1Peter 4:14 - Matu Chin New Testament 2006

¹⁴ Khrih hubang la na awm u dawngah nangmi te n'thui theet u atah na kaw hoe sak u lah; he tah Pathen Muithla ruep-awmna oen aka be muithla te nangmi sawah awm ti ngaihna ni.

Matu Bible

¹⁴ Khrih ming neh n'thuithet atah na yoethen uh. Thangpomnah neh Pathen kah Mueihla tah nangmih soah duem coeng.

1Peter 4:14 Iomraidhean Croise

Mathai 5:11

“Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u.

Mathai 5:16

Tetihvan la nangmi kah aangna te thlaang haiah aang sak ham awm, te tila thaihu theen na sai u te ahimi lawng a huh u vetih vaan ah aka awm nangmi na Pa te a thangpawm u thai ai.

Luka 6:22

Thlaanghing Capa kawngah nangmi te thlaang lawngah n'thina u tih n'hoett sut u, n'sal aphaam tih athela n'thui u atah nangmi tah yotheen kam-awmna na dawng u!

Johan 15:21

Tede nangmi he kai kah thlaang la na awm u dawngah ahimi lawng te ang thli boeih te nangmi sawah avan sai ai; metihtiah ahimi lawng kai aka tuihkung te ming u nawh.

Johan 8:48

Ahimi lawngah Jesuh nala te, “Nang tah Samari thlaang la na awm, tecoengah na kaw khuiah raaithe awm” kan tina u he soeng nawh aw?” a tina u.

Johan 9:28

Ahimi lawng te thlaang te a tap avoep u coengah, “Nang he ahih kah hubang ni he; tede kaimi tah Mosi kah hubang ni.

Johan 9:34

Ahimi lawng, “Nang thawlhna dawngah aka thang tih aka roeng hang, nang lawngah aw kaimi he cangpuei ham na yawm van.” a tina u. Tecoeng atah ahih te sinakok bok-im kalawng a hek u poen.

Caeltueih 13:45

Judah thlaang thli lawngah thlaangping te a huh u vengah ahimi lawng uett-eena thinkaw a khueh u; Pawl lawng a thui te khaw a oelh ataih u tih amah te khaw aphawh akhah u.

Caeltueih 18:6

Pawl te ahimi lawng a oel khaklal u tih ahih kawng te athela a thui u vengah a himbai dawngkah laidiik te a khoek thil tih, “Nangmi lawng na ha-ata u atah namami kah thebuh la awm seh! Ka sawah thoeng boel seh. Tahe kalawng tah Gental thlaang thli tengla ka cet poen ai.” a tina.

Caeltueih 28:22

Tede peng tawm ah he bu he athela a thui u dawngah namah kah poekna te kaimi lawng yaak ham ka ngaih u.” a tina.

Caeltueih 5:41

Celtuih hue tah awlcekna Khonsil kalawng a ceh u vengah awmngaih u tangkiik, metihtiah ahimi te Jesuh kawngah yarau ming ham tueng roe la Pathen lawng a poek dawngah ni.

2Korin 12:10

Khrih rang oen atah ka tha a yokna dawngah, thekhana dawngah, raina dawngah, heemtekna oen patang khangna dawngah ka awmngaih poen. Metihtiah ka tha a awm nawh vengah ni ka tha a ra.

2Korin 4:10

Mami kah pum dawngah amah kah hingna te a tueng thaina ham Jesuh kah duekna te mami kah aka duek thai pum dawngah n'khuen poepa.

2Korin 4:16

He tila a awm dawngah metuek vengah khaw kaimi tah ka kaw boet nawh. Mami kah pumtaksa he voehvoeh ah tlum ahonn ngoen cakhaw, mami kah muithla hingna tah hin at coeng hin at athaaila coengg tare hang.

Galati 1:24

Tedawngah ahimi lawng kai kawngah te Pathen a thangpawm u.

Hebrew 11:26

Messiah ham khawdeng patang khang he tah Iyipt ram kah kaawn-ava, khawh-rang boeih lak ah aphu awm ngaai tila a poek. Metihtiah ahih lawngah hailam ben kah kutdo te a mikloeh na.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

James 5:11

Ahimi lawngah patang a khang u thai dawngah yotheenna aka dang thlaang ni ka ti u. Jobah kah kawdaw thinsanna te na yaak u poen tih aboet ben ah Pathen lawng ahih a peek te khaw na ming u. Metihtiah Bawipa tah reenna oen thlaang kah hailam ben poekna oen ah betoet.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 3:14

Tede nangmi lawngah doengna na sai u lal maiah patang na khang u atah nangmi tah yotheenna aka dawng thlaang ni! A-u khaw rih u boel, lakueng khaw lakueng u boel.

1Peter 3:16

Tede awldoetna te kawdaw awlding oen hinyahna oen ah thung pe uh. Khrih kah hubang la na awm u dawngah nangmi kah khawboe ramlang theen te athela aka thui thli lawng amami kah awlthui han ah ayah toe la a awmna u ham thinkaw te ciim sak uh.

1Peter 4:16

Tede khrihca la na awm u dawngah patang na khang u oh atah yak u roe boel, nangmi lawng Khrih miing te na lengkoena u dawngah Pathen te koeh u lah.

2Peter 2:2

Te tila a awm u lal maiah pateng ahimi kah athe khawboe ramlang te thlaang yahawh lawng a oett u vetih ahimi lawng athe a sai u dawngah awltak lawngpui te thlaangtloe lawng athela a thui ai.