1Peter 2:4 - Matu Chin New Testament 2006

⁴ Bawipa tengah law u lah, ahih tah aka hing lunghiim thlaanghing lawng aphu aka awm nawh angla a hoett de Pathen lawng aphu aka tlo lunghiim la a tuek poen.

Matu Bible

⁴ hlang loh a hnawt coeng ngawn dae Pathen taengah a khoelh la a coelh aka hing lungnu te paan uh.

1Peter 2:4 Iomraidhean Croise

Mathai 11:28

“Thalrih aka phuei tih tha aka hoengg thli boeih ka tengla law u lah, kai lawngah duemdawngna kan pe u ai.

Mathai 12:18

Isaiah lawng “He tah ka lungna, ka thinkaw aka deng ka tuihyoeihthlaang ka tuek te ni. Ahih sawah ka Muithla te ka khueh vetih, doengna phung te thlaangphun boeih tengah a phawng ai.

Mathai 21:42

Jesuh lawng ahimi te, “Caciim lawng: ‘Imsakung thli lawng aphu aka awm nawh angla a hoett u lungto te, aphu aka awm koek imkil lungto la awm, he tah Bawipa lawng a sai tih mami mik huh ah kawpoekrai la awm,’ tila a thui te na tae vai u nawh aw?” a tina.

Johan 14:19

Kawlkalh a awm coeng atah dilai lawng kai he n'hu tlaih manawh, tede nangmi lawngtah nan huh ai; kai tah ka hing dawngah nangmi khaw na hing u van ai.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 5:26

Ana Pa amah te hingna kungpui la awm, tetih van la a Capa te hingna kungpui la awm ham a sai poen.

Johan 5:40

Hingna khueh hamla ka tengah law ham tah na ngaih u nawh.

Johan 6:37

A Pa kah peek boeih tah ka tengla law ai. A-u khaw ka tengah aka law boeih tah ka hek manawh.

Johan 6:57

Aka hing a Pa lawngah kai he n'tuih tih ahih rang oen ah kai khaw ka hing. Tetih van angla a-u khaw kai he aka ca tah kai rang oen ah hing ai.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

1Korin 3:11

Metihtiah Pathen lawngtah Jesuh Khrih pakhat bueng te ni lungdang la a suem tih atloe lungdang te suem thai koei la awm tlaih nawh.

Kolosa 3:4

Nangmi kah hingna tangtang tah Khrih ni, amah a law veng atah nangmi khaw amah oen haih na phumpho u vetih amah kah ruep-awmna te na dang u van ai.

1Peter 1:19

Te thaihu tah angaw aha awm nawh tih cawttbauh kap nawh tuuca oen aka lo u aphu aka tlo Khrih kah luciik thawthuengna te ni.

1Peter 1:7

He ang raina na tawng u he nangmi kah oengna te ataktang oen ataktang nawh te noekdakna ham ni. Phe thai koei la aka awm sui pateng khaw hai oen ah anoekdak ta; tedawngah sui lak ah aphu aka awm ngaai nangmi kah oengna lawng raina he ueh thai ham ah noekdak la awm. Te dengah ni Jesuh Khrih a tuengna Khawhin ah nangmi lawng thangpawmna, ruep-awmna oen hinyahna te na dang u ai.

1Peter 2:7

He Lunghiim he aka tangna mami ham tah phutlo tangkiik la awm, tede aka tangna nawh thlaang thli ham tah; “Imsakung hue lawng aphu aka awm nawh angla a hoett u lunghiim tah, te thli boeih lak ah awlpui koek lunghiim la awm poen.” tila a thui.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

2Peter 1:4

Te tila amah lawng peek ham awlkam aka bo hlang tih aphu aka tlo kutdo te mami m'peek poen. He kutdo rang oen mami aka phe thai dilai pumsa ngaihna kalawng na loeih u thai vetih Pathen pumsa te na cuut u thai van ai.