1Peter 2:21 - Matu Chin New Testament 2006

²¹ He tila awm ham ah Pathen lawng nangmi te n'khue u, metihtiah Khrih amah roe lawngah nangmi ham patang a khang tih amah khowleh thuih ham te nangmi kah oett koeila avan ceh taak.

Matu Bible

²¹ Khrih khaw nangmih ham a patang dongah ni te ham te n'khue. A kholaeh te rhoih hamla nangmih kah awtkoi la a khueh coeng.

1Peter 2:21 Iomraidhean Croise

Mathai 10:38

A-u khaw amah kah thinglam te a kawh tih ka hu aka vai nawh tah kai kah hubang la koeih nawh.

Mathai 11:29

Kai kah hawphueih he lo lang phuei u lah, kai tah kawdaw oen boe-ngaaina thinkaw ka khueh dawngah kai tengah cang u lah; ngaimawngna kan pe ai.

Mathai 16:24

Tecoengah Jesuh lawng a hubang hue te, “A-u khaw ka hu ah law ham a ngaih atah amah kawngaih te hoett selang amah kah thinglam kawh ruila ka hu ah bang seh.

Luka 24:26

Messiah lawng amah kah ruep-awmna ah a kuun thlan ah he ang thli he a yawkk hamla ngoe nawh aw?” a tina.

Johan 13:15

Kai lawng ka sai van angla nangmi lawngkhaw na sai u van ham, na oett ham koei te kavan sai poen.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Caeltueih 17:3

Caciim dawngkah awl te a thoel alang u tih a thui ngawng u, Messiah tah khawdeng patang a khang vetih duekna kalawng tho koep ai tite a thui caih pe. Pawl lawngah, “Nangmi tengah kavan phawng Jesuh he tah Messiah poen ni.” tila a thui pe.

Caeltueih 9:16

Tecoengah kamah roeroe lawngah kamah kawngah patang a khang ham koei boeih te ka huh sak ai.” a tina.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

1Korin 11:1

Tedawngah kai lawng Khrih kah khawboe ramlang te ka oett van angla nangmi lawngkhaw kai kah khawboe ramlang he oett u van lah.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Philipi 2:5

Khrih lawng a khueh kawpoek te nangmi lawngkhaw khueh ham awm.

1Thessalonika 3:3

He ang heemtekna patang na khang u dawngah nangmi a-u khatca khaw hu benla mel koep nawh ham, nangmi te tha thlue sak ham oen ah nangmi kah oengna te cak sak hamla ahih te kavan tuih u. Mami lawng heemtekna patang n'khang he Pathen kah kawngaihna avaang athal van ni tite namami lawng na ming u.

1Thessalonika 4:2

Bawipa Jesuh kah saithaina aana oen thuituenna kan peek u te na ming u.

2Timothy 3:12

A-u khaw Khrih Jesuh oen pumkhatla awmna rang oen Pathen kawngaih la hing ham aka ngaih tah heemtekna patang te a khang ai;

Hebrew 2:10

Thaihu soeprep boeih a sai tih doenkung Pathen lawng amah kah ruep-awmna te a ca thli lawng a paangna hamla Jesuh te patang khangna oen thlaangsoep la a sai te tah tueng tang tang. Metihtiah Jesuh tah thlawnna dang ham aka mawtkung ni.

1Peter 1:20

Ahih te tah dilai suen thlan vengah Pathen lawng a tuek poen tih he kah atue khawhin aboetna tue vengah nangmi ham avan tueng sak.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Peter 3:9

Nangmi lawng athe te athe van oen ah, tapvoepna te tapvoepna van oen ah thung u boel; te lak atah yotheen kam-awm peekna oen thung uh, metihtiah Pathen kah awlkam yotheen kam-awmna te nangmi peek hamla ni amah lawng n'khue u.

1Peter 4:1

Khrih lawng amah pum dawngah patang a khang poen dawngah nangmi lawngkhaw ahih kah thinkaw a khueh te ang te khueh u van lang na tha thlue sak u lah; metihtiah a-u khaw pumsa dawngah patang aka khang tah thawlhna oen bawl-aneeng u tlaih nawh.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

1Johan 2:6

a-u lawngkhaw Pathen oen pumkhatla ka awm a ti atah Jesuh Khrih angla awm van ham awm.

1Johan 3:16

Lungna he me ang nuem tila m'mingna tah he tila ni: Khrih lawng mami hamla a hingna te a peek. Tedawngah mami lawngkhaw maya manau thli hamla hingna he peek van hamla awm!

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.