1Timothy 1:10 - Matu Chin New Testament 2006

¹⁰ Khawboe the thlaang thli ham, hutaa tawngpa thawlhna aka sai thlaang thli ham, tlangsum caak ngaih ah thlaang aka tu thli ham, hoem thui thli oen asoeng nawh sausi la aka pai thli ham, asoeng oengnakungpui te aka kalh thlaang thli ham ni a sai pe.

Matu Bible

¹⁰ Hlanghalh rhoek, uicuk rhoek, hlang aka yoi, laithae, aka basa neh aka soep thuituennah te a tloe la aka kingkalh boeih ham ni a om.

1Timothy 1:10 Iomraidhean Croise

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Rom 1:26

Tedawngah Pathen lawng thlaang-hing he yarau pawh koeila aka awm pumsa cuk-halhna dawngah a thlah phaam sut. Hutaa hue lawng pateng khaw asoeng akam awmna ham koei hutaa phung te asoeng nawh la a hawna u tih khat oen khat thawlhna a sai u.

1Timothy 4:6

He kah thuituenna thli he maya manau thli tengah na thui pe atah nang tah Khrih Jesuh kah atheen tuihyoeihthlaang la na awm ai; namah oen namah muithla ben na cawm na cah u van angla te oengna awl oen aka soeng cangpueina namah lawng na vai te hawna lah.

1Timothy 6:3

He thaihu thli he nang lawng cang puei langtah thui peh. A-u khaw mami Bawipa Jesuh Khrih kah aka soeng awl oen mami kah bokna phung cangpueina oen ah aka vai u nawh oengnakungpui alakloe te aka cang puei tah,

2Timothy 1:13

Kai lawng kan cang puei aka soeng awl te acakla phoeih lang nang lawng na vai ham oen oett ham koeila te khueh, Khrih Jesuh oen pumkhatla awmna dawngah mami kah thaihu la aka awm oengna oen lungna dawngah te acakla awm.

2Timothy 4:3

Thlaang rangpui lawngah asoeng oengnakungpui cangpueina te hutung ngaih nawh la a awmna atue atang te apha ai, tede amami kah ngaihna te a vai vetih amami kah yaak ngaih bueng te aka thui hamla cangpueikung yahawh hlang te amami ham a cawi ai.

Titus 1:13

tila a thui he soeng tangtang. Tedawngah, he kawng ah he ahimi te atlawh ngaaila toelthaam lah, tetih atah ahimi lawng sa aka ding oengna te a khueh u vetih,

Titus 1:9

Oengnakungpui oen avai u la ueppang koei, awlthang te acakla aka phoeih thlaang seh. Teah ni ahih lawng aka soeng cangpueina oen tha a peek thai vetih asoeng cangpueina aka oelhtaih thli kah thawlhpalhna khaw a tueng sak thai ai.

Hebrew 13:4

Yu lawh vaa sakna he thlaang boeih lawng hinyah ham awm. Yuvaa lawngah khat oen khat uep-awm la awm ham awm. Pathen lawngah hutaa tawngpa thawlhna aka sai oen samphaih thlaang boeih te awl a cek ai.

Jude 1:7

Sodom oen Gomorrah oen ah a tengvaai kah khawpui thli, te kah aka awm thlaang thli lawngkhaw vanthlaang thli angla thawlh u tih hutaa tawngpa thawlhna, asoeng nawh hutaa puei oen, tawngpa puei oen ah a thawlh u te poek uh: Ahimi kah dungyan hai dantat patang khang te thlaang boeih ham ngaithuenna la awm.

Olphong 18:13

Thingsa thing, brue, huihthlutna riimtuui, mura oen farankinsen; misuryuu oen olifsitui, sangvutvaai, vaitaw, panaa oen tuu, marang oen ranglengg thli, saltamnaa oen thlaanghing khaw lai u thai nawh.

Olphong 21:27

Tede, te khawpui khuiah aka ciim nawh tah khatca khaw kuun thai manawh, yarau thaihu aka sai thli oen hoem awl aka thui boeih khaw kuun thai manawh. Tuuca kah hingna cabu khuiah miing aka thuum thli bueng khawpui khuiah kuun thai ai.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.