1Peter 1:22 - Matu Chin New Testament 2006

²² Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

Matu Bible

²² Hmantang kah manuca lungnah ham oltak kah olngainah neh na hinglu te ciim uh. Thinko a caih lamloh khat neh khat nguen nguen lungnah uh.

1Peter 1:22 Iomraidhean Croise

Johan 15:17

Tecoengah he tah kai kah awl peek ni: pakhat oen pakhat lung u lah.” a tina.

Johan 15:3

Nangmi tah kai kah cangpueina oen aciimthlaula na awm u poen.

Johan 17:17

Ahimi he awltak oen namah hamla pum peek sak lah; awltak tah na awl te ni.

Johan 17:19

Ahimi lawngah ataktang la na tengah pum a peek u van ham kai khaw ahimi hamla pum ka peek.

Caeltueih 15:9

Ahih lawngah mami oen ahimi laklaw ah pekbona sai nawh; ahimi lawng a tangna u dawngah ahimi kah thawlhna te khawdawp a ngaai pe.

Caeltueih 6:7

Te tila te Pathen kah awl tah puung tare hang Jerusalem khawpui khuiah a hubang thli khaw puung van tih khawsoeih thli broe lawngkhaw oengna te a do u van.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 2:8

Thlaang khatsut lawngtah amami ham bueng a poek u tih asoeng thaihu te a hoett, thaihu the saina te a vai u; Pathen lawng thinsana oen thinlingna te ahimi sawah a hok pe ai.

Rom 8:13

Nangmi lawng thlaanghing pumsa ngaihna angla na hing u atah na duek u ai; tede nangmi lawng thawlhna na sai thli te Muithla oen na ngawn atah na hing u ai.

2Korin 6:6

Kaimi lawng thinkaw ciimna, cuihhoena, kawdawna, reenna oen ah khaw, Ciim Muithla rang oen ah, lungna tang tang oen ah khaw,

Galati 3:1

Nangmi Galati thlaangngau hue! Nangmi te a-u lawng a sii oen n'phueng u? Thinglam dawngah Jesuh Khrih kah a duekna te na mikthlaam ah aciimphanla tueng poen!

Galati 5:5

Mami lawngah ngaiuep u tah Pathen lawng mami he amah oen roeproeina avan sai ai, mami kah oengna rang oen ah Pathen Muithla kah tharana oen a sai ai tite n'lamtoen u.

Galati 5:7

Nangmi lawng atheenla na sai u ngoen ta! Nangmi lawng awltak na vai u te a-u lawng n'toeng sak u?

Ephesa 4:3

Nangmi te pakhatla aka piin roeproeina oen ah Muithla kah peek pumkhatla awmna te phoeih mangkhak uh.

Philipi 1:9

Nangmi lawng atheen koek te na tuek thaina ham, nangmi kah lungna lawng cuihhoena tangtang oen ah nuemnai thaina oen haih a roeng tare hamla ka thangthui.

1Thessalonika 3:12

Nangmi khat oen khat khawseh, thlaang boeih na lungna u te khawseh kaimi lawng nangmi kan lungna abo van angla Pathen lawng van roeng sak tare seh.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

2Thessalonika 2:13

Bawipa lawng a lungna maya manau thli, nangmi kawngah kaimi lawng Bawipa tengah awmngaih awl thui poepa ham awm. Metihtiah Muithla kah huham tharana rang oen Pathen kah aciim thlaanghing la coeng ham oen ah nangmi lawng awltak te na oengna rang oen thlawnna te na dangna u ham Pathen lawng nangmi te lamhacuekla n'tuek u.

1Timothy 1:3

Macidonia ram la ka ceh vengkah awl kan uen angla te Efesa khaaw ah na awm hamla ka ngaih. Thlaang khatsut lawng Efesa khaaw ah asoeng nawh oengna a cang puei u tih ahimi te na toeng sak ham awm.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

1Timothy 4:12

Roengthaai kum no la na awm dawngah nang te a-u lawngkhaw dapsit la n'hu boel seh; tede na awlthui thingkaa khaw, na khawboe ramlang khaw, lungna, oengna oen ciimcaihna khaw aka oeng thlaang thli ham oett koei la awm seh.

1Timothy 5:2

kum haam hutaa thli te na nu angla ngaai langtah, kum no hutaa thli te kawpoek ciim oen na ngannu angla ngaai lang voemtoei lah.

2Timothy 1:14

Mami khuiah aka hing Ciim Muithla kah tharana rang oen ah nang tengah avan tloeng thaihu theen te anepla kuem-akawl.

Hebrew 11:8

Pathen lawng Abraham te a khue vengah awl a ngaai tih Pathen lawng kan pe ai a tina awlkam ram la te aka ceh sak tah oengna ni. Ahih lawngah mela ka ceh tite ming ohla amah kah ram te a ceh taak.

Hebrew 13:1

Khrihca maya manau la na awm u van angla pakhat oen khat lung u poe lah.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

Hebrew 6:10

Pathen he atuueng aleeng nawh Pathen aih nawh ni. Nangmi lawng bii na bi u te khaw, amah na lungna u te tueng sak ham Khrihca na puei na paw bawmna na peek u tih tahe toe ah na do na dan u te khaw Pathen lawng hilh manawh.

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.

James 1:21

Tedawngah nangmi lawng tuiilehkap moeiboe boeih oen athe khawboe ramlang boeih te hoett u loeih. Pathen tengah te nawn u langtah nangmi aka thlawn thai na lungbui khuiah avan ling awl te do u lah.

James 4:8

Pathen tengah yoeii u lah, ahih tah nangmi tengla law vetih va yoeii van ai. Nangmi thlaangthawlh hue na kut te sil u lah! nangmi thlaangdoeng la aka sa u thli, na lungbui thinkaw te ciim sak u lah!

1Peter 1:2

Jesuh Khrih awl te na ngaai tih amah kah thisen oen ciim sak hamla Pathen kah mengtengna angla nangmi tah tuek la na awm u tih amah Muithla lawng thlaangciim la n'sai u. Lungvatna oen ngaimawngna tah nangmi tengah asoepbirla awm hawn seh.

1Peter 2:17

Thlaang boeih te hinyah uh, aka oeng na puei na paw te lungna uh, Pathen te rih u lang sengpahrang sangluel te khaw hinyah uh.

1Peter 3:1

Tetih van angla nangmi yu-aca hue lawngah na vaa thli kah awl te na ngaai ham awm. Te dengah ni na vaa thli tim ah Pathen awl aka tangna nawh pakhat khat te a awm atah nangmi kah moeiboe lawng a taa vetih a oeng ai. Nangmi lawng awl kam at khaw thui ham ngoe manawh,

1Peter 3:20

He muithla thli tah Noah lawng tuisangphaw a sai vengah Pathen lawng thinsan kawdaw oen a ring khiing de awl aka ngaai tlaih nawh hue te ni. Tuisangphaw khuila aka kuun thlaang a yawlca, apum boeih la pareet hue te tui dawngkah a thlawn,

1Peter 3:8

Hukhueng ah awl uen hamla ka ngaih tah; Nangmi boeih lawng thinkaw lungbui poekna te khat la kang khueh uh, maya manau angla khat oen khat lung u langtah reenna oen boe-ngaaina oen ah awm uh.

1Peter 4:17

Awlcekna tongnan hamla atue khoek poen tih Pathen kah thlaang thli te lamhacuekla awl a cek ai. Mami tengah lamhacuek la awlcekna a tongnan oh atah Pathen tengkah Awlthang Theen aka oeng nawh thlaang thli tare metila aboetna a awm ai te?

1Peter 4:8

Atloe boeih lak ah pakhat oen khat thinkaw tak oen lung uh, metihtiah lungna lawngtah thawlhna boeih te a khuk a dah dawngah ni.

2Peter 1:7

Pathen hinyahna dawngah te boenhui angla thintlawhna oen thap uh, boenhui angla thintlawhna dawngah lungna oen thap uh.

1Johan 3:11

Acuekca veng kalawng na yaak u awl te tah he ni: mami pakhat oen khat lung u sih ti he ni.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 4:12

Pathen te a-u lawngkhaw hu noek nawh, tede pakhat oen khat n'lung u atah Pathen tah mami oen pumkhatla awm tih a lungna tah mami dawngah soep.

1Johan 4:20

A-u lawngkhaw Pathen ka lungna ti de a maya manau te a thina mangkhak atah hoem aka thui thlaang ni. Amik oen a huh maya manau pateng khaw a lungna nawh maiah ahih lawng a huh thai nawh Pathen te lungna thai manawh.

1Johan 4:7

Ka lungna paya thli, lungna tah Pathen teng kalawng a law dawngah mami pakhat oen pakhat lung u sih. A-u khaw lungna aka khueh tah Pathen kah a ca la awm tih Pathen te a ming u.

Olphong 2:4

Tede ka kaw a lawna nawh pakhat awm: nang lawngah acuekca kah nan lungna angla tahe ah nan lungna tlaih nawh poen.