1Peter 5:10 - Matu Chin New Testament 2006

¹⁰ Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

Matu Bible

¹⁰ Lungvatnah cungkuem kah Pathen neh Khrih Jesuh kah dungyan a thangpomnah dongla nangmih aka khue amah loh kolkalh kah patang lamloh nangmih te m'moeh vetih, n'duel vetih, n'thaphoh vetih, n'thoh bitni.

1Peter 5:10 Iomraidhean Croise

Luka 22:32

Tede Simon, na oengna te a tlaakna nawh ham ah nang ham ka thangthui. Tecoengah ka tengla koep na maang phai vengah na maya manau thli te tha van ra sak.” a tina.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 15:5

Khrih Jesuh kah lawngpui huh sakna te na vaina rang oen thinkaw khat la khueh thai ham ueh-thaina oen thincakna kungmah Pathen lawngah nangmi te n'bawmcem hawn seh.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Rom 9:11

Tede capa pakhat a tuek te tah amah kah mengtengna te asoepna ham ni; tedawngah Pathen lawng Rebekka te, “Ahaamca lawng anoca kah bii a bi pe ai,” a tina. He awl he tah ahih rawi boeinau te a cuun thlan vengah a thui ni, ahih rawi lawng athe atheen n'tu khat khaw a sai hih thlan ah ni a thui; tedawngah Pathen kah tuekna he tah amah kah khuena dawngah akung asut tih ahih rawi boeinau kah saina dawngah nawh ni.

Rom 9:24

Mami tah a thlaangkhue la ng'awm u, Judah thlaangphun timkah bueng nawh tih Gental thlaangphun timkah khaw a khue.

1Korin 1:10

Maya manau thli, mami Bawipa Jesuh Khrih kah saithaina aana oen nangmi boeih tengah reenna kavan bih u, nangmi tim ah pekbona a awmna nawh ham awlthui kaalai dawngah na kaw vai u sak. Poekna pakhat, mengtengna pakhat oen ah awm uh.

1Korin 1:9

A Capa Jesuh Khrih mami Bawipa oen pawlneeng haih hamla khuekung Pathen tah uep-awm ni.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Kolosa 2:7

Amah khuiah na yung te adungla thlaak langtah amah dawngah na hingna te im angla sa u lang nangmi te n'cang puei u poen angla na oengna te cak sak u lah. Tecoengah awmngaih ciil thuina oen betoet uh.

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

2Thessalonika 2:17

atheen te na sai u tih awltheen te thui poepa ham thincakna oen ah tharana te m'pe hawn seh.

2Thessalonika 3:3

Tede Bawipa tah uep-awm thlaang la a awm dawngah nangmi te tha avan ra sak vetih Thlaang The Pui kah kut khui kalawng n'phungtu ai.

1Timothy 6:12

Oengna loeh-lang taana poei ah na tha khueh boeih oen heng lang dungyan hingna te namah ham lo lah; Pathen lawng nang n'khue tih mingpueikung sausi thlaang yahawh haiah na oengna te acakcala na phawng te tah dungyan hingna te huh sak ham ni.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

2Timothy 2:10

Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.

Hebrew 9:15

Tedawngah Pathen kah a thlaangkhue thli lawngah dungyan yotheen kam-awmna Pathen lawng awl akam sut te a dangna ham Khrih lawngah paipi athaai te a sai. Te tila a dang he tah, ahimi lawng lamhacuek paipi khuiah a awm u vengkah a sai thawlhna boeih kalawng thlaangping te a duekna oen a loeih sak dawngah ni.

1Peter 1:15

Nangmi khuekung Pathen te aciim van angla nangmi khaw na saina boeih dawngah aciimla awm uh.

1Peter 4:10

Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

1Johan 2:25

He tah Khrih amah roe lawng mami peek ham awl a kam dungyan hingna he ni.

Jude 1:24

Nangmi na tlim nawh hamla aka doen thai, nangmi thawlhna a ciing sak tih awmngaihna oen amah Bawilen ruep-awmna haiah kuun thaina pekung;