1Peter 3:7 - Matu Chin New Testament 2006

⁷ Tetih van angla nangmi tawngpa hue lawng yu-aca oen thik-at la awm haih u lang ahimi te tha aka ra nawh ni tite yaakming uh. Ahimi te hinyahna oen voemtoei uh, metihtiah ahimi lawngkhaw Pathen kah hingna kutdo te nangmi oen thik-at la dang haih van ham ni. Na thangthuina te kanghalhna khat khaw a awmna nawh ham te tila te sai uh.

Matu Bible

⁷ tongpa rhoek aw, amih te mingnah neh khosak puei van. Tattloel hno neh a om vanbangla huta taengah hinyahnah tueng sak. Hingnah dongkah lungvatnah te aka pang hmaih la na om van daengah ni na thangthuinah te a tomta pawt eh.

1Peter 3:7 Iomraidhean Croise

Mathai 18:19

Tecoengah atloe pakhat kavan thui u: Dilai dawngah nangmi tim kah thlaang pahih lawng me ang thaihu dawngah khaw thin-at kaw-at la na thangthui hih atah vaan kah a Pa lawng nangmi ham avan sai ai.

1Korin 7:3

Tawngpa lawng vaa pakhat la a awmna te soep sak selangtah hutaa lawngah yu pakhat la awmna te soep sak seh, te tila te pakhat kah ngoena dawngah pakhat lawng ngai-khuekna pe seh.

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

Ephesa 5:33

Tede nangmi oen khaw tuhkai u: vaa-aca boeih lawng amah pum te a lungna angla a yu-aca te lungna selang tah yu-aca boeih lawngkhaw a vaa-aca te hinyah van seh.

Ephesa 6:18

He ang boeih he thangthuina oen sai u lang Pathen kah bawmcemna te bih uh. Muithla kah mawtna angla me ang atue atang vengah khaw thangthui uh. Tedawngah ahuertuela awm uh, thathepakla awm u boel; Pathen thlaang boeih ham thangthui yoeyah uh.

Kolosa 3:19

Vaa-aca thli na yu ruk-awm thli te lungna u lang ahimi te awltlawh oen voemtoei u boel.

1Thessalonika 4:4

Nangmi tawngpa boeih lawngah aka ciim tih hinyah koei la na yu oen benbaw benpang ham te ming uh,

Titus 3:7

a lungvatna rang oen Pathen oen mami roeproei ham oen ah mami kah ngaiuep dungyan hingna te khueh thaina ham ni.

Hebrew 1:14

Tetih atah, vanthlaang thli he a-u te ang kai? Ahimi tah Pathen kah bii aka bi muithla la awm tih thlawnna aka dang ham koei thli te bawm hamla Pathen kah a tuih thlaang thli ni.

1Peter 3:1

Tetih van angla nangmi yu-aca hue lawngah na vaa thli kah awl te na ngaai ham awm. Te dengah ni na vaa thli tim ah Pathen awl aka tangna nawh pakhat khat te a awm atah nangmi kah moeiboe lawng a taa vetih a oeng ai. Nangmi lawng awl kam at khaw thui ham ngoe manawh,