1Peter 1:25 - Matu Chin New Testament 2006

²⁵ tede Bawipa kah awl tah yoeyahla cak” tila a thui. Nangmi tengah avan phawng u awlthang theen tah he poen ni.

Matu Bible

²⁵ Tedae Boeipa kah olka tah kumhal duela cak. Tekah olka tah nangmih taengah thui tangtae olthangthen dae ni.

1Peter 1:25 Iomraidhean Croise

Mathai 5:18

He he poek khuep uh. Vaan oen Dilai aboet thlantoe phungawl dawngah ayiitkoek awllung pakhat mai te khaw ha-ata manawh. Te phungawl dawngah aka awm boeih te soep ai.

Luka 16:17

Phungawl dawngkah a yitt koek a dek yet te a auh lak atah vaan oen dilai a auh te yoei ngaai.

Johan 1:1

Dilai suen thlan ah, awl tah awm oepsoeh poen; ahih tah Pathen oen awm haih tih ahih te tah Pathen ni.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

1Korin 2:2

Metihtiah nangmi oen n'awm haih u vengah te awlpuila thinglam dawngah Jesuh Khrih kah a duekna kawng nawh atah soeprep boeih te hilh bangtlang tih thui tlaih nawh ham thinkaw ka melh rap poen.

Ephesa 2:17

Tedawngah Khrih tah va law tih Pathen oen athlathloeila aka awm nangmi Gental hue tengah khaw, thlaang boeih tengah ngaimawngna Awlthang Theen te a thui.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Titus 1:3

atue akhoek tluep vengah te dungyan hingna te amah lawng awlthang dawngah avan tueng sak. Kai he ng'uepna dawngah bii he m'peek tih mami thlawnkung Pathen kah awlpeek angla kai lawng ka phawng.

Hebrew 6:5

Ahimi lawngah Pathen awl a tuui-athlim khaw a ming tih aka law ham koei atue atang san kah tharana te khaw a ming u poen.

1Peter 1:12

Tawngha thli lawng bii a bi u he tah amami kah hoeikhangna ham nawh tih nangmi kah hoeikhangna ham ni tite Pathen lawng a thui pe. Nangmi tengah awlthang aka thui laipai thli oen tawngha thli lawngah a thui oepsoeh a kawng alam te vaan kah avan tuih Ciim Muithla tharana huham oen ah avan phawng poen tih tahe ah nangmi lawng na yaak u poen. He kah thaihu kawng he vanthlaang thli lawng pateng khaw yaakming ham a ngaih u.

1Peter 1:23

Tedawngah aka hing tih dungyan aka cak Pathen awl rang oen nangmi tah na thangthaai u poen; aka duek thai nu oen pa kah ca-anau angla nawh tih aka duek thai nawh kah ca-anau la na awm u.

1Peter 2:2

Camoe thangpek angla awm u langtah muithla ben kah suuktui ciim te hall yoeyah uh, muithla ben suuktui ciim te na awkk u atah na roeng hang vetih thlawn la na awm u ai.

2Peter 1:19

Tedawngah tawngha thli lawng a thui u awl te kaimi lawng ka tangna tare u. Nangmi lawng te awl te atheenla na khuui na ciing u ham awm, metihtiah khawthai tih aisi tumpa nangmi thinkaw khuiah a aang thlantoe yiinna khuiah aka vang hai-im oen lo u.

1Johan 1:1

Acuekca veng kalawng aka awm tangte hingna Awl kawng te nangmi tengah ca oen kavan thut u. Te kawng te kaimi lawng ka yaak u, mik oen ka huh u tih ka kut oen ka tek u.

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

Olphong 14:6

Vaan alaklung ah atloe vanthlaang pakhat aka sawng te ka huh. Ahih lawngah dilai thlaang boeih nam tawm boeih oen thlaangphun boeih, awlcawm awlcee oen ram tawm boeihboeih ah phawng hamla dungyan awlthang theen a phueih tih,