1Peter 2:11 - Matu Chin New Testament 2006

¹¹ Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

Matu Bible

¹¹ Thintlo rhoek aw, te pumsa hoehhamnah te rhael ham yinlai neh lampah bangla nangmih kan hloep. Te tah hinglu dongkah vathoh banghui la om.

1Peter 2:11 Iomraidhean Croise

Luka 21:34

“Ngaithuen u lah! Nangmi lawng awmtheen awmyaal poeibuh caak awkk oen dilai han khawsak lakuengna te poek u aih boel, te tila na awm u veng bawtbet khawlai ah te kah Khawhin lawng nangmi teng avan pha ai.

Caeltueih 15:20

Te lak atah, kutsaimuei bokna ah a nawn u dawngah phung alam ben ah aka caih nawh caak awkk te caak nawh ham; hutaa oen tawngpa thawlhna dawngah kuemsuem ham, rawn khak ramsa te caak nawh ham, sathi khaw caak nawh hamla ca mah pat pe u sih.

Caeltueih 15:29

kutsaimuei tengah a nawn caak awkk te ca u boel; sathi ca u boel; rawn khak ramsa te ca u boel; hutaa oen tawngpa thawlh u boel. He ang thaihu boeih he nangmi lawng sai nawh ham na kuemsuem u atah theen mai poen. Na sa ding u seh.” tila a thut pe u.

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

Rom 7:23

Tede ka pum khuikah phungawl tloe lawng bii a bi he ka ming, te phungawl te tah ka thinkaw lawng a ngaih phungawl te aka oel mangkhak awm. Te phungawl lawngah ka pum khuiah bii aka bi thawlhna phungawl khuiah thongtla angla te n'sai.

Rom 8:13

Nangmi lawng thlaanghing pumsa ngaihna angla na hing u atah na duek u ai; tede nangmi lawng thawlhna na sai thli te Muithla oen na ngawn atah na hing u ai.

2Korin 5:20

Tedawngah kaimi lawng Khrih yueng la awl ka thui u; Pathen amah lawng nangmi te n'ceel angtoekla ni kaimi lawng kan ceel u. Nangmi lawngah Pathen kah raal la awmna kalawng a paya la awm u loeih tila kaimi lawng Khrih yueng ah kan ceel u.

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Galati 5:24

Tecoengah Khrih Jesuh kah thlaang la aka awm lawngtah amami kah thlaanghing coenggna dawngkah athe ngaihsoehna oen pumsa hue-ngaihna boeih te thinglam dawngah a ngawn poen.

Ephesa 2:19

Tedawngah nangmi Gental thlaangphun tah thlaangphun tloe tlaih nawh tih khawlawng thlaang la na awm u tlaih nawh; tahe ah nangmi tah Pathen thlaang thli oen haih ah ram khui thlaang la na awm u poen tih Pathen imkhuikaw kah thlaang poen ni.

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

2Timothy 2:22

Roengthaai thawhthuem kah pumsa ngaihna te vai boel langtah thinkaw ciim oen Bawipa a khue tih bawmna aka bih thlaang thli oen ah thik at la doengna, oengna, lungna oen ngaimawngna dang hamla yawm lah.

Hebrew 11:13

Ahimi boeih lawngah oengna oen duek u. Ahimi lawngah Pathen kah awlkam thaihu thli te paang u nawh. Tede athla kalawng a dan u tih a uem u. Ahimi lawng dilai sawah ram tloe thlaang angla, thlaangpoeng angla ka awm ti u.

Hebrew 6:9

Ka paya thli he tila nangmi tengah awl kavan thui de nangmi kawngah ka ngai mawng, nangmi lawng yotheen kam-awmna atheen ngaai thlawnna na khueh u te kaimi lawng ka ming.

James 4:1

Nangmi tim kah tawhsina oen bawh-apaina he ame kalawng a law? Namami kah pumsa awmtheen awmyaal ngaihna dawng kalawng law tih, te thli te nangmi kaw khuiah boet ohla raal u poepa.

1Peter 1:1

Jesuh Khrih kah celtuih kai Piter lawngah-- Pontas peng, Galati peng, Kappadocia peng, Asia oen Bitinia peng ah thlaangpoeng poedoe angla aka awm tih aka yan khok Pathen kah thlaangtuek thli tengah ca kavan pat.

1Peter 1:17

Nangmi lawng Pathen tengah na thangthui u vengah ahih te a Pa tila na khue u, ahih lawng atah thlaang boeih te a saina taring ah pekbona awm ohla awl a cek. Tedawngah he dilai dawng na hing khuiah he amah te hinyahna langtah hing u lah.

1Peter 4:12

Ka lungna ka paya thli, aka tlo tangkiik noekdakna patang na khang u dawngah nangmi sawah aka awm noek nawh thaihu va thoeng tila na kawpoek rai sak u boel.

1Peter 4:2

Tedawngah tahe kalawng tah dilai dawngah hingna na khueh khui roekk tah thlaanghing kah kawngaihna ohla Pathen kah kawngaihna lawng nangmi te n' uk u seh.

2Peter 3:1

Ka lungna ka paya thli, tahe nangmi tengah ca kavan pat he voeihihna capat poen ni. Capat pahih bok dawngah ka ngaihna tah nangmi thinkaw khuiah poekna ciim awm sak hamla ni, tedawngah nangmi tengah he thaihu he kavan thui u.