1Peter 1:21 - Matu Chin New Testament 2006

²¹ Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

Matu Bible

²¹ Amah te duek lamkah a thoh tih a taengah thangpomnah a paek coeng. Te dongah nangmih kah tangnah neh ngaiuepnah te Pathen dongah om saeh.

1Peter 1:21 Iomraidhean Croise

Mathai 28:18

Jesuh lawng ahimi tengla cet phai tih. “Dilai oen vaan kah saithaina aana boeih kai m'peek poen.

Johan 12:44

Jesuh lawng awl a huer tih angaihhlangla paang tih, “A-u khaw kai he aka tangna tah kai bueng he tangna nawh tih kai tuihkung te khaw a tangna.

Johan 14:1

Jesuh lawng a hubang hue nala te, “Nangmi lawngah ngaihang khawbing la awm u boel, Pathen khaw oeng u langtah kai khaw n'tangna u lah.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 17:1

Jesuh lawng he awl he a thui coengah ahih tah vaan benla maang hang tih, “A Pa, atue tah a pha poen. Na capa kai lawng nang te ruep-awmna kan peekna ham na capa he ruep-awmna m'pe lah.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Johan 17:5

A Pa! Dilai sai thlan ah namah oen awm haih vengkah ruep-awmna te ang van te tahe namah haiah ruep-awmna te m'pe lah.

Johan 3:34

Pathen lawng a tuih thlaang te tah Pathen amah Muithla te betoetla a peek dawngah Pathen awl te a thui.

Caeltueih 2:24

Tede, Pathen lawngah ahih te duekna thara khui kalawng a loeih sak tih a thawh sak poen, metihtiah ahih te duekna lawngah thongtla angla tu khaklal thai nawh.

Caeltueih 3:13

Abraham, Isak oen Jakob Pathen, mami patuer hue kah Pathen lawngah amah kah tuihyoeih-thlaang Jesuh te aciim ruep-awmna te a peek poen. Tede nangmi lawng aana khuehkung thli kut ah na peek tih Pilat lawng ka thlah silang tah ka loeih sak ai tila awl a khueh coengah Pateng khaw Pilat haiah nangmi lawng na thana u.

Caeltueih 3:15

Nangmi lawngah hingna benla aka ceh puei thlaang te na ngawn u, tede Pathen lawng ahih te duekna kalawng a thawh sak poen, tite aka mingkung tah kaimi ni.

Caeltueih 4:10

Nangmi boeih oen ah Israel thlaang boeih lawng a ming ham tah he kah thlaang lawngah hoeih heet tih nangmi haiah a pai he tah, nangmi lawng thinglam dawngah na ngawn u tih duekna kalawng Pathen lawngah a thawh sak koep, Nazaret khaaw kah Jesuh Khrih kah a miing tharana rang oen ni.

Rom 10:9

Jesuh tah Bawipa ni tila na phawng u tih Pathen lawngah ahih te duekna kalawng a thawh sak koep tila thinkaw oen na tangna u atah thlawn la na awm ai.

Rom 4:24

Jesuh Khrih mami Bawipa duekna kalawng koep aka thawhsakkung te oengna rang oen thlaangdoeng la a pawm mami ham khaw a thut van.

2Korin 6:15

Metila Khrih oen Raaibawi te a kaw a vai hih thai ai? Aka oeng thlaang pakhat lawng aka oeng nawh thlaang pakhat oen ah a khueh haih n'tu aka awm?

Ephesa 1:15

Nangmi lawng Bawipa Jesuh na oengna, Pathen kah thlaang boeih na lungna u kawng te ka yaak cuek veng kalawng,

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

1Timothy 1:1

Mami kah Thlawnkung Pathen oen mami kah ngaiuepna Khrih Jesuh rang oen ah Khrih Jesuh kah celtuih la aka awm Kai Pawl lawngah:

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

Hebrew 2:9

Tede mami lawngah Pathen kah lungvatna oen thlaang boeih ham duek hamla vanthlaang thli lak ah ahem bet la aka awm Jesuh te n'huh u. Te tila te duekna patang a khangna rang oen tahe atah ruep-awmna oen hinyahna lumuek te a muek poen tite n'huh u.

Hebrew 6:1

Tedawngah haila cawh u sih, lamhacuek kah khrihca kawng cangna te ceh taak u poen silang tah aka soep cangna ben la te cawh u sih. Aphu aka awm nawh bii ceh taak tangte te khaw, Pathen oengna te khaw, akung kalawng tong koep tlaih boel sih;

Hebrew 7:25

Tedawngah amah teng kalawng Pathen teng aka law hue te tahe ah khaw, yoeyahla a thlawn thai, metihtiah ahih tah dungyan hing tih ahimi ham Pathen tengah reenna aka bih pe hamla awm.

1Peter 1:11

Ahimi lawngah, te kutdo te meveng tue ah a awm vetih metuek tue ah a law ai tite ming hamla a yawm u tih tahe veng atue he ahimi kaw khuiah aka awm Khrih Muithla lawngah a khi pe. Muithla lawngtah Khrih lawng patang khang ham koei oen ah, te tila patang a khang dawngah dang ham koei ruep-awmna te a thui oepsoeh poen.

1Peter 1:3

Mami Bawipa Jesuh Khrih kah ana Pa oen Pathen te mami lawng uem u lah sih! Metihtiah aka lenduet a lungna lawngah Jesuh Khrih te duekna kalawng a thawh sakna rang oen mami he hingna a thaai m'peek poen. Tedawngah mami tah aka hing ngaiuepna oen m'betoet u,

1Peter 3:22

Ahih tah vaan la luui tih Pathen bantang ben ah te awm tih vanthlaang boeih oen vaan ah saithaina aana khuehkung boeih oen ah huham tharana boeih te a uk.