1Timothy 1:12 - Matu Chin New Testament 2006

¹² Bii ka bina dawngah tharana pekung Khrih Jesuh mami kah Bawipa tengah awmngaih ciil ka thui. Kai he amah kah bii bi hamla tueng aleng tila a poek tih bii m'peek dawngah ka uem tangkiik.

Matu Bible

¹² Kai aka thaphoh mamih kah Khrih Jesuh Boeipa taengah uemonah ka khueh. Kai he uepom la m'poek dongah bibi la ng'khueh.

1Timothy 1:12 Iomraidhean Croise

Mathai 20:4

Tevengah ahimi te, “Nangmi khaw misur dum la cet u langtah bii bi uh, na thapang te ating atawkk la kan pe ai,” a tina.

Johan 5:23

Ahimi lawng ana Pa te a hinyahna van angla thlaang boeih lawng a Capa te a hinyahna van ham ni. A-u khaw Capa te a hinyah nawh atah ahih tuihkung ana Pa te hinyah nawh.

Caeltueih 16:15

Amah oen a imkhuikaw thlaang boeih lawng baptisma a huh u coeng atah, “Kai he Bawipa ah oengca taktak la nan poek u atah law u lang ka im ah pah uh.” tila n'ceel u. Tecoeng atah a im la ceh ham kaimi te n'tongnolh u.

Caeltueih 9:15

Bawipa lawng ahih nala te, “Cet mai hawn, metihtiah kamah kah bii aka bi hamla, Gental thlaang thli, sengpahrang thli oen Israel thlaang thli tengah ka miing aka tueng sak ham ahih te ka tuek poen.

Caeltueih 9:22

Tede Pawl kah awl thui tah huham tharana awm tare tih Jesuh tah Messiah ni tila a thui rapcaat tih Damaskas ah aka awm Judah thlaang thli lawng a awl te thung pe u thai nawh.

1Korin 15:10

Tede Pathen lungvatna rang oen tahe kah ka awm angla he ka awm tih lungvatna m'peek te khaw apoei-oepla ka khueh van nawh. Atloe celtuih hue lak ah kai tah apuehla bii ka bi ngaai, tede kai lawng ka bi ti ham awm nawh tih ka tengkah Pathen lungvatna lawng ni a bi.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

1Korin 7:25

Tahe ah thlaanghoeng la aka awm thli kawng ca thut oen nan doet u te kavan thui ai. Bawipa tengkah awlpeek tah ka khueh nawh, tede Bawipa kah reenna rang oen uep-awm thlaang pakhat la ka awm van angla ka poekna he kan peek u.

2Korin 4:1

Pathen lawng reenna oen he kah bii he bi hamla kaimi m'peek dawngah kaimi tah ka kaw boet nawh.

Galati 3:26

Khrih Jesuh ah pumkhatla awmna dawngah nangmi boeih lawng Pathen kah ca-anau la na awm u he tah oengna rang oen ni.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Philipi 2:11

Pa Pathen ruep-awmna ham Jesuh Khrih tah Bawipa ni tila boeih a phawng u ai.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Kolosa 1:25

Tedawngah, Pathen lawng Khrihcabu kah tuihyoeihthlaang la kai he n'khueh poen tih bii m'peek he tah nangmi theenna ham ni. Te bii tah amah kah awlthang asoepla phawng ham te ni;

1Timothy 1:1

Mami kah Thlawnkung Pathen oen mami kah ngaiuepna Khrih Jesuh rang oen ah Khrih Jesuh kah celtuih la aka awm Kai Pawl lawngah:

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.

1Timothy 1:2

Oengna ah ka capa tangtang la aka awm Timote nang hamla ca kavan pat. Pa Pathen oen Bawipa Jesuh Khrih lawngah lungvatna, reenna oen ngaimawngna te m'pe hawn seh.

1Timothy 6:13

Thaihu boeih hingna pekung Pathen haiah khaw, Pontias Pilat haiah a oengna acakcala aka phawng Jesuh haiah nang he awl kan uen.

2Timothy 2:2

Mingpueikung Sausi boehoeng kah haiah ka thui cangpueina te na yaak poen. Thlaangtloe te patoeng aka cang puei thai van ueppangkoei thlaang tengah te thui peh.

2Timothy 4:17

Tede kai lawngah awlthang asoepla ka phawng thaina ham oen ah Gental thlaang boeih lawng a yaakna ham Bawipa lawng n'awm puei tih tharana m'peek, tedawngah duekna dawng kalawng ka loeih.

Titus 1:4

Mami cuutna u oengna dawngah ka ca taktakla aka awm Titas, nang tengah ca kavan pat. Pa Pathen oen mami thlawnkung Jesuh Khrih lawngah lungvatna, ngaimawngna te m'pe hawn seh.

Philemon 1:9

Tede, kan lungna dawngah reenna kavan bih. Jesuh Khrih kah laipai, tahe Jesuh Khrih kawng ah thongtla kai Pawl lawng reenna kavan bih.