1Peter 4:10 - Matu Chin New Testament 2006

¹⁰ Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.

Matu Bible

¹⁰ Kutdoe rhip a dang vanbangla Pathen kah lungvatnah cungkuem dongah hnokhoem then la khat neh khat taengah thotat uh.

1Peter 4:10 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Mathai 24:14

Tecoengah thlaangphun boeih kah sausi la a awmna ham Vaan Ram kawng Awlthang Theen he dilai pum kah thlaangphun boeih tengah a phawng u vetih tecoengah aboetna te a pha ti.

Mathai 24:21

Metihtiah dilai suen cuek kalawng tihin toe ah aka awm, me ang patangraina boeih lak ah teveng tue ah aka awm te rih ham awm ngaai. Te ang patangraina te a awm khaw awm koep tlaih manawh.

Mathai 24:45

“Te tih atah a-u uep-awm tih aka cuih tuihyoeihthlaang la aka awm ai? Te tah a bawi lawng a tuihyoeihthlaang thli cawmcah ham oen ah atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Mathai 25:17

Tih van angla tangka thong hih aka dang lawngkhaw apueh thong hih a dang.

Mathai 25:44

Tevengah ahimi lawng ‘Bawipa, mevengah na bung a pawng, tui na halh, kamyin la na awm, hinaak himbai na taal, na tlawh na nat tih thongim ah na awm tih atliingla na awm te kan huh u tih kan khuut kan ceem u nawh,’ a tina u ai.

Marku 10:45

Metihtiah Thlaanghing Capa lawng Pateng khaw a bii te thlaang bi sak ham law nawh; thlaang kah bii te bi ham tih thlaang yahawh hlang hamla a hingna te peek ham ni a law” a tina.

Luka 12:42

Bawipa lawngah, “Tetih atah, a-u nuem uep-awm tih aka cuih tuihyoeihthlaang la aka awm? Ahih tah a bawi lawng tuihyoeihthlaang thli cawmcah ham, atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Luka 19:13

A ceh thlan ah tuihyoeihthlaang paha te a khue, ahimi te sui tangka pheek at rip a peek tih, “Khawlawng la ka ceh ruet ah, he kah tangka oen thaihu thaiha yooei uh.” a tina.

Luka 8:3

Herod sengpahrang kah imkhuikaw ukkung Khusa kah a yu Joanna; tecoengah Susanna oen atloe hutaa thli a hu ah bang u tih a khuehtoen thaihu oen ah Jesuh oen a hubang thli te a bawmcem u.

Rom 15:25

Tede tahe tah kawlkalh ah Jerusalem khawpui la ka cet de silang te kah Pathen thlaang thli ham bii ka bi pe de ai.

Rom 15:27

Te tila awltloekna a khueh u te tah amami kah kawthawh oen ni; tede ataktang atah ahimi lawng-khaw, khawdeng thli bawm ham te a sai koei bii van ni. Judah thlaangphun lawng Muithla ben kah yotheenna te Gental hue tengah arek ara van angla Gental hue lawngkhaw amami kah thaihu thaiha yotheenna a dang te oen Judah thlaangphun te a bawm van ham awm.

1Korin 15:10

Tede Pathen lungvatna rang oen tahe kah ka awm angla he ka awm tih lungvatna m'peek te khaw apoei-oepla ka khueh van nawh. Atloe celtuih hue lak ah kai tah apuehla bii ka bi ngaai, tede kai lawng ka bi ti ham awm nawh tih ka tengkah Pathen lungvatna lawng ni a bi.

1Korin 3:10

Pathen kah peek kutdo te ka hawna tih im sak aka thoem tangkiik angla bii ka bi tih lungdang ka suem, te sawah te thlaangtloe lawng im a sak. Tede metila ka sak u tite a-u khaw ngaithuen rip u seh.

1Korin 4:7

Nangmi te thlaangtloe lak ah asangluelh la a-u lawng n'sai? Na khueh soeprep boeih he Pathen peek nawh aw? Na khueh na toen u te ayoe peek kutdo nawh angla metila na oekthloen u thai?

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

2Korin 9:1

Judia ram ah aka awm Pathen thlaang thli tengah bawmcemna thaihu patna kawng te, ataktang atah kai lawng nangmi tengah capat thut ham ngoe nawh tila ka poek.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Ephesa 4:11

Thlaang he kutdo aka pe khaw amah ni; Ahih lawngah khatsut te celtuih la a khueh; khatsut te tawngha la a khueh; khatsut te awlthang theen thuikung la a khueh; khatsut te pastor oen cangpueikung la khueh.

2Timothy 1:18

Te khawhin ah Bawipa lawng ahih te reen hawn seh! Efesa khaaw ah kai ham metihtlukla bii a bi tite nangmi lawng atheenla na ming u.

Titus 1:7

Metihtiah Khrihcabu mawtkung tah Pathen kah biitungpui khuehkung la a awm dawngah cawttbauh aka kap nawh thlaang seh. Ahih tah amah oen amah thoemthai koek la aka ngaai u nawh, thin aka toi nawh, yuu aka aw nawh, khawpaw rang-au la aka awm nawh, tangka ngaihmoekna aka khueh nawh thlaang seh.

Hebrew 6:10

Pathen he atuueng aleeng nawh Pathen aih nawh ni. Nangmi lawng bii na bi u te khaw, amah na lungna u te tueng sak ham Khrihca na puei na paw bawmna na peek u tih tahe toe ah na do na dan u te khaw Pathen lawng hilh manawh.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

1Peter 5:12

He capat atoica he Silas kah bawmna rang oen nangmi tengah kavan thut, ahih he uep-awm khrihca maya manau la ka poek ni. Nangmi tengah thaphawhna awl thui ham ka ngaih tih nangmi lawng na dang u lungvatna tah Pathen tengkah tangtang ni tila aka mingkung la ka awm. Te lungvatna dawngah acakla pai uh.