1Peter 2:24 - Matu Chin New Testament 2006

²⁴ Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

Matu Bible

²⁴ Amah loh mamih kah tholhnah te thing dongkah amah pum dongah a khuen coeng. Te daengah ni tholhnah dongah aka duek loh duengnah dongah n'hing uh eh. Amah kah boengha lamloh na hoeih uh coeng.

1Peter 2:24 Iomraidhean Croise

Mathai 27:26

Tecoengah Pilat lawng ahimi ham Barabbas te a thlah pe tih; Jesuh te cungpoelh oen a bawh sak u tih thinglam dawngah ngawn ham ahimi kut ah a peek.

Mathai 5:20

Tecoengah kavan thui u, Pathen kawngaih saina dawngah phungawl cangpueikung thli oen Farasi thli lak ah uep-awm ngaai la na awm u nawh atah Vaan ram khuiah na kuun thai manawh.

Mathai 8:17

Ahih lawng tila a sai he tah, “Amah lawng mami kah natna te a lawh tih mami kah tlawhthe te a phueih” tila tawngha Isaiah lawng a thui oepsoeh awl te asoepna ham ni.

Marku 15:15

Pilat lawng thlaangping te ngaitluep sak ham a ngaih dawngah Barabbas te a thlah pe. Tecoengah Jesuh te cungpoelh oen a bawh tih ngawn hamla ahimi kut ah a peek.

Luka 4:18

“Bawipa kah Muithla tah ka sawah awm, metihtiah khawdeng lungma thli tengah awlthang theen thui hamla ahih lawng kai he n'tuek poen. Sal la a khawh khaklal thlaang thli tengah loeihna te thui hamla, mikpum haiying thli a mik a tueng koepna ham; Heemtekna patang khang thlaang thli a loeihna ham,

Johan 1:29

Avuen khawhin atah amah tengla Jesuh a law te Johan lawng a huh tih, “Dilai thawlhna aka phuei Pathen kah Tuuca ke bueh u lah!

Johan 19:1

Tecoengah Pilat lawng Jesuh te a khue tih cungpoelh oen a tam sak u.

Caeltueih 10:35

A-u khaw amah te a bok tih doengna te aka sai boeih tah me ang thlaangphun khaw a hih lawng a do.

Caeltueih 10:39

Israel ram pum oen Jerusalem khaaw ah ahih lawng a sai boeih te aka mingkung sausi la kaimi he ka awm u. Tecoengah ahih te thinglam dawng a tai u tih a ngawn u.

Caeltueih 13:29

Te tila ahih kawng Caciim lawng a thui boeih te a sai u coengah thinglam dawngkah a rawkk te ahimi lawng a lawh u tih thlann ah a up u.

Caeltueih 5:30

Nangmi lawng ahih te thinglam dawng na tai u tih na ngawn u coengah mami patuer thli kah Pathen lawng Jesuh te duekna kalawng ah a thawh sak poen.

Rom 6:11

Tetih van angla nangmi lawngkhaw thawlhna ah thlaang duek la ka awm u tih Khrih Jesuh rang oen ah Pathen oen pawlneengna khuiah ka hing u poen tila poek uh.

Rom 6:13

Tecoengah na pumvaang ame ang mai te khaw thaihu the saina ah hawna hamla thawlhna ah pe u tlaih boel. Te lak atah duekna kalawng hingna ah n'thawh sak koep angla doengna sai ham na pum boeih te Pathen te pe u hawn.

Rom 6:16

Thlaang pakhat khat kah awl te ngaai pe ham na pum na peek vengah te a awl na ngaai pe bawi kah sal la na awm tite ataktangla na ming u, tetih angla thawlhna awl te na ngaai u atah thawlhna sal la na awm u tih thawlhna phu tah duekna ni; tetih van toengtoeng la Pathen awl na ngaai u atah, te awlngaaina phu tah nangmi te thlaangdoeng la n'khueh ai.

Rom 6:2

Te tih moenih! Thawlhna ah n'duek u poen, metila thawlhna dawngah n'awm khuep thai ai?

Rom 6:22

Tede tahe tah nangmi he thawlhna kalawng na loeih u poen tih Pathen kah sal la ni na awm u poen, Nang kah hoeikhangna tah na hingna te amah tengah na peek biit tih aphu tah dungyan hingna te ni.

Rom 6:7

Metihtiah mami n'duek vengah thawlh tharana khui kalawng n'loeih u.

Rom 7:6

Tede tahe tah Phungawl kah piinna thong khuiah te n'duek u poen dawngah Phungawl dawng kalawng n'loeih u poen. Tahe atah ca oen a thut phungawl lawngpui ruem ah bii m'bi u tlaih nawh tih Muithla ben kah lawngpui thaai ah ni bii m'bi u poen.

1Korin 15:3

Kai lawng ka dang tih nangmi kan peek patoeng he tah awlpui tangkiik ni, te tah Caciim dawngah a thut angla Khrih tah mami kah thawlhna dawngah ni a duek;

2Korin 6:17

Tedawngah Bawipa lawng, “Nangmi lawng ahimi te ceh taak u lang ahimi teng kalawng athloekla thloeng uh. Nangmi lawng aka ciim nawh te ahimi oen sai haih u boel, te atah nangmi te kan do ai.

Galati 3:13

Caciim lawng, “Thing dawngah a tai thlaang te tah Pathen kah tapvoepna huiah awm,” tila a thui angla Khrih tah mami hamla tapvoepna kawsi aka yawkk thaang la va coengg tih Phungawl lawng avan thoeng puei tapvoepna dawng kalawng mami he n'tlang poen.

Ephesa 5:9

Metihtiah te tila khawsakna lawngtah athaih-apai theenna phun soeprep, doengna phun soeprep oen awltak phun soeprep te a thoeng sak.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Kolosa 2:14

Mami kah laiba thutna cabu oen a khuiah aka awm piinna phung te thinglam dawngah biit a hen tih aphe boeih poen.

Kolosa 2:20

Nangmi tah Khrih oen na duek haih u tih khawhipuempa kah muithla boeih ukkung teng kalawng na loeih u poen. Teahtah, n'tu ah he dilai hingna angla na hing khuep u?

Kolosa 3:3

Metihtiah nangmi tah na duek u poen tih nangmi kah hingna tah Khrih oen haih Pathen dawngah thuh u poen.

Hebrew 10:10

Pathen lawng sai sak a ngaih te Khrih lawng a sai tih vaikhat ah akhoek koengla amah pum te a nawnna rang oen mami boeih tah thawlhna kalawng n'ciim poen.

Hebrew 10:5

Tedawngah he kawngah he Khrih lawng dilai la ka law ai a ti vengah te Pathen tengah: “Nang lawngah luciik oen thaihu nawn te na kuek nawh, tede kai hamla thlaangpum ni navan hoel sut poen.

Hebrew 12:13

Lawngpui doeng ah cet poe u lah, te atah na khow aka yuei te kheem poe nawh vetih hoeih lat poen ai.

Hebrew 7:26

Tedawngah Jesuh tah mami kah ngoena aka soep sak Khawsoeih Bawi ni. Ahih tah ciim; thawlhpalhna khueh nawh tih thawlhna khaw ahih dawngah awm nawh; ahih te thlaangthawlh tim kalawng a thloeng tih vaan khawhi sawah a pawmsang hang poen.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

James 5:16

Tedawngah nangmi lawng na thawlhna te pakhat oen khat tengah phawng u lang khat oen khat hamla te thangthui uh, te atah nangmi na hoeih u ai. Thlaangdoeng kah thangthuina tah huham tharana awm.

1Johan 2:29

Nangmi lawng Khrih tah thlaangdoeng tila na ming u; tedawngah a-u khaw thaihu doeng aka sai tah Pathen kah a ca thli ni tite na ming u ham awm.

1Johan 3:7

Ka ca thli, nangmi te a-u khat lawngkhaw n'thaina boel seh! Khrih tah thlaangdoeng la a awm angla a-u khaw doengna aka sai boeih tah thlaangdoeng van ni.

Olphong 22:2

Te tuiva keeng khatben khatbang ah hingna thingkung te awm, kum khat ah voei thlaihih thaih tih thla khat ah voei khat thaih poepa tih te thingkung kah aram te tah thlaangphun boeih kah hoeihna la awm.