1Timothy 1:13 - Matu Chin New Testament 2006

¹³ N'cui vengah ahih te kai lawng athela ka thui, ka heem ka tek tih thekha la ka sai, kai lawng oengna ka khueh nawh dawngah n'tu ka sai ti khaw ka ming nawh, tede Pathen lawngtah kai he n'reen.

Matu Bible

¹³ Lamhma la aka soehsal tih aka hnaemtaekkung neh hnaephnapkung la ka om. Tedae hnalvalnah dongah mangvawt la ka saii oeh dongah n'rhen.

1Timothy 1:13 Iomraidhean Croise

Luka 12:47

A bawipa lawng sai sak ham a ngaih te a ming de aka sai nawh tih oepsoehla aka awm nawh tuihyoeihthlaang te tah dan a tat vetih a bawh doetthloet ai.

Luka 23:34

Jesuh lawng, “A Pa, Ahimi sawah khawdawp ngaai hawn! Ahimi lawng a sai he a ming u nawh dawngah ni.” a tina. Ahimi lawng talcung a yueh u tih ahih kah hi-acuu thli te a rek ara u.

Caeltueih 22:4

Kai lawngah he kah lawngpui aka vai thlaang thli te ka heem ka tek tih ka ngawn. Kai lawng hutaa khaw tawngpa khaw ka tuuk tih thong ah ka thlaak.

Caeltueih 3:17

Tedawngah maya manau thli, nangmi boeih oen namami kah mawtkung thli lawng Jesuh sawah na sai u te na ming u nawh dawngah na sai u tite ka ming u.

Caeltueih 8:3

Tede Sawl lawngtah khrihcabu te phe ham a yawm; im pakhat coeng pakhat ah cet tih oengca thli te hutaa khaw, tawngpa khaw akhup athalla a mawt tih ahimi te thongim ah a thlaak.

Caeltueih 9:1

Teveng yun ah te Sawl lawngah Bawipa kah a huvai thli te heem-atek tih ngawn hamla a teeng mangkhak. Ahih lawng Khawsoeih Bawi tengla cet tih,

Caeltueih 9:13

Ananias lawng, “Bawipa, thlaang yahawh lawngah he kah thlaang kawng khaw, Jerusalem kah na thlaang thli tengah rih-awm thaihu a sai boeih kawng te khaw avan thui u.

Caeltueih 9:5

Ahih lawngah, “Bawipa, nang te a-u?” tila a doet. Te kah awl lawngah, “Kai tah nang lawng nan heem nan tek Jesuh ni.

1Korin 15:9

Metihtiah celtuih boeih khuiah kai tah cawmthawk nawh koek la ka awm, kai lawng Pathen khrihcabu te ka heem ka tek dawngah celtuih ti ham pateng ka koeih nawh.

1Korin 7:25

Tahe ah thlaanghoeng la aka awm thli kawng ca thut oen nan doet u te kavan thui ai. Bawipa tengkah awlpeek tah ka khueh nawh, tede Bawipa kah reenna rang oen uep-awm thlaang pakhat la ka awm van angla ka poekna he kan peek u.

Galati 1:13

Kai lawng Judah bokna dawngah ka tlungmu veng kah ka hingna te nangmi lawng na ming u poen, kai lawng reenna khueh muehla Pathen kah khrihcabu te ka heem ka tek tih amilh amoeng hamla ka sai.

Philipi 3:6

Kai tah ka tha thlue akcak tih khrihcabu te ka heem ka tek. Phungawl dawngkah awlpeek thli te vaina rang oen thlaangdoeng la awmna ben ah kai tah thawlhna roe awm nawh.

1Timothy 1:16

tede Pathen lawng kai he n'reen tih thlaangthawlh boeih lak ah kai aka the khuet sawah kawdawna a khueh he tah hailam ben ah amah aka oeng tih dungyan hingna aka dang ham koei thlaang boeih kah miknoekna ham ni.

Hebrew 4:16

Tedawngah, lungvatna a awmna huen Pathen kah bawingawlh coen tengla cawh u sih. Te huen atah n'ngoe vengah mami bawm ham lungna oen lungvatna te n'dang ai.

1Peter 2:10

N'hu veng atah nangmi he Pathen kah thlaang la na awm u nawh de tahe atah nangmi he amah kah thlaang la na awm u poen; anoekbuet atah Pathen kah reenna te na ming u nawh de tahe atah a reenna te na dang u poen.