1Peter 1:12 - Matu Chin New Testament 2006

¹² Tawngha thli lawng bii a bi u he tah amami kah hoeikhangna ham nawh tih nangmi kah hoeikhangna ham ni tite Pathen lawng a thui pe. Nangmi tengah awlthang aka thui laipai thli oen tawngha thli lawngah a thui oepsoeh a kawng alam te vaan kah avan tuih Ciim Muithla tharana huham oen ah avan phawng poen tih tahe ah nangmi lawng na yaak u poen. He kah thaihu kawng he vanthlaang thli lawng pateng khaw yaakming ham a ngaih u.

Matu Bible

¹² Amih taengah aka pumphoe te amamih ham moenih tih te nen te nangmih ham ni a moem uh. Te te vaan lamkah han tueih Mueihla Cim neh nangmih olthangthen a phong te tahae ah amih rhangneh nangmih taengah ha puen coeng. Tekah khuila sawt hamla puencawn rhoek loh a hue uh.

1Peter 1:12 Iomraidhean Croise

Mathai 11:25

Tevengah Jesuh lawng, “Apa, dilai oen vaan kah Bawipa! Thlaangcuih oen aka thoemthai hue tengah na thuh te aka thoemthai nawh hue tengah na tueng sak dawngah kan uem tangkiik.

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Marku 16:15

Jesuh lawng ahimi nala te, “Dilai peng tawm ah cet u lang thlaangphun boeih tengah, awlthang theen he thui pe uh.

Luka 15:10

Atak tang kavan thui u, tetih van angla thlaangthawlh pakhat lawng a thawlhna a yut dawngah Pathen kah vanthlaang thli tah awmngaih u.” a tina.

Luka 2:26

Bawipa kah awlkam Messiah te na huh thlan atah na duek manawh tila Ciim Muithla lawng a thui pe rapcaat.

Luka 9:6

A hubang hue lawngah cet u tih vangca vangnau boeih te a hiil u, Awlthang Theen te a phawng u tih khaaw tawm ah thlaangtlo te a hoeih sak u.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Caeltueih 10:44

Piter lawng awl a thui lii vengah te ahih kah awl thui aka hutung thlaang boeih sawah Ciim Muithla te va rum thuk.

Caeltueih 16:10

He kah huhthlaam he Pawl lawng a huh coeng atah Macidonia ram la ceh ham pahoei ka kamthlah u, metihtiah te kah aka awm thlaang thli tengah Awlthang Theen thui hamla Pathen lawng n'khue ka ti u dawngah ka kamthlah pahoei u.

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Caeltueih 4:31

Ahimi lawng a thangthui coeng boet atah ahimi a tunna ahuen te hinghuen. Ahimi tah Ciim Muithla oen betoet u tih Pathen awl te thin awm tangkiik la a thui u.

Caeltueih 4:8

Tevengah Ciim Muithla oen aka betoet Piter lawng, “Thlaangping aka mawt thli oen ahaamca thli:

Caeltueih 8:25

Piter oen Johan lawng Bawipa kawng a mik huh thli te a thui hih tih Bawipa awl te a phawng hih coeng atah Jerusalem la koep meel hih. A meel lam ah Samaria peng kah vangca vangnau yahawh hlang ah te Awlthang Theen a phawng hih.

Rom 1:15

Tedawngah ni Rom khawpui ah aka awm nangmi tengah khaw Awlthang Theen phawng ham ka ngaih tangkiik.

Rom 1:17

Pathen lawng thlaanghing he metila thlaangdoeng la a khueh tite Awlthang Theen lawng a tueng sak. “Pathen lawng thlaangdoeng la a khueh thlaang te lawngtah oengna oen hing ai.” tila Caciim lawng a thui angla te doengna tah acuekca veng kalawng aboet toe oengna rang oen ni.

Rom 10:15

A thuikung laipai te tuih la a awm nawh atah metila awlthang te a phawng ai? Caciim lawng, “Awlthang Theen van khuenkung laipai thli kah a khow tah theen tangkiik hlang mah aw!” tila a thui angla awm tangtang.

Rom 15:19

kawpoek rai saina oen khawseh, kawpoek rai tharana oen khawseh, Pathen Muithla tharana oen khawseh, Khrih kah a sai bueng te ni raltheenla ka thui ai.

1Korin 2:10

Tede a awlhuep te amah Muithla rang oen ah mami he Pathen lawng m'ming sak poen. Muithla lawngtah soeprep boeih Pathen kah kamthlahna adungkoek thuh elh la aka awm te pateng khaw pheng a tlap.

2Korin 1:22

amah koe la awmna miknoekna te mami sawah a deng tih mami ham a toen oepsoeh boeih te aamahkhanna ham mami thinkaw ah Ciim Muithla pekung tah Pathen amah ni.

2Korin 6:6

Kaimi lawng thinkaw ciimna, cuihhoena, kawdawna, reenna oen ah khaw, Ciim Muithla rang oen ah, lungna tang tang oen ah khaw,

Galati 1:12

Te awlthang theen te kai lawngah thlaanghing tengkah ka dang nawh tih a-u lawngkhaw kai he n'cang puei nawh. Te tah Jesuh Khrih amah lawng ka tengah avan phawng ni.

Galati 1:16

Gental thlaangphun tengah amah kawng Awlthang Theen phawng hamla amah capa te kai tengah avan tueng sak vengah te a-u tengah khaw poekna bih ham ka cet nawh.

Ephesa 3:10

te tila a thuh te tah khrihcabu rang oen ah vanthlaang ukkung thli oen vaan kah huham tharana boeih lawng Pathen kah cuihna soeprep cungkuem te a mingna ham ni.

1Thessalonika 2:9

Maya manau thli, kaimi lawng thatlawh thaboepla bii ka bi u te na hilh nawh cawini! Pathen tengkah Awlthang Theen nangmi teng ka thui vengah te nangmi kah thalrih la ka awm nawh ham yiin, daai bii ka bi u.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

Hebrew 11:13

Ahimi boeih lawngah oengna oen duek u. Ahimi lawngah Pathen kah awlkam thaihu thli te paang u nawh. Tede athla kalawng a dan u tih a uem u. Ahimi lawng dilai sawah ram tloe thlaang angla, thlaangpoeng angla ka awm ti u.

Hebrew 2:4

Te tila te ahimi kah sausi te soeng tila a tuengna ham Pathen lawngah miknoekna oen kawpoekrai phun soeprep te a sai tih Ciim Muithla kah kutdo thli te amah kawngaih angla a rek ara.

Hebrew 4:2

Metihtiah ahimi lawng a yaak u angla, mami lawng Awlthang Then te n'yaak u poen. Tede, Ahimi lawng a yaak u awlthang te oengna oen a do u nawh dawngah ahimi ham hoeikhangna awm nawh.

1Peter 1:25

tede Bawipa kah awl tah yoeyahla cak” tila a thui. Nangmi tengah avan phawng u awlthang theen tah he poen ni.

1Peter 4:6

Tedawngah ni Awlthang Theen he thlaangduek thli tengah khaw a thui pe. Thlaang boeih awl a cek van angla ahimi khaw pumsa la a hing vengah te awl cek la awm poen; te cakhaw ahimi tengah awlthang theen a thui pe he tah muithla ben kah a hingna lawngah te Pathen a hing van angla ahimi hingna hamla ni.

Olphong 5:11

Tecoeng ka bueh koep vengah vanthlaang toeklek toekna nawh kah awl te ka yaak! Ahimi lawngah bawingawlhcoen te khaw, ramsa hing palii oen ah ahaamca hue te a veel tih pai u,