1Peter 5:9 - Matu Chin New Testament 2006

⁹ Nangmi lawng na oengna dawngah te acakla awm u lang Seitan te balkhawng uh. Metihtiah na ming u angla dilai pum ah aka awm oengca pueipaw thli khaw he ang khawdeng patang he a khang u van.

Matu Bible

⁹ Anih te tangnah neh khak tungkha uh. Diklai ah na manuca loh patangnah a poeng te amah la ming uh.

1Peter 5:9 Iomraidhean Croise

Luka 22:32

Tede Simon, na oengna te a tlaakna nawh ham ah nang ham ka thangthui. Tecoengah ka tengla koep na maang phai vengah na maya manau thli te tha van ra sak.” a tina.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

1Korin 10:13

Nangmi sawah aka law noekna te thlaang boeih tengah aka thoeng noekdakna van mai ni. Tede Pathen tah awlkam cak tih nangmi lawng na taa thai nawh toe atah noekna te van thoeng sak aih manawh; nangmi tengah noekdakna avan pha vengah ueh thaina ham tharana te m'peek vetih loeihna hamla lawngpui avan roek ai.

Ephesa 4:27

Seitan te atue theen pe u boel.

Ephesa 6:16

Oengna te phring angla pawm yoeyah uh; metihtiah te phawlip oen Seitan kah kahna haialh pla boeih te na thih u thai ai.

Kolosa 2:5

Kai he ka pum tah nangmi oen athlahlangla ka awm de Muithla atah nangmi oen haih ka awm tih nangmi lawng Khrih na oengna dawngah thinkaw melh tih thin at kaw at oen thik at la na pai u te ka huh vengah ka awmngaih.

1Thessalonika 3:3

He ang heemtekna patang na khang u dawngah nangmi a-u khatca khaw hu benla mel koep nawh ham, nangmi te tha thlue sak ham oen ah nangmi kah oengna te cak sak hamla ahih te kavan tuih u. Mami lawng heemtekna patang n'khang he Pathen kah kawngaihna avaang athal van ni tite namami lawng na ming u.

1Timothy 6:12

Oengna loeh-lang taana poei ah na tha khueh boeih oen heng lang dungyan hingna te namah ham lo lah; Pathen lawng nang n'khue tih mingpueikung sausi thlaang yahawh haiah na oengna te acakcala na phawng te tah dungyan hingna te huh sak ham ni.

2Timothy 3:12

A-u khaw Khrih Jesuh oen pumkhatla awmna rang oen Pathen kawngaih la hing ham aka ngaih tah heemtekna patang te a khang ai;

2Timothy 4:7

Loehlangna poei ah khaw ka tha khueh boeih oen ka yawm poen, athla hlang aboet kheng toela ka heeng poen; oengna te ka phoeih rapsaat poen.

Hebrew 11:33

Oengna oen ah ram tawm te a teek u tih a taa u. Ahimi lawng asoeng thaihu te a sai u tih Pathen kah awlkam te a dang u. Sathueng thli kah a kaa te a khuem rap u tih,

Hebrew 12:8

A ca-anau boeih te dan a peek tih nangmi te dan m'peek nawh atah nangmi tah a ca tangtang nawh tih halhca ni tila thuingaihna awm.

James 4:7

Tedawngah Pathen kawngaih te vai u lah. Raaibawi te hek u lah, tetih atah nangmi teng kalawng atloela heeng badai.

1Peter 1:6

Nangmi lawng khawdeng patang phun soeprep te na khang u dawngah tahe veng kawlkalhca tah na kaw the u de, thlawnna kawngah he awmngaih u lah.

1Peter 2:21

He tila awm ham ah Pathen lawng nangmi te n'khue u, metihtiah Khrih amah roe lawngah nangmi ham patang a khang tih amah khowleh thuih ham te nangmi kah oett koeila avan ceh taak.

1Peter 3:14

Tede nangmi lawngah doengna na sai u lal maiah patang na khang u atah nangmi tah yotheenna aka dawng thlaang ni! A-u khaw rih u boel, lakueng khaw lakueng u boel.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.

Olphong 6:11

Ahimi te baidung bawk pakhat rip a peek tih, ahimi angla ngawn ham aka awm biibipuei thli oen maya manau thli asoep thlantoe kawlkalh ah duem hamla a thui pe u.

Olphong 7:14

Kai lawng, “Ka ming nawh, Bawipa, Nang lawng ni na ming,” ka tina. Ahih lawngah, “He kah thlaang hue he tah mueirihtamyiin heemtekna kalawng aka loeih thli ni, Ahimi lawng Tuuca thisen oen a himbai te a suk u tih aciim sak u poen.