1Peter 2:7 - Matu Chin New Testament 2006

⁷ He Lunghiim he aka tangna mami ham tah phutlo tangkiik la awm, tede aka tangna nawh thlaang thli ham tah; “Imsakung hue lawng aphu aka awm nawh angla a hoett u lunghiim tah, te thli boeih lak ah awlpui koek lunghiim la awm poen.” tila a thui.

Matu Bible

⁷ Te dongah aka tangnah nangmih tah hinyahnah om pai. Tedae hnalval rhoek aih, te lungto te aka sa loh rhoek hnawt cakhaw imkil lu la poeh. Te dongah caehkoek lung neh thangkui lungpang la poeh.

1Peter 2:7 Iomraidhean Croise

Mathai 21:42

Jesuh lawng ahimi te, “Caciim lawng: ‘Imsakung thli lawng aphu aka awm nawh angla a hoett u lungto te, aphu aka awm koek imkil lungto la awm, he tah Bawipa lawng a sai tih mami mik huh ah kawpoekrai la awm,’ tila a thui te na tae vai u nawh aw?” a tina.

Luka 2:32

Gental thlaangphun tengah na kawngaihna aka tueng sak aangna la awm tih na thlaangphun Israel thlaang thli tengah ruep-awmna avan khuenkung la awm.” tila a thui.

Luka 2:34

Simeon lawng ahimi te a phueh asawm tih a manu Meri nala te, “He camaw tah Israel thlaangphun khuiah thlaang yahawh lawng a rawkna ham oen thlawnna hamla Pathen lawng a tuek poen ni. Ahih tah Pathen kah miknoek la awm tih thlaang lawngah athela a thui u ai,

Luka 20:17

Jesuh lawng ahimi te he tila a doet, “Caciim dawngah, im aka sa thlaang thli lawng aphu aka awm nawh angla a hoett u lungto te atloe boeih lak ah awlpui koek la coengg,’ tila a thui te ta n'tu a thuingaihna?

Johan 4:42

ahimi lawng te kah hutaa nala te, “Nang lawng na thui dawngah nawh tih, kamami roe lawng amah awl thui ka yaak u poen dawngah ahih tah he dilai thlawnkung ni tila ka ming u tih tahe ah ka tangna u poen.” a tina.

Caeltueih 26:19

“Tedawngah, Sengpahrang Akrippa, vaan kah huhthlaam ka huh te ngailaakna muehla ka awm ma-nawh.

Rom 10:21

Tede Israel thlaangphun kawng oen tuhkaila tah, “Awl ngaai nawh tih ceem raal la aka tho thlaang thli te do hamla khawyungkhun kut ka son,” tila a thui.

Rom 15:31

Judia ram kah aka oeng nawh hue teng kalawng ading asuekla ka awmna ham oen Jerusalem ah bii ka bi te, te kah aka awm Pathen thlaang thli lawng awmngaih oen a do thaina ham thangthui u lah.

2Korin 2:16

Aka auh lii thlaang thli hamla tah te riimtuui te ahimi aka ngawn, baw aka the duekna la awm tih thlawn la aka awm thlaang thli ham tah, te riimtuui te hingna aka pe baw aka tuui riimtuui la awm. Tedawngah he ang bii he a-u lawngah a bi thai ai?

Kolosa 2:10

amah oen pumkhatla awmna dawngah hingna aka soep te nangmi m'peek u poen. Ahih tah muithla boeih ukkung oen saithaina aana aka khueh boeih sawah sawsang koek la awm.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

Hebrew 11:31

Thlaanghalhnu Rahab lawngah Israel thlaang raalyam thli te beroepna oen a do dawngah Pathen awl aka ngaai nawh thlaang thli oen ngawn haih ohla sa a sueng he oengna oen ni.

Hebrew 4:11

Tedawngah awlkam duemna te dang thaina ham atlawh ngaaila tha huer u sih. Ahimi lawng oengna a khueh u nawh dawngah duemna a dang nawh angla te mami tah pakhat khaw te tila awm u boel sih.

1Peter 1:8

Nangmi lawng amah te na hu u nawh de na lungna u, tahe ah na hu u nawh de na tangna u. Tedawngah awl oen thui thai nawh awmngaihna alentloe oen asang koek kawhoena te na khueh u,

1Peter 2:4

Bawipa tengah law u lah, ahih tah aka hing lunghiim thlaanghing lawng aphu aka awm nawh angla a hoett de Pathen lawng aphu aka tlo lunghiim la a tuek poen.

1Peter 2:8

Caciim atloe pakhat lawngah, “He lunghiim tah thlaang a ploengna lunghiim la awm ai, he lunghiim lawng ahimi te a tlim sak ai.” tila a thui. Ahimi lawngah awl te a tangna u nawh dawngah ploeng u; he tah ahimi hamla Pathen kah kawngaih roe ni.