1Peter 4:11 - Matu Chin New Testament 2006

¹¹ Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.

Matu Bible

¹¹ Khat khat long khaw a thui atah Pathen kah olrhuh bangla thui saeh. Khat khat long ni a thohtat atah Pathen loh thadueng a koei pah bangla thotat saeh. Te daengah ni a cungkuem dongah Jesuh Khrih lamloh Pathen te a thangpom eh. Thangpomnah neh thaomnah tah kumhal kah kumhal due amah taengah om. Amen.

1Peter 4:11 Iomraidhean Croise

Mathai 6:13

Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Johan 13:31

Judah te a ceh coengah Jesuh lawng, “Tahe ah Thlaang Capa kah ruep-awmna tah tueng poen; ahih rang oen Pathen kah ruep-awmna tah tueng poen.

Caeltueih 7:38

Ahih tah ramhum huhang ah Israel thlaang thli te aka tunsakkung, mami kah patuer hue oen khaw, Sinai Tlaang ah awl aka thui pe vanthlaang oen khaw awm haih tih Pathen kah hingna awl te mami tengah van phasakkung la awm.

Rom 11:36

Thaihu boeih he amah lawng a sai, thaihu boeih amah rang oen awm tih amah ham ni. Pathen tengah ayoeyahla ruep-awmna awm hawn seh! Amen.

Rom 12:3

Pathen kah lungvatna kutdo ka dangna rang oen he awl he nangmi boeih tengah ka thui: Namah oen namah te atuueng aleng lak ah asang la poek u aih boel. Te lak atah Pathen lawng oengna m'peek taring ah namah oen namah te nainawng u lah.

Rom 16:27

Pakhat bueng la aka awm tih cuihna boeih oen aka soep Pathen tah Jesuh Khrih rang oen dungyan toe ruep-awmna awm hawn seh! Amen.

Rom 3:2

Asoep arepla hoeikhangna awm. Lamhacuek ah Pathen lawng awlthang theen Judah thlaang thli a kuem sak.

1Korin 10:31

Theen ngoen ta, na sai boeih te khaw, na caak na awkk te khaw seh apum boeih la Pathen ruep-awmna ham sai uh.

1Korin 12:4

Muithla benkah kutdo he aphun atloetloela awm, tede te kutdo te Muithla pakhat lawng ni a peek.

1Korin 3:10

Pathen kah peek kutdo te ka hawna tih im sak aka thoem tangkiik angla bii ka bi tih lungdang ka suem, te sawah te thlaangtloe lawng im a sak. Tede metila ka sak u tite a-u khaw ngaithuen rip u seh.

1Korin 6:20

nangmi te aphu oen ni n'lai u. Tedawngah na pum te Pathen kah ruep-awmna ham hawna uh.

2Korin 2:17

Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

2Korin 9:13

Nangmi lawng he bii he na bina rang oen ah Khrih kah awlthang theen te acakla na phoeih u tih na pai u thai dawngah khawseh, nangmi lawng thlaangtloe thli oen ahimi te moeihoeihna oen na peek u dawngah khawseh, thlaang yahawh lawngah Pathen te a koeh u poen ai.

Ephesa 1:19

aka oeng mami khuiah bii aka bi a tharana te metihtlukla a bo tite na mingna thai hamla nangmi kah thinkaw te avan awng tih amah kah aangna te na dangna hamla ka bih. Mami kah akhui ben ah bii aka bi tharana he tah,

Ephesa 4:29

Awl na thui u vengah awlthe te thui u boel; thlaang hamla hoeikhangna aka awm tih angoena ah theenna aka thoeng sak, nangmi kah awlthui aka ya hue lawng theenna te a saina ham awltheen te thui uh.

Ephesa 5:20

Mami kah Bawipa Jesuh Khrih miing oen ah soeprep boeih dawngah Pa Pathen tengah awmngaih ciil thui yoeyah uh.

Ephesa 6:10

Aboetna ah amah kah tha-awm tharana rang oen ah Bawipa oen pumkhatla awmna dawngah na tharana te cak sak uh.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Philipi 2:11

Pa Pathen ruep-awmna ham Jesuh Khrih tah Bawipa ni tila boeih a phawng u ai.

Kolosa 4:6

Nangmi kah awlthui boeih te yaak ngaih koei oen thinkaw thluembuek koeila awm selang thlaang boeih kah awl doetna te metila ka thung pe ai tite na ming u ham awm.

1Thessalonika 2:4

Pathen lawng kaimi he n'noemcai tih ueppang koei, tueng-aleng a ti dawngah Awlthang Theen thui ham bii m'peek u tih amah lawng thui sak ham a ngaih angla te ka thui u. Kaimi lawng thlaang kah kawtawngna te ka yawm u nawh tih kaimi kah poekna noekdakkung Pathen kaw te tawng ham ni ka yawm u.

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

1Timothy 6:16

Ahih bueng he ni aka duek thai nawh; a-u lawngkhaw a tengah yoeii mare thai nawh aangna khuiah te awm. Ahih te a-u lawngkhaw hu vai nawh; a-u lawngkhaw hu thai manawh. Amah tengah hinyahna oen dungyan ukna aana tah awm hawn seh! Amen.

Titus 2:1

Tede nang lawngtah asoeng oengna-kungpui oen avai u la cang puei.

Titus 2:15

He awlkaa thli he cang puei langtah na awlthui hutung thli te tha na peek tih na toelthaam vengah saithaina aana na khueh boeih te haw nah. Nang te a-u lawngkhaw dapsit la n'hu roe boel seh.

Hebrew 13:7

Nangmi tengah Pathen awl aka thui lamhacuek mawtkung thli te hilh u boel. Ahimi kah hingna oen a duekna te poek u langtah ahimi kah oengna te oett u lah.

Hebrew 5:12

Nangmi he tahe vengah cangpueikung saya la pateng na awm u ham khoek thlai poen de, Pathen kah awl te akungcuek kalawng nangmi cang puei ham thlaangtloe te tahe toe na ngoe u hun. Nangmi lawngah buh tangtang te na caak u thai ham awm poen de tahe toe ah suuktui na awkk u khaak hun.

James 1:19

Ka lungna maya manau thli, he he hilh u boel! Thlaang boeih lawngah awl hutung ham a tat loe sak seh, tede awl thui ham tah a tat hiing sak selang thinsana ben atah a tat yaai u seh.

James 1:26

Bokna ben ah ka tlungmu tangkiik mai tila aka poek thlaang awm aw? Ahih lawng a laai te a khoem thai nawh atah ahih kah bokna te aphu awm nawh tih amah oen amah te ni athai-alat u khoeng mai.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 2:5

Nangmi khaw aka hing lunghiim angla law u langtah, namami roe te muithla ben kah tempal bok-im sakna la sai u lah. Te huen ah te aciim khawsoeih angla bii na bi u vetih Pathen lawng a do ham koei muithla ben kah luciik te Jesuh Khrih rang oen Pathen tengah na nawn u ai.

1Peter 4:10

Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.

1Peter 4:16

Tede khrihca la na awm u dawngah patang na khang u oh atah yak u roe boel, nangmi lawng Khrih miing te na lengkoena u dawngah Pathen te koeh u lah.

1Peter 5:11

Amah tengah huham tharana tah yoeyahla awm hawn seh! Amen.

Jude 1:25

Mami kah Bawipa Jesuh Khrih rang oen pakhat bueng la aka awm Pathen, mami thlawnkung sawah acuekca kalawng khawseh, tahe ah khawseh ruep-awmna, tharana oen saithaina aana tah dungyan toela awm hawn seh. Amen.