1Peter 1:7 - Matu Chin New Testament 2006

⁷ He ang raina na tawng u he nangmi kah oengna te ataktang oen ataktang nawh te noekdakna ham ni. Phe thai koei la aka awm sui pateng khaw hai oen ah anoekdak ta; tedawngah sui lak ah aphu aka awm ngaai nangmi kah oengna lawng raina he ueh thai ham ah noekdak la awm. Te dengah ni Jesuh Khrih a tuengna Khawhin ah nangmi lawng thangpawmna, ruep-awmna oen hinyahna te na dang u ai.

Matu Bible

⁷ Te daengah man aka poci sui lakah aka kuel nangmih kah tangnah dongkah nuemnainah te hmai neh a nuemnai vaengah Jesuh Khrih kah pumphoenah dongah koehnah, thangpomnah neh hinyahnah te a hmuh ve.

1Peter 1:7 Iomraidhean Croise

Mathai 19:28

Jesuh lawng ahimi tengah, “Atak tang kavan thui u; San thai a pha tih Thlaanghing Capa lawng Bawi ngawlhcoen dawngah Ruep-awmna oen a ngawlh vengah nangmi ka hubang thlaihih hue nang khaw Israel thlaangphun thlaihih te uk ham bawi-ngawlhcoen dawngah na ngawl u van ai.

Mathai 25:21

A bawi lawng ‘Nang tah, ueppangna koei tuihyoeihthlaang la na awm! Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law langtah ka awmngaihna khuiah kuun van,’ a tina.

Mathai 25:23

A bawi lawng ‘Theen tangkiik, Nang khaw tuihyoeihthlaang ueppang koei la na awm. Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law lang ka awmngaihna khuiah kuun van lah,’ a tina.

Luka 12:33

Nangmi lawng na khueh na toen te yooei u langtah tangka te khawdeng thlaang thli pe uh. Aka pawn thai nawh tangkabawm te namami ham khueh u langtah vaan ah namami ham kaawn te tung asep uh, te huen atah thlaanghuuen lawngkhaw huuen thai nawh tih kuum-akett lawngkhaw a caak thai nawh dawngah metuek khaw boeih manawh.

Luka 17:30

Thlaanghing Capa kah khawhin a thoeng vengah khaw te tila awm van ai.

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Caeltueih 8:20

Tede Piter lawng ahih nala te, “Pathen kah kutdo he tangka oen ka lai thai ai tila na poek dawngah namah oen na tangka te hell ah tla hih!

Rom 2:10

Tede thaihu theen aka sai boeih tengah Pathen lawng ruep-awmna hinyahna oen ngaimawngna a peek ai. Lamhacuekla Judah thlaang hue lawng a dang vetih Gental hue lawngkhaw a dang van ai.

Rom 2:29

Akhuiben ah Judah thlaang la awm tih thinkaw khuiah yahhuivuen aka reet te ni Judah thlaang tangtang a miingna. Te ngoen tah kut oen thut Phungawl kah bii saina nawh tih Pathen Muithla kah bii bina ni. Te ang thlaang te tah thlaanghing ben kah nawh tih Pathen benkah thangtheenna aka dang thlaang ni.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

Rom 8:19

Pathen lawng a ca-anau thli tengah a tueng sak ham koei te a thaihu suen boeih lawng ngaiuep tangkiik oen a lamtoen u.

1Korin 3:13

Ahimi pakhat rip kah biibi thoemthaina te tah Khrih Khawhin ah tueng peng vetih n'huh ai. Metihtiah te Khawhin atah thlaang boeih kah biibi te hai oen ah a tueng sak ai; hai oen ah a noek adak vetih thoemthaina taktak te tueng ai.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

1Peter 1:13

Tedawngah bii bi hamla na thinkaw te roekbah oepsoeh uh. Ahuertuela awm u lang, Jesuh Khrih a tueng vengah na dang ham koei lungvatna kutdo dawngah na ngaiuepna te khueh uh.

1Peter 1:5

Atue boetna apha vengah tueng sak hamla a khueh oepsoeh thlawnna te oengna rang oen ah Pathen kah huham tharana lawng akhoem abeel tih nangmi ham vaan ah avan khueh ro na pang ham koei ni.

1Peter 2:4

Bawipa tengah law u lah, ahih tah aka hing lunghiim thlaanghing lawng aphu aka awm nawh angla a hoett de Pathen lawng aphu aka tlo lunghiim la a tuek poen.

1Peter 2:7

He Lunghiim he aka tangna mami ham tah phutlo tangkiik la awm, tede aka tangna nawh thlaang thli ham tah; “Imsakung hue lawng aphu aka awm nawh angla a hoett u lunghiim tah, te thli boeih lak ah awlpui koek lunghiim la awm poen.” tila a thui.

1Peter 4:12

Ka lungna ka paya thli, aka tlo tangkiik noekdakna patang na khang u dawngah nangmi sawah aka awm noek nawh thaihu va thoeng tila na kawpoek rai sak u boel.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

2Peter 1:4

Te tila amah lawng peek ham awlkam aka bo hlang tih aphu aka tlo kutdo te mami m'peek poen. He kutdo rang oen mami aka phe thai dilai pumsa ngaihna kalawng na loeih u thai vetih Pathen pumsa te na cuut u thai van ai.

2Peter 3:14

Tedawngah ka paya thli, te Khawhin te na lamtoen u vengah Pathen huh ah aka ciim tih cawttbauh kap ohla awm ham yawm u lang amah oen roeproeicala awm uh.

Jude 1:24

Nangmi na tlim nawh hamla aka doen thai, nangmi thawlhna a ciing sak tih awmngaihna oen amah Bawilen ruep-awmna haiah kuun thaina pekung;

Olphong 1:7

Bueh lah! ahih tah muui dawng kalawng va rum thuk! thlaang boeih lawng a huh ai, amah te cai oen aka thun hue lawngkhaw a huh u ai, Dilai sawkah thlaang boeih lawng rungrap u ai. Te tila awm roe hawn seh.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Olphong 3:10

Thinsan kawdaw oen ueh hamla awl kan peek te na vai u dawngah, dilai sawkah thlaang boeih noekdakna hamla dilai dawngah aka law ham koei patang raina atue ah kan loeih sak ai.

Olphong 3:18

Tedawngah bawilen kuirang taktang la na awmna ham kai teng kah sui tuiciil te lai hamla poekna theen kan peek. Atliing ayaal yaraula na awm te khukdahna ham oen ah na buen ham khaw, na mik a tuengna ham miksii te khaw lai baal.