1Korin 9:26 - Matu Chin New Testament 2006

²⁶ Tedawngah kai tah mengtengna lansak te pha ham adoengla ka heeng phaat; thoekna poei ah kut thluem oen thlaang phak phak aka thoek thlaang angla ni ka awm.

Matu Bible

²⁶ Te dongah khungrhap la kai ka yong van moenih. Yilh aka bop bangla ka thoek van moenih.

1Korin 9:26 Iomraidhean Croise

Mathai 11:12

Johan lawng phungthui a tongcuek veng kalawng tihin toe Vaan Ram he raalna oen thekhana angaihhlangla a ming tih aka raalna thli lawng taa hamla tha a huer u.

Luka 13:24

Jesuh lawng ahimi nala, “Thawhka ceek ah te kuun ham yawm u lah; thlaang yahawh lawng kuun ham a yawm u ai, tede kuun thai u manawh.

1Korin 14:9

Tetih van angla ming nawh awl oen ah mingtungplau nawh la awlthang na thui u te a-u lawngah nangmi kah awl thui akawng alam te a yaakming ai? Nangmi kah awl te yilh dawngah ni a ha-ata mai ai!

2Korin 5:1

He dilai dawngah mami kah awmna mami pum riim-im he phe la awm atah, mami awmna ham Pathen amah kah sai dungyan aka cak im, vaan ah avan khueh ai tila mami lawng m'ming u.

2Korin 5:8

Mami tah thincak oen n'awm u tih pumtaksa he ceh taak tih Bawipa oen im ah awm haih hamla te n'ngaih u.

Galati 2:2

Pathen lawngah na ceh ham awm tila avan thui dawngah ka cet. Mawtkung thli oen pumpakla ka huh u vengah te Gental thlaangphun thli tengah awlthang theen ka phawngna kawng te ka thui pe. N'hu veng kah bii ka bi te khaw, tahe ah bii ka bi he khaw apoeila coengg sak ham ka ngaih nawh.

Ephesa 6:12

Metihtiah mami lawng thlaanghing te n'teek u nawh tih vaan benkah muithla the kah tharana, ukkung thli, saithaina aana khuehkung thli, tahe yiinna san kah khawhipuempa tharana huham oen ni n'teek u.

Philipi 1:21

Hingna he n'tu nuem? Kai ham tah hingna he Khrih ni. Tedawngah kai ham tah duekna he tharana ni.

Kolosa 1:29

He bii ka bi vengah he Khrih kah peek, ka khuiah bii aka bi tha-awm tharana te hawna oen ka tho ka tat tih bii rai he ngah ngah ka bi.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 2:5

Loehlangna poei ah aka loeh u thlaang pakhat lawng loehlangna phung-alam te a vai nawh atah kutdo dang thai nawh.

2Timothy 4:7

Loehlangna poei ah khaw ka tha khueh boeih oen ka yawm poen, athla hlang aboet kheng toela ka heeng poen; oengna te ka phoeih rapsaat poen.

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.

Hebrew 4:1

Tahe atah, Pathen lawng duemna huen a thui te pha thaina ham awlkamna m'peek poen. Te kah awlkam sut duemna khuiah te pha ohla awm hau nawh ham ngaithuen u sih.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

2Peter 1:10

Tedawngah maya manau hue, Pathen kah khuena oen tuekna te acakna poe ham tha huer tare uh; te tila tha na huer u atah thawlhna dawngah na tlim u manawh.