oen khat thinkaw tak oen lung uh, metihtiah lungna lawngtah thawlhna boeih te a khuk a dah dawngah ni.

2Peter 1:7

Pathen hinyahna dawngah te boenhui angla thintlawhna oen thap uh, boenhui angla thintlawhna dawngah lungna oen thap uh.

1Johan 3:10

Pathen kah ca-anau thli oen Seitan kah ca-anau thli a lawhna hih nawh noekna tah he tila ni: a-u khaw asoeng thaihu aka sai nawh boeih, thlaangtloe te aka lungna nawh boeih tah Pathen kah ca-anau thli nawh ni.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.