1Peter 5:3 - Matu Chin New Testament 2006

³ Nangmi kut dawngah avan khueh tuu thli te uk khangrang aih boel langtah tuuping kah oett koei la te awm ham yawm uh.

Matu Bible

³ Na hmulung dongkah rhoek vueinan boeh. Tedae tuping kah mueimae la om uh.

1Peter 5:3 Iomraidhean Croise

Johan 13:15

Kai lawng ka sai van angla nangmi lawngkhaw na sai u van ham, na oett ham koei te kavan sai poen.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

1Korin 11:11

Tecakhaw Bawipa ah mami hingna dawngah hutaa he amah poek ah tawngpa ohla awm thai nawh tih tawngpa khaw amah poek ah hutaa mueh la tah awm thai nawh.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

1Korin 3:9

Metihtiah kaimi he tah Pathen ham bii aka bi haih la ka awm u tih nangmi te tah Pathen kah lo la ni na awm u. Nangmi tah Pathen kah impui la khaw na awm u.

2Korin 1:24

Nangmi lawng me ang na tangna ham koei tite nangmi tengah thui ham ka yawm u nawh; nangmi tah oengna dawngah acakla na pai u tite kaimi lawng ka ming. Tedawngah namami kah awmngaihna ham ni nangmi oen bii m'bi haih u.

2Korin 4:5

Kaimi lawng kamami kawng he ka thui u nawh; kaimi lawng Jesuh Khrih tah Bawipa ni tila ka thui u tih Khrih hamla kaimi he nangmi kah tuihyoeihthlaang la ka awm u.

Philipi 3:17

Maya manau thli, ka hingna he nangmi lawng oett u lah. Kai lawng nangmi ham kavan khueh oett koei theenna aka vai thlaang thli te dan u lah.

Philipi 4:9

Kai tengkah na cang u tih na dang u te ka awlthui dawngkah khawseh, ka saina dawngkah khaw pahih bokla sai u van. teahtah mami ngaimawngna pekung Pathen te nangmi oen haih awm ai.

1Thessalonika 1:7

Tedawngah nangmi tah Macidonia oen Akhaia khaw kah aka oeng thlaang boeih ham oett koeila na awm u poen.

2Thessalonika 3:9

Kaimi lawng te tila ka bi u te nangmi tengah bawmna bih thaina te ka khueh u nawh dawngah moenih ta; kaimi lawng te tila ka bi u te tah nangmi lawng oett ham oen vai hamla ni.

1Timothy 4:12

Roengthaai kum no la na awm dawngah nang te a-u lawngkhaw dapsit la n'hu boel seh; tede na awlthui thingkaa khaw, na khawboe ramlang khaw, lungna, oengna oen ciimcaihna khaw aka oeng thlaang thli ham oett koei la awm seh.

Titus 2:7

Soeprep boeih ah namah roeroe he khawboe ramlang theen ben ah oett koeila awm. Hinyah koei la awm lang na cangpueina dawngah ataktangla awm.

1Peter 2:9

Tede nangmi tah a tuek thlaangphun, seng-pahrang kah khawsoeih, thlaangphun ciim, Pathen kah thlaangphun la na awm u. Yiinna khui kalawng amah kah aangna khuila nangmi khuekung Pathen lawng kawpoekrai a sai te thui sak ham nangmi te n'tuek u.