1Peter 1:3 - Matu Chin New Testament 2006

³ Mami Bawipa Jesuh Khrih kah ana Pa oen Pathen te mami lawng uem u lah sih! Metihtiah aka lenduet a lungna lawngah Jesuh Khrih te duekna kalawng a thawh sakna rang oen mami he hingna a thaai m'peek poen. Tedawngah mami tah aka hing ngaiuepna oen m'betoet u,

Matu Bible

³ Mamih Boeipa Jesuh Khrih kah Pathen neh Pa tah thangpom pai saeh. A rhennah a len vanbangla duek lamkah Jesuh Khrih kah thohkoepnah loh aka hing ngaiuepnah dongah mamih n'cun coeng.

1Peter 1:3 Iomraidhean Croise

Johan 1:13

Ahimi lawng thlaanghing phung angla Pathen kah ca-anau la coengg nawh, ahimi te thlaanghing ana pa kah ca-anau angla a cuun moenih; ahimi kah ana Pa tah Pathen amah ni.

Rom 12:12

Na ngaiuepna na khuehna dawng teah na tha thlue sak uh; raina na tawng u vengah thinsan kawdaw oen awm u lang thangthui yoeyah uh.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 4:25

Mami kah thawlhna phu ah ahih tah duek tih Pathen oen mami roeproeina ham a thawh sak koep.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 8:24

Metihtiah ngaiuepna oen thlawn la n'awm u. Tede mami lawng n'ngaiuep u te n'huh atah tete ngaiuepna tangtang moenih. Mik huh tangte te a-u lawng a ngaiuep nooek kai?

1Korin 13:13

Awlpui thaihu pathum awm: te tah oengna, ngaiuepna oen lungna he ni, he thli boeih khuiah lungna he abokoek ni.

1Korin 15:20

Tede awltak tah duekna kalawng Khrih a thawh he tah duekna khuiah aka ip muelh thlaang thli ham khaw thawhkoepna aamahkhan la awm.

2Korin 1:3

Mami Bawipa Jesuh Khrih kah ana Pa oen Pathen, thlaang reenkung mami na Pa, bawmcemna boeih a lawna kungpui Pathen te thangpawm u sih.

Galati 6:16

Amami kah hingna dawngah he phung-alam aka vai thlaang thli tengah ngaimawngna oen reenna te awm hawn seh, Pathen thlaang thli boeih tengah khaw awm seh.

Ephesa 1:17

mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Ephesa 1:3

Mami Bawipa Jesuh Khrih kah ana Pa oen Pathen te koeh u lah sih! Metihtiah Khrih oen pumkhatla awmna ah vaan ben kah Muithla yotheen kam-awmna soeprep peekna oen mami he yotheenna m'peek u.

Ephesa 1:7

Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Ephesa 2:4

Tede Pathen kah reenna tah yahawh tih mami n'lungna te tah abo tangkiik dawngah,

Ephesa 3:20

Mami kaw khuiah biibikung a huham tharana rang oen mami kah bihna oen poekna lak ah yahawh ngaai aka sai,

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

1Thessalonika 4:13

Maya manau thli ngaiuepna aka khueh nawh thlaang thli angla nangmi na kaw a the nawh ham aka duek thli kawng awltak te nangmi ming sak hamla ka ngaih.

2Thessalonika 2:16

Mami he n'lungna tih aboet nawh thincakna oen acak ngaiuepna te a lungvatna oen pekung mami kah Bawipa Jesuh Khrih amah oen mami kah Pa Pathen lawngah,

1Timothy 1:14

Mami kah bawipa lawngah amah kah lungvatna te yahawh hlang la ka sawah avan lun tih oengna oen lungvatna te m'peek. Khrih Jesuh oen pumkhat la awmna rang oen ah te ang thli te mami kah koe-ava la awm poen.

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

James 1:18

Pathen lawng amah kah thaihu sai aka hing boeih khuiah lamhacuek huen ah awm ham awltak awl oen ah amah kawngaih angla mami he n'sai poen.

1Peter 1:13

Tedawngah bii bi hamla na thinkaw te roekbah oepsoeh uh. Ahuertuela awm u lang, Jesuh Khrih a tueng vengah na dang ham koei lungvatna kutdo dawngah na ngaiuepna te khueh uh.

1Peter 1:21

Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

1Peter 1:23

Tedawngah aka hing tih dungyan aka cak Pathen awl rang oen nangmi tah na thangthaai u poen; aka duek thai nu oen pa kah ca-anau angla nawh tih aka duek thai nawh kah ca-anau la na awm u.

1Peter 2:2

Camoe thangpek angla awm u langtah muithla ben kah suuktui ciim te hall yoeyah uh, muithla ben suuktui ciim te na awkk u atah na roeng hang vetih thlawn la na awm u ai.

1Peter 3:15

Tede na thinkaw lungbui oen Khrih hinyah uh, na Bawipa la khueh langtah hinyah u lah. Nangmi lawng na kaw khuiah ngaiuepna na khueh u te thuicaih hamla pakhat khat lawng nangmi te n'doet u atah meveng tue ah khaw ahimi kah awldoet te thung hamla oepsoehla awm uh.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.

1Peter 3:5

Metihtiah yan veng kah Pathen aka uepna hutaa thli kah a thlaang theenna tah a vaa thli kah awlngaaina dawngah awm.

1Johan 2:29

Nangmi lawng Khrih tah thlaangdoeng tila na ming u; tedawngah a-u khaw thaihu doeng aka sai tah Pathen kah a ca thli ni tite na ming u ham awm.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.

1Johan 3:9

A-u khaw Pathen kah ca-anau la aka awm tengah Pathen kah pumsa tah ahimi dawngah awm tih thawlhna te sai poepa nawh. Metihtiah Pathen tah ahimi kah ana Pa la a awm dawngah ahih lawng thawlhna sai taitu nawh.

1Johan 4:7

Ka lungna paya thli, lungna tah Pathen teng kalawng a law dawngah mami pakhat oen pakhat lung u sih. A-u khaw lungna aka khueh tah Pathen kah a ca la awm tih Pathen te a ming u.

1Johan 5:1

A-u khaw Jesuh Khrih tah Messiah ni tila aka tangna tah Pathen kah a ca ni. A-u lawngkhaw ana Pa te a lungna atah, ana Pa kah a ca thli te khaw a lungna.

1Johan 5:18

Pathen kah ca-anau la aka awm lawngtah thawlhna sai poepa nawh tite m'ming u, metihtiah Pathen Capa lawng a hih te ading asuekla a khueh tih Raai Bawi lawngah raina pe thai nawh.

1Johan 5:4

metihtiah Pathen kah ca-anau boeih lawngtah dilai a taa thai. Mami lawng oengna rang oen dilai n'taa u.