1Peter 3:16 - Matu Chin New Testament 2006

¹⁶ Tede awldoetna te kawdaw awlding oen hinyahna oen ah thung pe uh. Khrih kah hubang la na awm u dawngah nangmi kah khawboe ramlang theen te athela aka thui thli lawng amami kah awlthui han ah ayah toe la a awmna u ham thinkaw te ciim sak uh.

Matu Bible

¹⁶ Tedae nangmih aka hnaep tih n'yan uh vaengah te Khrih ah omih then neh yahpoh sak ham a then la muelhtuetnah, rhihnah te mingcimnah neh khueh uh.

1Peter 3:16 Iomraidhean Croise

Mathai 5:11

“Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u.

Caeltueih 24:16

Tedawngah Pathen oen thlaanghing haiah athetheen mingna kawpoek ciim khueh hamla ka sai thai khui tah ka sai poepa.

Caeltueih 28:22

Tede peng tawm ah he bu he athela a thui u dawngah namah kah poekna te kaimi lawng yaak ham ka ngaih u.” a tina.

Rom 9:1

Awltak tang ka thui; Khrih kah thlaang la ka awm tih hoem awl ka thui nawh. Ciim Muithla lawng a uk athe atheen ka mingna lawngkhaw hoem awl ka thui nawh te a ming.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

1Timothy 1:19

Thlaang khatsut lawng athetheen mingna kawpoek te n'tu la sak u nawh tih amami kah a oengna te a phe u.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

2Timothy 1:3

Patuer thli lawngah bii a bi pe angla kai lawngkhaw thinkaw ciim oen ka bi pe van Pathen tengah awmngaih awl ka thui. Yiin oen daai ka thangthuina dawngah nang te kan poek yoeyah tih awmngaih ciil ka thui.

Titus 2:8

Oelhtaih thai nawh aka soeng awl te hawna lah, te tih atah mami kawng he athela thui ham khat khaw khueh nawh vetih na raal thli te yah-laat la awm ai.

Hebrew 13:18

Kaimi ham thangthui yoeyah uh. Asoeng thaihu te sai hamla ka ngaih yoeyah u dawngah athe atheen pekbona thinkaw ciim te ka khueh u tila ka ming.

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 2:15

Metihtiah amah ngaih la awl sah sah aka cal thlaangngau paathuu hue te nangmi kah thaihu theen saina lawng a awl phah sak seh tila Pathen lawng a ngaih ni.

1Peter 2:19

Nangmi lawngah Pathen kawngaih te na ming u dawngah patang khang koei nawh te awl puung muehla na ueh u atah Pathen lawng nangmi te yotheen kam-awmna m'peek ai.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.

1Peter 4:4

Tahe atah nangmi lawng Pathen aka ming nawh thlaang thli kah khawpaw rang-au la a hingna dawngah te na thuum pe u tlaih nawh dawngah a kawpoek rai u tih tedawngah nangmi te n'thui theet u.