1Peter 1:15 - Matu Chin New Testament 2006

¹⁵ Nangmi khuekung Pathen te aciim van angla nangmi khaw na saina boeih dawngah aciimla awm uh.

Matu Bible

¹⁵ Tedae nangmih aka khue te a cimcaih vanbangla, nangmih khaw omih boeih dongah cimcaih la om uh lah.

1Peter 1:15 Iomraidhean Croise

Mathai 5:48

Vaan kah na Pa a soep van angla nangmi khaw na soep u van ham awm.”

Rom 9:24

Mami tah a thlaangkhue la ng'awm u, Judah thlaangphun timkah bueng nawh tih Gental thlaangphun timkah khaw a khue.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 3:14

Tedawngah kutdo dang hamla lansak benla te adoengla poe ka heng, te kutdo tah sawben hingna ah Khrih Jesuh rang oen Pathen kah khuena te ni.

Philipi 3:20

Tede mami tah vaan ram thlaang la n'awm u tih mami Thlawnkung Bawipa Jesuh Khrih vaan kalawng a law thuk te huerh n'lamtoen u.

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

1Timothy 4:12

Roengthaai kum no la na awm dawngah nang te a-u lawngkhaw dapsit la n'hu boel seh; tede na awlthui thingkaa khaw, na khawboe ramlang khaw, lungna, oengna oen ciimcaihna khaw aka oeng thlaang thli ham oett koei la awm seh.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

Titus 3:14

Mami kah thlaang thli te bii theen a bi tih angoe taktak dangna ham cang puei uh. Ahimi lawng poei-oepla awm mailai u boel seh.

Titus 3:8

He awl tah awltak ni. He kah awl he awlpuila na khueh ham ka ngaih, Pathen aka oeng thlaang thli lawngtah thlaang boeih boeih ham thaihu theen saina ben ah amami kah atue atang te a hawna ham awm, te tah aka theen tih aphu aka awm ni.

Hebrew 12:14

Thlaang boeih oen roeproeicala awm ham yawm u lang aciim hingna oen hing hamla yawm uh, metihtiah aciim hingna nawh atah a-u lawngkhaw Bawipa te hu manawh.

Hebrew 13:5

Tangka he ngaih moek aih u boel lang na khueh duen oen te haan u mai hawn. Metihtiah Pathen lawng “Nang te kan ceh taak sut nawh vetih kan khueh sut manawh” ti.

James 3:13

Nangmi tim ah mingna aka khueh thlaangcuih pakhat mai khaw awm aw? A awm atah atheen hingna oen ah tueng sak seh. Cuihna, boe-ngaaina, atheen a saina oen ah tueng sak seh.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 2:9

Tede nangmi tah a tuek thlaangphun, seng-pahrang kah khawsoeih, thlaangphun ciim, Pathen kah thlaangphun la na awm u. Yiinna khui kalawng amah kah aangna khuila nangmi khuekung Pathen lawng kawpoekrai a sai te thui sak ham nangmi te n'tuek u.

1Peter 3:16

Tede awldoetna te kawdaw awlding oen hinyahna oen ah thung pe uh. Khrih kah hubang la na awm u dawngah nangmi kah khawboe ramlang theen te athela aka thui thli lawng amami kah awlthui han ah ayah toe la a awmna u ham thinkaw te ciim sak uh.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.

Olphong 3:7

“Filadelfia khaaw Khrihcabu kah vanthlaang tengah he tila thut lah: “He awl he tah aka ciim tih ataktang la aka awm tengkah awl ni. Ahih tah Devid kah caabi tukung la awm tih, ahih lawng thawhka a awng veng atah a-u lawngkhaw khai khoep thai nawh vetih ahih lawng thawhka a khaih khoep atah, a-u lawngkhaw awng thai manawh.

Olphong 4:8

Ramsa hing palii boeih lawngah phe paruk rip a khueh u tih akhui oen adau ah mik hooeng la betoet. Ahimi lawngah yiin oen daai toeng tlaih ohla: “Aciim, aciim, aciim tah Bawilen koek Bawipa Pathen ni, Ahih tah aka awm poen, aka awm lii oen aka awm poe ham koei ni,” tila laa a sak u.

Olphong 6:10

Ahimi lawng angaihhlangla pang u tih, “Aka ciim tih aka doeng Thara koek Bawipa! Kaimi aka ngawn dilai thlaang thli he awlcek nawh tih dan tat ohla metuek toe nuem na awm hun ai” ti u.