1Peter 2:12 - Matu Chin New Testament 2006

¹² Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

Matu Bible

¹² Nangmih kah omih te namtom taengah a then la khueh uh. Te daengah ni laihmu bangla nangmih n'yan vaengah khoboe then aka hmu rhoek loh hiphoelnah khohnin ah Pathen te a thangpom uh eh.

1Peter 2:12 Iomraidhean Croise

Mathai 10:25

Tedawngah sengcamoe lawng saya angla, tamnaa lawng a bawi angla a awm atah a kaw a tluep ham awm mai. Imkhuikaw kah a luu koek te Beelzebul tila a khue u atah, a cakaw hue tare tah te lak ah anauh ngaai miingthe oen a khue u ai!” a tina.

Mathai 5:11

“Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u.

Mathai 5:16

Tetihvan la nangmi kah aangna te thlaang haiah aang sak ham awm, te tila thaihu theen na sai u te ahimi lawng a huh u vetih vaan ah aka awm nangmi na Pa te a thangpawm u thai ai.

Mathai 9:8

Thlaangping lawng te tila a sai te a huh vengah a ngai hang u tih te ang saithaina thlaanghing tengah aka pe Pathen te a thangpawm u.

Luka 1:68

“Israel Pathen Bawipa te koeh u lah sih! Ahih tah a thlaang thli te bawmcem ham oen ah loeih sak hamla law poen.

Luka 19:44

Ahimi lawngah nang te m'phe phengvel vetih na vawngup khuiah na thlaang thli te a ngawn dingkang poen ai. Ahimi lawng lungto khatca khaw khupthal ohla awmna huen ah ceh taak u manawh, metihtiah nang thlawn hamla Pathen a lawna atue atang te na ming nawh dawngah ni!” a tina.

Luka 6:22

Thlaanghing Capa kawngah nangmi te thlaang lawngah n'thina u tih n'hoett sut u, n'sal aphaam tih athela n'thui u atah nangmi tah yotheen kam-awmna na dawng u!

Johan 13:31

Judah te a ceh coengah Jesuh lawng, “Tahe ah Thlaang Capa kah ruep-awmna tah tueng poen; ahih rang oen Pathen kah ruep-awmna tah tueng poen.

Caeltueih 15:14

Simon lawng a thui angla Pathen lawng Gental thlaang thli te amah hamla a lawhna rang oen metihtluk la ahimi a thintlawhna tite lamhala a tueng sak poen.

Caeltueih 24:13

Tahe ah ahimi lawng ka sawah thawlhpeelna he asoengna tangtang te nang tengah van thui u tang manawh.

Caeltueih 25:7

Pawl te avan pha atah Jerusalem kalawng aka law Judah thlaang thli lawng Pawl te a veel khoep u tih thawlh broela a pup u, te tila thawlh a pup u te soeng tang tang tila ahimi lawng thui u thai nawh.

Caeltueih 28:22

Tede peng tawm ah he bu he athela a thui u dawngah namah kah poekna te kaimi lawng yaak ham ka ngaih u.” a tina.

Rom 12:17

Nangmi sawah thlaang lawng athe a sai atah ahih te athe oen thung u boel. Thlaang boeih lawng theen tila a poek te sai hamla yawm.

Rom 13:13

Hingthun khawse ah aka awm thlaang thli angla mami lawng akoeih avaihla hing u sih, khawpaw rang au la awm u boel, yuuruui buh hah oen awm tlaih u boel, hutaa tawngpa thawlhna, boethe halangna awm boel seh, tawhsina oen uett-eena awm boel seh.

Rom 14:18

He tila Khrih kah bii te aka bi lawngtah Pathen te a awmngaih sak tih thlaang lawngkhaw a koeh.

Rom 15:9

Gental thlaangphun lawng-khaw Pathen amah kah reenna te a thangpawmna thai ham ni. Caciim lawngah, “Tedawngah Gental thlaangphun tim ah nang te kan thangpawm ai, Nang koehna laa ka sa ai” tila a thui.

1Korin 14:25

ahuepla a poek boeih te a tueng pe pheng ai, tecoeng atah buekuep vetih Pathen te a bok van vetih, “Nangmi tim ah he Pathen awm tangtang!” tila te a thui van ai.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 13:7

Nangmi lawng thawlhpalhna te na sai nawh ham Pathen tengah ka thangthui u, kaimi lawng noekdakna te ka taa tite tueng sak ham nawh ni, tede kaimi he aka tlim dingri angla ka awm mai cakhaw nangmi lawngtah asoeng thaihu te na saina ham ni.

2Korin 8:21

Kaimi lawng atah Bawipa kah mik huh bueng ah nawh tih thlaanghing kah mik huh ah khaw aka doeng thaihu te ni sai hamla ka kamthlah u.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

Ephesa 4:22

Tedawngah pumsa ngaihna lawng thailatna oen phe la aka awm na hing ruem te tah hoett u loeih.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 4:8

Aboetna ah ka boenhui thli, nangmi lawng na thinkaw te aka theen tih thangpawm koei ataktang thaihu, aphu aka awm thaihu, aka soeng tih aciim thaihu, lungna koei thaihu, hinyah koei thaihu oen be sak uh.

1Thessalonika 4:12

Te atah aka oeng nawh thlaang thli lawngah n'hinyah u vetih na ngoena boeih ah te thlaangtloe sawah pangtung ham ngoe manawh.

1Timothy 2:2

Mami lawng ading asuekla awmna ham, Pathen hinyahna oen ngaimawngla khaw sak tih khawboe ramlang theenna oen awm thaina ham ah sengpahrang thli oen saithaina aana aka khueh boeih ham thangthui uh.

1Timothy 4:12

Roengthaai kum no la na awm dawngah nang te a-u lawngkhaw dapsit la n'hu boel seh; tede na awlthui thingkaa khaw, na khawboe ramlang khaw, lungna, oengna oen ciimcaihna khaw aka oeng thlaang thli ham oett koei la awm seh.

1Timothy 5:10

Thaihu theen saina, ca-anau thli atheenla cawm-acahna, kamyin kam lai lungna, khrihca paya laikoei thli ham bii aka yawm, khawdeng lungma thlaang aka bawm, thaihu theen saina dawngah miing theenna aka dang huhainu te thuum seh.

Hebrew 13:18

Kaimi ham thangthui yoeyah uh. Asoeng thaihu te sai hamla ka ngaih yoeyah u dawngah athe atheen pekbona thinkaw ciim te ka khueh u tila ka ming.

Hebrew 13:5

Tangka he ngaih moek aih u boel lang na khueh duen oen te haan u mai hawn. Metihtiah Pathen lawng “Nang te kan ceh taak sut nawh vetih kan khueh sut manawh” ti.

James 3:13

Nangmi tim ah mingna aka khueh thlaangcuih pakhat mai khaw awm aw? A awm atah atheen hingna oen ah tueng sak seh. Cuihna, boe-ngaaina, atheen a saina oen ah tueng sak seh.

1Peter 2:15

Metihtiah amah ngaih la awl sah sah aka cal thlaangngau paathuu hue te nangmi kah thaihu theen saina lawng a awl phah sak seh tila Pathen lawng a ngaih ni.

1Peter 3:16

Tede awldoetna te kawdaw awlding oen hinyahna oen ah thung pe uh. Khrih kah hubang la na awm u dawngah nangmi kah khawboe ramlang theen te athela aka thui thli lawng amami kah awlthui han ah ayah toe la a awmna u ham thinkaw te ciim sak uh.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.

2Peter 3:11

He tila thaihu boeih he phe ham a awm dawngah nangmi lawng me ang thlaang la na awm u lah ai? Nangmi tah hingna aka ciim tih Pathen tengah pum aka pe thlaang la na awm u ham awm.