1Peter 2:23 - Matu Chin New Testament 2006

²³ Awlthe awlkha oen asal aphaam u vengah te ahih lawng awlthe awlkha oen thung nawh; patang a khang vengah thlaang te hih-ahuut nawh, tede adoengla awl cekkung Pathen te ni a uepna.

Matu Bible

²³ Ol aka bai te thuung pawh. A patang vaengah hihham pawh. Tedae laitloek aka tiktam vik te a voeih uh.

1Peter 2:23 Iomraidhean Croise

Luka 23:41

Tecakhaw mahih ham tah awlkhuengna he aka soeng ni, metihtiah mahih lawngtah n'sai phu yawkk ham koei te ni n'yawkk; tede ahih tah thawlhpalhna sai nawh.” a tina.

Luka 23:46

Jesuh lawng angaihhlangla paang tih, “A Pa! Na kut dawngah ka muithla kavan tloeng!” tila a thui coengah te duek.

Luka 23:9

Tedawngah Herod lawng Jesuh te awl yahawh hlang a doet de Jesuh lawng thung pe nawh.

Caeltueih 17:31

Metihtiah amah lawng a tuek oepsoeh thlaang pakhat rang oen ah dilai pumpui he doengna oen awlcek hamla atue khawhin a nuen poen. Ahih lawng te thlaang te duekna kalawng a thawh sak rang oen thlaang boeih tengah asoengna te a tueng sak!” tila a thui.

Caeltueih 4:29

Tedawngah tahe ah he Bawipa, ahimi kah helcalna he van poek lang namah kah tuihyoeihthlaang kaimi he namah kah awl te thin awm tangkiik la n'thui sak lah.

Caeltueih 7:59

Ahimi lawng lungto oen a de u lii vengah te Stefen lawng Bawipa tengah, “Bawipa Jesuh, ka muithla he nang lawng lo mai loeih!” a tina.

Caeltueih 9:1

Teveng yun ah te Sawl lawngah Bawipa kah a huvai thli te heem-atek tih ngawn hamla a teeng mangkhak. Ahih lawng Khawsoeih Bawi tengla cet tih,

Rom 2:5

Tede nangmi tah na thin thah u tih thawlh na yut u nawh: tedawngah Pathen kah thinsana oen aka doeng awlcekna Khawhin a pha vengah namami kah dantatna abo tare ham ni na sai khoeng u.

Ephesa 6:9

Bawi thli, tetih van la te na sal thli tengah sai u van langtah hih-ahuut oen tluung-athangna te toeng u loeih. Nang oen sal thli lawng vaan ah aka awm, thlaang boeih te avanpila awlcekkung bawi kah thlaang la ka awm tite ming uh.

2Thessalonika 1:5

He ang thli boeih lawngah Pathen kah awlcekna tah doeng tila a tueng sak tih nangmi tah Pathen Ram oen ah aphu ating-atawkk thlaang la na coengg u ai. Te ham ni nangmi lawng patangraina na khang u.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 4:8

Tahe tah, adoengla aka hing thli a peek taana kutdo lawng te kai he n'ring poen, te kutdo te tah, Bawipa lawngah, te Khawhin ah te m'peek ai, kai bueng he m'pe manawh, amah a lawna te lungna oen a lamtoen thlaang boeih te a peek ai.

Hebrew 12:3

Patang a khangna boeih te poek u lah; Thlaangthawlh thli kah thina a ueh roe te mah! Tedawngah nangmi lawng kawboetna oen thathepak la awm u tlaih boel.

1Peter 3:9

Nangmi lawng athe te athe van oen ah, tapvoepna te tapvoepna van oen ah thung u boel; te lak atah yotheen kam-awm peekna oen thung uh, metihtiah Pathen kah awlkam yotheen kam-awmna te nangmi peek hamla ni amah lawng n'khue u.

1Peter 4:19

Tedawngah Pathen kah kawngaih la a awm dawngah khawdeng patang aka khang hue lawng awlkam aka thlauh nawh ahimi saikung Pathen tengah amah oen amah te nawn u ngala seh.

Olphong 19:11

Tecoengah vaan aka awng u te ka huh tih, te ah te marang bawk pakhat awm. Te marang bawk aka cit te tah Uep-awm oen Awltak a miingna; doengna oen awl a cek tih ceemraal khaw a tloek.